Luke 22:43 - Korafe-Yegha

⁴³ aneya utuda ghe fira, fakina mutari dae, numokena isagha usira.

God da geka seka

⁴³ aneya utuda ghe fira, fakina mutari dae, numokena isagha usira.

Luke 22:43 ပူးပေါင်းရင်းမြစ်များ

Matthew 26:53

Ne kasama aetevu: nanda Afa sonembare dae sedo benunu sarena amo, nu aneya 70,000 avavaga mutari foama na sonembarera.

Matthew 4:11

Setiri ningido, Satan nu dodo iri, aneya mendeni fera Iesu sonembuseri.

Matthew 4:6

Satan jovereghe Iesu kena sisira, “Ni God da Mandi iraresa amo, jaunghe gaone! Jaunghaso dae resena ainda susu mo, God da Geka eminge resira: ‘God nunda aneya, ni kaifa aoro dae sari, nene ni kaifa ururoro, ni vosiya nenda ungoda desembedo vose fetaresa. Ninda ata jo ghamanai de fokughuse, jorae arira,’ ” Satan aminge sisira.

Luke 22:32

Avata, ninda tumondari inono ari fetaso dae sedo, na banungumutani. Ni namokena jovereghedo foa, fakina baresa amo, ninda nano namendikena fakina futuse kaifa aresa!”

Ekaresia 14:22

Buvudo, ne sonembeoro Iesu da dorevare tamo feghedo fakina edo tumondedo ghuseri. Sonembuse, eminge ijugedo ghuseri, “Dara sirorarira, namondekena. Avata namonde fakina edo tumondarera amo, namonde utuda terarera,” aminge ijugedo ghuseri.

Ekaresia 18:23

Ira buvudo, sifo tufako aminda avido, Paul nu eredo ira, Frovensi Galesia a Frijia aminda buvurutusira. Buvudo, Iesu da dorevarekena vironu seari, ivugaghae nininguse fakina edo ghuseri.

1 Timothy 3:16

A namondeda tumondari da susu, God giti jungetiri ireira amo, teriari. Amo jo ighagha use bunari da kaugo iraeri. Amo Keriso numori. Nu genembo da tamo budo, enda eminda sirorusira. Etiri, nunda geka beká a nunda ari dambu beká, ava God da Asisiimi ijugetiri kasama useri. Nu endada iriri, aneya ne gosuseri. A nunda bino ivegedo iri, osa setero enda da oro oro isasambui nininguseri. Enda eminda, evetu genembo digarigo numoá tumonduseri, a God setiri nu sekago utuda vitíra, nunda duro budo, aminda anumbusira.

Hebrew Embokena 1:14

Ava sedo, aneya resena ainda susu mo, rejori? Ne asisi kau eniri. Ne God sonemberaera, a God ne dirigeari foama, evetu genembo sonemberaera. God evetu genembo mavejoá gategedo, jebuga evovodae irari ava baoro dae sedo sisira ava, aneya maneimi sonemberaera.

Hebrew Embokena 1:6

Eni mo: God nunda Mandi bego enda eminda sirorare dae sedo, dirigari dae use, eminge sisira: “Nanda aneya, ne isasambu numoá tumonde bainghaoro dae resena,” nunda Mandi dae aminge sisira.

Hebrew Embokena 2:17

E givu! Iesu nu God da uju ava use, evetu genembodae joka use, nenda fristi+ iká bekáda ari dae saetira amo, nu kau nunda nano namendi avavaga edo, nenda tamo budo nemoá avavaga siroraeti. A nenda ari ekoko da mino mutari God kote doyare dae saetira amo, nu nenda tamo budo aminge siroraeti.