Luke 12:37 - Korafe-Yegha

³⁷ Saramana kakato setena, ne kaifa e gogoghombururoro, nenda bajari furarira amo, ivuga arera. Ainda tuka mo: bajari sari nunda saramana kakato anumbaoro, tofo mandi uvu bayau mutari mindarera.

God da geka seka

³⁷ Saramana kakato setena, ne kaifa e gogoghombururoro, nenda bajari furarira amo, ivuga arera. Ainda tuka mo: bajari sari nunda saramana kakato anumbaoro, tofo mandi uvu bayau mutari mindarera.

Luke 12:37 ပူးပေါင်းရင်းမြစ်များ

Matthew 24:42

Ava sedo, kaifa use gigitevu! Ainda susu mo: nenda Bajari sifo reda furarira ava, ne erebuneva.

Luke 12:43

Kaifa e gogoghombururari, nunda bajari jovereghe furarira amo, saramana kato aindae ivuga beká ava arira.

Luke 17:8

Ai, ne eminge sise seraeva tano, ‘Ni yasi, nanda bayau iti bu foa mutaso mindone! Amingaso dadabari, ya bayau mindi jebugase.’

Luke 21:36

Fakina edo, roera eko setena aimi, nemo gambeure dae sedo, evovodae kaifa gigita use, banunguse irivu! Veka eveva vanembo use, sifo amboda ya ivugaghae, Evetu Genembo da Koro+ da dombuda buvu fetari dae sedo, banunguse irivu!” aminge sisira.

Luke 22:27

Mavejo mo teriari? Anumbirá gheraira avori, o bayau muturaira, avori? Anumbirá gheraira amo, nu teriari. Avata namo, nenda jokáda nendae sabua+ eraena.

John 12:26

Na reda irarena amo, nanda saramana kakato vasa daba aminda irarera. Ava sedo, mave na sonembari sarira amo, nu nanda amboda amboda arira. A kotugo mave, na sonembarira amo, God Afa nu, genembo ainda javo jighari erarira.”

1 Corinth Embokena 2:9

Avata kotugo, God da Geka dubo kotari aindae sise, eminge resira: “Evetu genembo mave God dubo buraera aindae sise, God roera evevago esimbugusira. Roera resena emo, jo evetu genembo eniimi ditii gido kasama aeri, a ainda binó jo dengoroi ningido kasama aeri, a kotugo dubo jokáda itako jo sirorari kotaeri.”

Filipai Embokena 1:21

Givu! Jebuga mo rejori? Jebuga da susu mo, Keriso numori. Ava sedo, na jebuga irarena o ambarena aindae, na jo kotae arena. Ainda beká mo: na enda eminda irise, Keriso da jebuga budo irena. A nu evevari. Kotugo, nunda javodae sedo ambarena amo, na ya nangae dabade tatedo, eveva tafuse irarena. Amo eveva bekári.

Filipai Embokena 1:23

Na nange gategareni? Na bunise irena. A jo tofo nane gategari da kaugo iraeri. Na tofo nane uju eraena amo, eviri. Na ambudo ya Keriso ghae iraeteni. Amo, nandae sedo eveva beká aeti.

2 Peter 1:11

God aindae sedo ne sonembe gogoghombuse, namondeda Bajari a Sonemba Kato Iesu Keriso da vasada terovo dae sedo, nenda emboro rerebari, ne ya aminda teredo evovodae irareva.

2 Peter 3:14

Ava sedo, nanda kokomana, ne edo gido, God de dabade dubo dabako edo irise, ari eveva avanembo use dara dariguse irareva.

Amboda Sirorarira 14:13

Amboda, na beka eni utuda ghe eminge siri nininguseni, “Geka evia gembu! Orokoá tano etira. Oroko evetu genembo mave Bajari da saramana use ambududurudo yarera amo, ne ivuga arera,” aminge setiri dadabusira. Kotugo, Asisi Kakara sonembedo geka daba ava sise, eminge sisira, “Ai, geka bekári! Bajari da natofo oroko ambududurudo yarera amo, ne ivuga beká ava arera. Ainda beká mo: ne janjagu dodo jangutarera. Amo, nenda saramana da mino budo, ya jangutarera,” aminge sisira.

Amboda Sirorarira 16:15

God da Sifo tomanako ava kotoro dae sise, Bajari Iesu namondekena eminge resira, “Dengoro javuruvu! Kau tafasara kato fururari kambo numamo bunarira aminga ava, na jovereghe endada yarena. Ainda sifo ava, mave jo kasama aeri. Mave diti fange irise, nunda tamo asugari kaifa use irarira, a ari ekoko jo ae irise, nu meka jo gae arira amo, nu ivuga beká ava arira,” Bajari aminge resira.

Amboda Sirorarira 3:21

Na giti isoro use, gitofu de atai duboda fati feteteno, God Afa setiri numokena viti nangae irise, nunda kini (king) da avo anumba aminda anumbedo kotofuko useni. “Kau daba aminga ava, mave nandae sise isoro use, gitofu de atai duboda fati fetarira amo, na saono nu viti nanda kini (king) da avo anumba aminda anumbedo, numbarago kotofuko arira.

Amboda Sirorarira 7:17

Ainda beká mo: Sifi da Mandi avo anumba ainda soroda fetirira aimi, tofo mandi nenda kaifa kato edo, ne unumbedo bu ya uvu ijugarira. Uvu resena emo, kau eni bekári. Mave mindarira amo, jebuga evovodae irari ava tuve barira. A kotugo, God nenda jivu ava, nune ghajarira,” aminge sisira.