Luke 1:41 - Korafe-Yegha

^41-43 Ategi etiri, nunda ghato Elizabeth ava niningiri, kokoi nunda tini jokáda dudukughedo javi javi usira. Amingiri, Asisi Kakara Elizabeth kena vose asugetiri, nu dubo kotedo beka fainghe sisira, “Arie, ni nanda Bajari da noiri! Ava redae namokena ojesi? Nane eredo nimo gari dae yaetena, ava avori. Namokena ojighesa aindae, na ivuga beká ava erena. God ni esimbuge gogoghombusira. Ninda mandi fumbaresa amo, numbarago esimbuge gogoghombarira.

God da geka seka

^41-43 Ategi etiri, nunda ghato Elizabeth ava niningiri, kokoi nunda tini jokáda dudukughedo javi javi usira. Amingiri, Asisi Kakara Elizabeth kena vose asugetiri, nu dubo kotedo beka fainghe sisira, “Arie, ni nanda Bajari da noiri! Ava redae namokena ojesi? Nane eredo nimo gari dae yaetena, ava avori. Namokena ojighesa aindae, na ivuga beká ava erena. God ni esimbuge gogoghombusira. Ninda mandi fumbaresa amo, numbarago esimbuge gogoghombarira.

Luke 1:41 ပူးပေါင်းရင်းမြစ်များ

Luke 1:15

Mandi amo, nu God da dombuda kotofuko edo irarira. Vaini (wine) o uvu fakara jo mindae arira. Nu jo sirorae, noi da tininda irari, Asisi Kakara aimi numokena asugarira.

Luke 1:40

Buvudo ira Zechariah da kamboda teredo, nunda ghato Elizabeth gido ategi usira.

Luke 1:44

Ni ategi eso, kokoi nanda tininda ava ningido, ivuga use javi javi etira.

Luke 1:67

John numamo Zechariah, Asisi Kakara ai vose asugetiri, God da Geka ava itatamuse geka evia sisira:

Luke 4:1

Iesu nu, Asisi Kakara ai asugetiri dubo kotise, Jordan Uvuda ghe jovereghe isira. Asisi Kakara aimi nu unumbe budo ira, reighi uvu ã evetu genembo irae da vasa aminda isira.

Ekaresia 2:4

Gosero, Asisi Kakara aimi vosetiri dubo kotero, Asisi Kakara sonembetiri aviva jovereghetiri, ne geka dombu eni dombu eni ava siseri.

Ekaresia 4:8

Aminge ategi etero, Asisi Kakara aimi Peter sonembiri dubo kotedo sisira, “Kokotofu isambu ojeva totorugetevu, aindae aiyakoe resena. Dengoro javuruvu, geka sari dae erena.

Ekaresia 6:3

Avori, namondeda nano namendi, emingareva! Gegenembo isambu 7 ava gategareva. Gegenembo resera emo, Asisi Kakara ai asugetiri dubo kotise iroro natofo gi kasama eraeva avavaga, gategaovo moni nene soro edo gharera.

Ekaresia 7:55

Amingusera avata, Asisi Kakara Stephen kena vose asugari beká etiri, diti fainghedo, God da usasa, a Iesu God da ungo gimandukena fetiriri gosusira.

Ekaresia 9:17

Aminge setiri, Ananias nu eredo ira kamboda teredo, ungoimi Saul da tamonda jijighuse sisira, “Nanda namendi Saul, Bajari Iesu ni emboroda ise gosusesi. Nune na dirigetiri ojeni. Ninda diti eveva are dae sedo, a Asisi Kakara nimokena vose asugari dubo kotaso dae sedo, Iesu na dirigetiri ojeni,” aminge sisira.

Efesas Embokena 5:18

A eni mo: uvu fakara teria erá mindeóvo jiro birurugheure! Amingareva amo, guka dagaya arira. Ava dotutuse, benunu siruruvu, Asisi Kakara aimi nenda janje joká bedo ari irove!

Amboda Sirorarira 1:10

Fura Tomanako eninda, Asisi Kakara aimi namokena vose asugusira. Asugiri, beka teria kau tavuya da dukago ava, nanda gukakena siri nininguseni.