Jonah 1:3 - Korafe-Yegha

³ Avata Jonah ghaifo edo, Tasisi yari dae isira. Nu vosira Jofa (Joppa) buvudo, ghasemo eni Tasisi yari dae iri tafusira. Tambu mino mutudo, vose Bajari kakagari dae sedo Tasisi aminda isira.

Jonah 1:3 ပူးပေါင်းရင်းမြစ်များ

Jonah 1:10

Aminge setiri, ne ojuimi ungu ata dadaragariri numokena ategi useri, “A nange usesi?” Nu Bajari kakagari dae isira, ava anakora setiri ne kasama useri.

Jonah 4:2

Edo, nu Bajari kena banungusira, “Arie, Bajari, na nanda reighida irise, emo jo saemota siseni?! Aindae sedo, na tavaraghe kakage Tasisi yari dae iseni. Ni God joka ari a dubo jama ari katori. Gaimboghae janje eko ari kato, a dubo bari kato nimori! Nine joka edo, mema mutari seraesa jo ae eraesa, ava kasama useni.

Luke 9:62

Iesu numokena sisira, “God da saramana ari dae use, ni fisi da uju ava kotise joveregharesa amo, ni God da saramana jo ae aresa,” aminge sisira.

Ekaresia 15:38

Sisira avata, Paul nu John Mark bu yari imboe usira. Ainda susu mo: giti nemonde dabade reighi mendenida era vironu siseri avata, emboro soroda Frovensi Pamfilia aminda, John Mark nu saramana dodo jovereghe isira.

Ekaresia 26:19

“Avori, Kini Agrippa, na nimokena isagha resena. God utuda ghedo isagha etiri nanda diti mokoi gosusena, ainda geka ava na jo kote doyae useni. Na ningido aminguseni.

Ekaresia 9:36

Reighi Jofa aminda, evetu eni javo Tabitha anakora Iesu tumonduse irei. Evetu ainda javo Greek gekaimi, Dorcas sedo ghuseri. Nune sifo ghousa evetu genembo sonembuse nunda gugua aimi budo, evetu genembo makasi embo ava sonembedo ghusira.

Ekaresia 9:38

Reighi Jofa ghedo ya Lida buvari jo soka iraeri. Peter nu Lida aminda esa fusira ava ningido, Iesu da natofo Jofa aminda iriara aimi, eredo gegenembo etoto naká dirigetero era, Peter kena buvudo siseri, “Totoi fu, namonde yaore!” aminge setero,

Ekaresia 9:42

Etiri, osa setero reighi Jofa aminda evetu genembo isambu ningido, mokogo Bajari tumonduseri.

Ekaresia 9:43

Etero, Peter Jofa aminda itako ghousa nunombo Simon kena irei. Simon resena emo, nu sino fuka da anoso ava budo, fiyoghai daveari takegha eari, ava budo evetu genembo mendenikena muteari moniimi ombudo ghuseri.

1 Corinth Embokena 9:16

Eregoseva, na God da Geka vironu sise irena, avata amo jo tofo nanda javo jighono erari da kaugo iraeri. Ainda beká mo: na jo tofo nanda ujuimi amingae eraena. God nune setiri na amingeraena. Amo nanda saramanari. Ava sedo, jo amingae arena amo, na God da bouvu ava itatamarena.

2 Tesalonaika Embokena 1:9

Ne evovodae ari ekoko da mino mutari vasada irise, Bajari de dabade jo irae arera, a nunda fakina durode ava ne jo gae arera.