John 8:22 - Korafe-Yegha

²² Aminge setiri, Jusi embo da babojegari ne tofo tofo eminge se nininguseri, “Nu reda yarira, aminda namane jo yari da kaugo irae resira omo, nange sise resi? Nu tofo de ambari dae resira, ai, nange ari dae resi?” ne bune jaredo, manamana use aminge siseri.

God da geka seka

²² Aminge setiri, Jusi embo da babojegari ne tofo tofo eminge se nininguseri, “Nu reda yarira, aminda namane jo yari da kaugo irae resira omo, nange sise resi? Nu tofo de ambari dae resira, ai, nange ari dae resi?” ne bune jaredo, manamana use aminge siseri.

John 8:22 ပူးပေါင်းရင်းမြစ်များ

John 1:19

Jusi embo ne, John kena ategi e ningoro dae sedo, fristi+ a Levi ondi+ mendeni, dirigetero Jerusalem ghedo fera, John kena buvudo ategi useri, “Ni mavejori?”

John 10:20

Beisiga use, mendeni eminge siseri, “Sukarui numokena asugetiri daghusira. Nunda geka erá ningeove!” siseri.

John 7:20

Aminge siri ningido, natofo isambu eredo siseri, “Nimo, sukarui asugetiri resesa. Eminda, mave enii ni jo daoro ambaso dae kotae irera.”

John 7:35

Aminge siri ningido, Jusi embo da babojegari ne tofo tofo se nininguseri, “Erá numo tambeóro dae sise, nu reda yari dae resi? Namondeda natofo Jusi embo mendeni, ne Greek embo da reighi mendeni aminda dighi anumbusera, aikena ya aminda irise, Greek embo ava dengoro indari dae resira, ai, nange resi?

John 8:48

Iesu aminge setiri, Jusi embo da babojegari siseri, “Namanenda mendenii, sukaru nimokena asugedo irariá simutari. A namanenda mendeni simutara amo, ‘Ni namondeda gitofu Samaria embo ainda kau, ava use iresa.’ Aminge simutara amo, geka beká simutari. Ni aminguse iresa.”

John 8:52

Aminge setiri, Jusi embo da babojegari numokena siseri, “Orokoá geka seso ningido, namane kasama e gogoghomberera: sukaru nimokena asugedo irira, amo geka bekári. Ni setesi, ‘Nanda geka mave ningido amingarira amo, nu jo ambae arira.’ Aminge setesa amo, jo geka iraeri. Namondeda abua Abraham mo, nu ambududurusira. A feroveta isambu, ne sirivo useri. Aminge setesa amo, inono, ni abua Abraham darigedo genembo teria etesi. A nu fiteso vose, genembo kitako etira. Amo jo geka beká iraeri. Ava sedo, isagha se ningore! Ni erekotesa, ni mavejori? Ava se ningore!”

Hebrew Embokena 12:3

Nu nange nange durumugedo fefetusira, a ari ekoko embo ne nange nange imboe use, numokena bouvu futuse fakarago etero, durumugedo itatamusira ava, kotareva. Kotise, ne, kau nune usira, aminga ava areva. Amo, ne jo oju use bunae areva.

Hebrew Embokena 13:13

Ava sedo, namonde Jusi embo da reighi ava dodo, ya numokena buvore! Eregoseva: enda eminda namondeda reighi beká eni tefori. Eminda, namonde jo evovodae irae arera. Reighi eni amboda sirorarira, aindae kaifa use irera. Ava sedo, namonde Jusi embo da Agho Dari dodo, Iesu de dabade ajagha fetirise, meka garera.