John 3:19 - Korafe-Yegha

¹⁹ Ijujari ambarera da beká mo eviri: usasa mo endada vose fusira. Avata natofo ne, usasa amo imboe use, tumba ava dubo buraera. Ai resira amo: ne ari ekoko eraera.

God da geka seka

¹⁹ Ijujari ambarera da beká mo eviri: usasa mo endada vose fusira. Avata natofo ne, usasa amo imboe use, tumba ava dubo buraera. Ai resira amo: ne ari ekoko eraera.

John 3:19 ပူးပေါင်းရင်းမြစ်များ

Luke 12:47

“Saramana kato eni nunda bajari da uju ava kasama arira avata, jo simbugedo ae arira amo, amboda nunda bajari sari nu dari beká darera.

Luke 16:14

Iesu aminge setiri ningido, Moses da Geka kaifa kakato,+ ava ningido dere jiseri. Ainda beká mo: ne moni dubo bu gogoghombuseri.

John 1:4

God da Geka resena einda jokáda mo, jebuga siroredo foa gheraira. Jebuga resena emo, nu kau usasa aminga ava, evetu genembo da jokáda janimberaira.

John 1:5

Usasa mo, tumba jokáda janimberaira. Jo tumbai fati soana ae eraira.

John 12:31

Evetu genembo da ari ekoko ijujari da sifo ojira buvira. Oroko, Satan nu enda da bajari edo irira. Avata na nunda fakina ava daono bejarira.

John 12:46

Na kau usasa aminga edo endada vose fusena ainda beká mo eviri: mave na tumondarira amo, nu jo tumbada irae arira.

John 5:44

Kotugo na kasama erena: ne jo totoi tumondae areva. Ainda beká mo: nenda kokomana nange nemokena sakai saetera ava kotise, ne God da usasa a duro, nusuka nune nemokena mutaetira ava, jo kotae eraeva.

John 7:17

Avori, nanda ijuga God kena foa gheraira o, na tofo nanda kotariimi ijugeraena amo, mave God da uju ari dae koteraira ainembo kasama arira.

John 7:7

Ne fisi da uju ava use ireva aindae sedo, evetu genembo ne jo imboe ae eraera. O namo, evetu genembo nenda ari ekoko aindae, dombuda sise irá gheraena. Aindae ne, na imboe eraera.

John 8:12

Iesu sekago natofokena sisira, “Na evetu genembo da usasari. Mave nanda amboda furarira amo, nu jo tumbada deinghae arira; nu usasada deinghuse irarira. Usasa aminda deinghuse, jebuga evovodae irari ava tuve barira.”

John 9:5

Avata namo, na endada irena emo, na kau evetu genembo einda usasari.”

Rome Embokena 1:32

Evetu genembo amo, ne ari ekoko avanembo use irá gheraera. God da Agho Dari eminge resira: evetu genembo amingeraera amo, ne sirivo arera. God da Agho Dari kasama eraera avata, ne ari ekoko use irá gheraera. Avata kotugo, amingeraera amo, kitakori. O evetu genembo mendeni ari daba ava urureoro giraera aindae sakai seraera amo, eko bekári.

Rome Embokena 2:8

O evetu genembo mendeni gogore use geka beká ighagha edo, ari ekoko da amboda amboda ya gheraera. Mave amingarera amo, God nemokena nunda vevera a janje eko mutari itatamarera.

2 Tesalonaika Embokena 2:12

Nu aindae sedo sari, evetu genembo mave geka beká jo tumondae use, ari ekoko ari dae sedo ivuga edo ghusera amo, ne ainda bouvu ava itatamarera.

1 Peter 2:8

A ainda geka eni mo, eviri: “Ghamana resena aimi, emboroda irari evetu genembo mendeni ya foa ghururoro, nenda atada dimbari durari dae arera. A evetu genembo mendeni aimi, atada dari du fafasarera.” Ne nunda geka imboe edo ghusera aindae, ne atada dimbiri du fafasuseri. God ne amingaoro dae uju usira.

2 Peter 3:3

Giti mo, ne geka evia kotaetevu! Sifo amboda, evetu genembo mendeni isagha foa buvoro garera. Evetu genembo amo, nenda fisi da uju ainda amboda amboda use irarera. Bajari furarira ava jo tumondae use, evetu genembo amo ne dere jirururoro itatamareva.