John 21:22 - Korafe-Yegha

²² Aminge setiri, Iesu numokena sisira, “Amo erá koteose! Nane saono irari, na jovereghe furarena amo, nanda sariri. Jo ninda iraeri. Ni taká nanda amboda amboda furaso dae resena.”

God da geka seka

²² Aminge setiri, Iesu numokena sisira, “Amo erá koteose! Nane saono irari, na jovereghe furarena amo, nanda sariri. Jo ninda iraeri. Ni taká nanda amboda amboda furaso dae resena.”

John 21:22 ပူးပေါင်းရင်းမြစ်များ

Matthew 16:24

namane isambukena sisira, “Mave nanda ambo jimbi edo, namonde dabade deinghari sarira amo, nu emingarira. Nu nunda uju amo dodo, nanda uju avanembo arira Nu namo tumonduse, gitofudae jo oju ae, mema ã bouvu fufudo ya ambarira, a nu avori. A nane rea eraena ava, nu ari kau daba ava udo yarira. Amingarira amo, nu nanda ambo jimbi edo, namonde dabade deingharera.

Matthew 24:27

Ainda beká mo: Evetu Genembo da Koro+ jovereghe furarira amo, nu jo ufena furae arira. Nu, kau biria tarighedo sovenisoveni sarige feteari giraera aminga ava, Evetu Genembo da Koro+ fururari, evetu genembo isasambu garera.

Matthew 24:3

Iesu nu enda jiro fumbari javo Orivi, aminda ira anumbiriri, namane numokena era, namonde kikiako anumbedo, ategi useri, “Ni, ‘God da Kambo+ de bejarera,’ setesa amo, nanjigo areri? Enda dadabari da sifo a ninda jovereghe furari da sifo ava, namane nange kasama areri? Rea sirorarira amo, nange kasama aeteri?” aminge siseri.

Matthew 24:44

Ne aindae sedo, nandae tefode numonde kaifa esimbuguse irivu! Ainda susu mo: Evetu Genembo da Koro+ jovereghe furarira da sifoá, ne bunise irovo jovereghe furarira,” Iesu aminge sisira.

Matthew 25:31

Aminge sise, Iesu sisira, “Evetu Genembo da Koro+ kini (king) arira ainda sifoda, nu nunda aneya isambude dabade foama, nunda avo anumba usasago aminda viti anumbarira.

Matthew 8:22

Setiri ningido, Iesu mino numokena eminge sisira, “Dodo fu, nangae oroko yaore! Evetu genembo mave God da Geka jo ningi tumondae eraera amo, ne kau ambari embo da kaugori. Ava sedo, mave ambarira amo, dovu, nene bu ya furugaore! Avo gido, ni fu, nangae yaore!” aminge sisira.

Mark 9:1

Aminge sedo, nu nemokena sisira, “Na geka beká nemokena resena. Ne mendeni nanda dombuda fetireva emo, ne jo ambae irovo, God tofo mandi nunda fakinaimi evetu genembo kaifa ari da sifo foa buvari gareva,” Iesu aminge sisira.

John 21:19

(Iesu aminge sise, Peter nu nange nange ambududuruse, God da javo jighari erarira, ava ijugusira.) Ainda amboda, Iesu Peter kena sisira, “Nanda amboda amboda fu!”

John 21:21

Peter fuge nu gido, eminge sisira, “Bajari, seteso ningeni. Kotugo, genembo emo nange ambari?”

1 Corinth Embokena 11:26

Avori, Bajari jo jovereghe furae irari, namonde farava a vaini (wine) evia mindarera amo, namonde Bajari da ambari da tuka ava osa sise irarera.

1 Corinth Embokena 4:5

Kau daba aminga ava, sifo jo foa buvae irari, ne jo eredo, evetu genembo mendeni da ari ekoko nene ijujae areva. Ne kaifa ururovo, sifo amboda Bajari jovereghe foama, evetu genembo da ari ekoko ijujarira. Sifo aminda, evetu genembo nenda uju a kotari nenda dubo jokáda jungetero irira ava, Bajari bu fitari isaghada foa buvarira. Isaghada foa buvari gido, Bajari nu ava gosuse, nendae sakai inononda sarira.

1 Tesalonaika Embokena 2:19

Eregoseva, nemo gari dae uju beká ava erera da beká mo, namanenda ivuga da susu nemori. Bajari Iesu jovereghe furari da Sifo aminda, namane susu redae ivuga areri? Kotugo ainda Sifo redae gigitareri? Tuka redae Sifo aminda namanenda javo jighoro erari? Amo, nendae sedo amingarera. Namane Sifo aminda ivuga ururoro duro arira, ainda susu mo: ne God da jebuga budo ireva. Namanenda ivuga a duro ari da susu mo, nemori!

James 5:7

Avori, nanda nano namendi, namonde durumuguse kaifa ururoro, Bajari jovereghe furarira. Genembo vare goveraira, ava kote givu! Nu vare govedo, durumugedo kaifa urureari, borija dirureari vitiraira. Viviturureari, ghaeko da sifo foa buvuraira.

James 5:8

Namonde kau daba aminga ava use, durumugedo gigituse irarera. Ainda beká mo: Bajari jovereghe furari da sifo ojira utua erira.

Amboda Sirorarira 1:7

Givu! Bajari forogaghae vose firi eregosenere. Evetu genembo isasambu, nu vose fururari garera. Mave nu ighagha edo arafa dorusera, a kotugo evetu genembo isasambu garera. Nu vose fururari fuge gosuse, nunda oro oro isambu enda eminda irera amo, ne oju use sorara arera. Avori, aminge sirorare!

Amboda Sirorarira 2:25

Nenda tumondari kau mavega eraeva amo, aminguse irareva. Nenda tumondari ava kaifa use irovo dae resena.

Amboda Sirorarira 22:20

Genembo mave setiri ningido eregefena aimi, resira, “Avori! Geka bekári: na nemokena yari dae erena,” nu aminge resira. A kotugo, nunda jovereghe furari da sifo aindae uju use, na eminge resena, “Avori, aminge! Bajari Iesu, fu!”

Amboda Sirorarira 22:7

Avori, Iesu resira, “Dengoro javuruvu! Na jovereghe nemokena yari dae erena. Na seteno, nanda feroveta John geka rea buku eminda gefusira ava, mave ningido kaifa arira amo, nu ivuga arira,” Iesu aminge resira.

Amboda Sirorarira 3:11

Avori, na totoi nemokena yarena. Tumondari a geka nemokena irira ava, kaifa e gogoghombevu, erá nenda mino, koana kau kekesa da kaugo baeteva ava, kosasagheóvo mendeni beore dae sise resena!