John 19:9 - Korafe-Yegha

⁹ Edo, nu sekago jovereghedo Iesu budo ira, nunda kamboda teredo Iesu kena ategi usira, “Se ningone! Ni reda ghe fusesi?” setiri, Iesu mino eni jo sae usira.

God da geka seka

⁹ Edo, nu sekago jovereghedo Iesu budo ira, nunda kamboda teredo Iesu kena ategi usira, “Se ningone! Ni reda ghe fusesi?” setiri, Iesu mino eni jo sae usira.

John 19:9 ပူးပေါင်းရင်းမြစ်များ

Matthew 26:63

Aminge sisira, avata Iesu nu geka reju eni jo saeri. Etiri, fristi+ da giti jighari sekago Iesu kena sisira, “God irira, ainda javoda resena. Ni mino se ningore! God evetu genembo da ari ekoko kote doyari dae sedo, nunda Mandi mutari sisira amo, nimori, ai? O, jo nimo iraeri? Se ningore!”

Matthew 27:27

Pilate da isoro kakato ne Iesu budo era, gavana da kamboda teredo aghi etero, nenda mendeni isambu totorugedo, nemonde Iesu jimbe birurughuseri.

Luke 23:9

Ava sedo, nu Iesu kena geka mendeni mendeni ategi usira. Avata Iesu mino eniko jo saeri.

John 18:28

Ainda amboda, ne Iesu budo Caiaphas da kamboda ghedo era, Rome embo eni Frovensi Judia kaifa edo ghusira, ainda kambo tomanako aminda buvurutuseri. Amo, ataeghae beká useri. Jarige Yari da Kirumo+ nange mindaetera ava kotise, Jusi embo da babojegari ne kotofu da kamboda jo teraeri. Ainda beká mo: erá gitofu da kamboda teteruse bebeta eore dae sedo, ne oju useri. Bebeta arera amo, ne kirumo jo mindae arera.

John 18:33

Pilate nu jovereghe ira nunda kamboda teredo, Iesu setiri fira buviri, numokena sisira, “Se ningone! Ni Jusi embo da kiniri, ai tefo?”

John 18:34

Setiri, Iesu sisira, “Amo, nisuka ninda kotariimi ategi eresa? O evetu genembo mendeniimi setero ningido ategi eresa, ai?”

John 18:37

Aminge setiri, Pilate nu aindae ategi usira, “ ‘Ninda reighi,’ ava teria futo resesa, a gido, ni kini (king) eniri tano?” aminge sisira. Setiri, Iesu mino numokena sisira, “Ava nine resesare. Na geka beká a ari beká ijugari dae sedo, vose fena enda eminda siroruseni. Evetu genembo mave, ari beká a geka beká da amboda amboda eraera amo, nanda natofo mo nemori.”

John 19:10

Etiri, Pilate numokena sisira, “Namokena geka eni jo sae aresa? Kote gi! Nimo arafa dari da fakina namokena irira. Kotugo, nimo doyono ya buvari da fakina barago, namokena irira,” aminge sisira.

John 19:8

Ne aminge sero ningido, Pilate nu oju beká ava usira. Nu giti itako oju usira. O amboda, ava ningido, nu oju beká ava usira.

John 8:14

Aminge setero, Iesu mino nemokena sisira, “Nanda geka tofo namoá sonembariá sise, ne aindae nanda geka gungubova reseva. Avata na eminge resena: na tofo amingarena amo, na geka beká sarena. Ainda beká mo: na reda ghe fusena, a na reda jovereghe yarena, ava na kasama erena. O ne a bunariri.

Filipai Embokena 1:28

Erá, nenda gitofu nemokena mema futuse irera aindae, oju eove! Fakina edo tumo fainghuse irovo gido, nenda gitofuimi nemokena rea ari dae arera amo, jo aoro inono ae arira. Ava, nenda gitofu kasama arera. Kotugo, ne totofo jebuga jo bae, ambarera ava kasama arera. A kotugo, God nu tofo mandi sonembururari ne jebuga evovodae irari ava bareva, ábarago nenda gitofu kasama arera.