John 16:20 - Korafe-Yegha

²⁰ Na nemokena geka beká resena. Giti mo, ne sorara use dubo mema tafururovo, reighi da evetu genembo ne ivuga use irarera. Ne dubo mema use irareva, avata kotugo, sifo amboda nenda dubo mema jovereghari ivuga areva.

God da geka seka

²⁰ Na nemokena geka beká resena. Giti mo, ne sorara use dubo mema tafururovo, reighi da evetu genembo ne ivuga use irarera. Ne dubo mema use irareva, avata kotugo, sifo amboda nenda dubo mema jovereghari ivuga areva.

John 16:20 ပူးပေါင်းရင်းမြစ်များ

Matthew 21:38

Avata vare kaifa kakato ne mandiá gosuse tofo tofo se ningeri, ‘Mandi omo, vare einda numamo da mandiri. Amboda vare emo, nune barira. Ava sedo fuvu, namonde nu daoro ambari, vare emo namondeda tofodae baore!’ ne aminge seteri.

Matthew 5:4

“Evetu genembo mave sorara a dubo memaghae irá gheraera amo, ne endada irise, ivugaghae iraeteri. Ainda beká mo: God ne sifo amboda, eghovo de budo kaifa ururari, ivugaghae irarera.

Mark 14:72

Aminge siri, kokora sekago sifo karigusira. Sifo karigiri, Iesu rea numokena sisira ava Peter kotisira, “Kokora umbu etoto naká sifo jo karigae irari, ni na umbu etodaba naká ighagha aresa.” Peter ava kotedo tuturo edo sorara janjagughae usira.

Mark 16:10

Mary Iesu gido, jovereghe ira, Iesu da kokomana dubo mema use sorara usera aikena buvudo, Iesu erorusira da bino ava osa sisira.

Luke 22:45

Banungetiri dadabetiri, Iesu eredo jovereghe nunda ambo jimbikena ira buvudo, ne fafasedo avéro gosusira.

Luke 22:62

Peter nu ava kotedo, ira buvudo isaghada fetedo, sorara janjagughae usira.

Luke 23:27

Iesu da amboda mo, evetu genembo digariá iseri. Ainda jokáda, evevetu mendeni Iesu dae sedo, soraraghae nunda amboda iseri.

Luke 24:17

Iesu nemokena sisira, “Ne geka rea se nininguse refevu?” setiri, ne bate dombu use fefetuseri.

Luke 24:21

Namanenda kotari mo: nune nunda fakinaimi namane Israel embo sonembari jebugaeteri. Avata numo arafa detero ambiri, oroko sifo etodaba naká dadabetira.

Luke 6:21

Ni baimaraghae iresa amo, ni ivugaghae iraetesi. Ainda beká mo: sifo amboda, God sari, ni oka bayaude aresa. Ni soraraghae iresa amo, ivugaghae iraetesi. Ainda beká mo: sifo amboda, gegha yarughae iraresa.

John 16:33

Ne na tumonduse, dubo jama baovo dae sedo, nanda geka emo seteni. Enda eminda, nanda gitofu nemokena fakarago use, bouvu futururoro, ne mema itatamareva. Avata tumo fainghedo fakina use, ivuga aovo dae sise resena. Evetu genembo fisi da uju use irera, a kotugo nenda bajari, ainda fakina ava, nane anakora deteno bejisira,” Iesu aminge sisira.

John 16:6

Avata geka setena aindae, ne dubo mema teria futo use ireva.

John 20:20

Aminge sedo, nunda ungo tautai dorusera, a nunda reimada gorobai gae basisera da buvá ava, ijugetiri namane gosuseri. Namane nu gido, ivuga beká ava useri.

Ekaresia 5:41

Era, kaniseremane da kambo dodo, ivugaghae era buvurutuseri. Ivuga usera da beká mo: God nenda tumondari mindafu gido sisira, “Na eregosena, nenda tumondari isambu inonori.” Ava sedo, nunda ungo ava sokinembetiri, ne Iesu da javoda, mema tafuse meka gosuseri.

Rome Embokena 5:11

Amo amboda barera. Avata oroko barago, namonde God da natofo edo irise, ivuga use irera. Ainda beká mo: namondeda Bajari Iesu Keriso sonembetiri, namonde God de dabade mainungido nunda natofo useri.

2 Corinth Embokena 6:10

Namane dubo memaghae irá gheraera, avata namane Bajari da sonemba buraera, aindae ivuga use irá gheraera. Namane makasi embori. Avata kotugo, namane God da gugua ghasise deinghurureoro, evetu genembo digari ava gido, jebuga aminda buraera. Namane gugua tefo bekári. Avata kotugo, namane amboda God da dombuda gugua barera ava kotise, eminge resena. Geka bekári: namane mo, susu iti fafoderi.

Galesia Embokena 5:22

Avata Asisi Kakara evetu genembo da dubo jokáda saramana ururarira amo, beká evavaga sirorarira. Amo, nunda fakinaimi dubo bari, ivuga, a dubo jama ava sirorarira. Asisi Kakara aimi sonembururari, nunda geka ningido, mema itatamuse jo bibita ae arera. Ne taká durumuguse irarera. Ne kavevera arera, ari eveva use irarera, a nenda kokomana jo ighagha edo doyae arera.

1 Tesalonaika Embokena 1:6

O nemo, namanenda amboda amboda, a Bajari da amboda amboda use iriavu. Ne aindae sedo, dara a mema mindafugo ava itatamusevu. Avata kotugo, Asisi Kakara ivuga muturaira ava budo, ainghae dabade ne namanenda geka ningido tumondusevu.

James 1:2

Nanda nano namendi, dara a mema foa gheraira, aindae ivuga aovo dae resena.

Jude 1:24

Avori, God Afa, nu namondeda God dabako tainakori. God eni tefori. Nu namondeda Sonemba Katori. Nune, erama ne gofeove dae sise, nunda fakinaimi, ne kaifa e gogoghombarira. A kotugo, nenda ari ekoko seghe fugari ne eveva a kakarago aovo, unumbe bu ya nunda dombuda fitari, riria beká ava use, nunda usasa jokáda fetirareva. Nu amingarira amo, inono beká arira. Aindae sedo, namonde God Sonemba Katodae sakai saore! Nu namonde sonembari dae sedo, Iesu Keriso namondeda Bajari ava mutiri fira sonembusira. Ava kotise, namonde nundae sakai sise eminge saore: numokena usasa, duro, fakina, a javo binonde ireira a irira amo, evovodae irare! Ai, bekári!+ Avori, nanda geka tano eviri. Na Jude.

Amboda Sirorarira 11:10

Osa sari kakato amo, nengae jebuga irise, natofo endada irera aikena, mema futusera ava sedo, ne ambero gido, natofo isambu ivuga use minonde minonde joba futuseri.

Amboda Sirorarira 18:7

Babylon embo totofo nenda duroá irari dae sedo, gugua a roera evevago ava dere ruruse dubo jama tambudo ghuseri. Oroko, roera dere budo ghusera, ainda mino mutari dae sedo, nemokena mema a dara mindafu ava mutovo barera. Ai resira amo: ne gogore edo totofo nenda reighidae sakai sise, eminge seraera, ‘Namondeda reighi kau kotofu evetu kuini (queen) seraera avavagori. Nu usasa a ivugaghaeri. Nu jo evetu rori da kaugo iraeri. Namonde reighi eminda, jo sorara use dubo mema itatamae arera.’