John 15:15 - Korafe-Yegha

¹⁵ ‘Ne nanda saramana kakato,’ seraena avata, oroko mo, ‘Ne nanda kokomana,’ sarena. Ainda beká mo: saramana kato nu, nunda bajari da kotari isambu jo kasama ae eraira. O Afa rea namokena siri niningusena amo, isambu seteno, ne nininguse kasama usevu. Aindae sedo, ‘Ne nanda kokomana,’ sarena.

God da geka seka

¹⁵ ‘Ne nanda saramana kakato,’ seraena avata, oroko mo, ‘Ne nanda kokomana,’ sarena. Ainda beká mo: saramana kato nu, nunda bajari da kotari isambu jo kasama ae eraira. O Afa rea namokena siri niningusena amo, isambu seteno, ne nininguse kasama usevu. Aindae sedo, ‘Ne nanda kokomana,’ sarena.

John 15:15 ပူးပေါင်းရင်းမြစ်များ

Matthew 13:11

Iesu sisira, “God Afa, kau nange nunda natofo+ kaifa eraira, ainda geka mendeni ava kivo usira. Ne nanda ambo jimbiri. Ava sedo, nu rea kivo usira ava, nemokena isagha saono ningi kasama aovo dae seraena. O mendenikena jo amingae eraena.

Luke 10:23

Aminge sedo, Iesu jovereghedo nunda ambo jimbi nesuka nemokena eminge setiri nininguseri, “Na nemokena resena. Ne reava nenda ditiimi eregoseva emo, nenda makoeri!

John 12:26

Na reda irarena amo, nanda saramana kakato vasa daba aminda irarera. Ava sedo, mave na sonembari sarira amo, nu nanda amboda amboda arira. A kotugo mave, na sonembarira amo, God Afa nu, genembo ainda javo jighari erarira.”

John 13:16

Na nemokena geka beká resena. ‘Sabua’+ seraera, a ‘babojegari’ seraera ainda tuka mo: sabua+ mo, ne gegenembo veveyakori, a babojegari, ne gegenembo babairi. Kau daba aminga ava, genembo mave aghi muturaira amo, nu teriari. O genembo aghi eraira amo, nu kitakori. Ne nanda sabua+ a nanda aghi kakatori. Ava sedo, na sabua+ edo, ne sonembarena amo, nembarago sabua+ edo, tofo tofo sonembuse irareva.

John 15:20

Na giti rea nemokena sedo ghusena, ava kotovo dae resena. Amo eviri: ‘Kotofu mo, nu teriari. Nunda sabua+ mo, kitakori. Evetu genembo kotofuá jo kakara ae arera amo, nunda sabua+ barago jo kakara ae arera,’ aminge sedo ghuseni. Ava sedo, namokena fakarago use bouvu muteoro mema itatameraena amo, kau daba aminga ava, nemokena fakarago use bouvu mutoro ne mema itatamareva. O, nanda geka mave ningiraera amo, ne geka rea sareva ábarago ningarera.

John 16:12

“Na geka mendeni mendeni saetena avata, oroko jo saono nene ningari da kaugo iraeri.

John 17:26

Ni na dubo buraesa, ainda dubo bari nemokena irare dae, a na nenda dubo jokáda irari dae sedo, na, ni mavejori, ava ijugeono gido kasama edo ghuseri, a kau daba aminga ava, ijugururono gido kasama edo gharera,” Iesu aminge benunu sisira.

John 20:17

Setiri, Iesu numokena eminge sisira, “Erá nanda tamo jigheose! Ainda beká mo: na Afakena jo ya buvae irena. Nu, ni yasi! Nanda nano namendikena buvudo eminge se ningore, ‘Na jovereghe yari dae erena, nanda Afa, a nenda Afakena, nanda God, a nenda God kena,’ aminge se nanda ambo jimbi ningore!”

John 4:19

Aminge setiri, evetuá sisira, “Bajari, na orokoá kasama erena amo, ni feroveta eniri.

John 8:26

Na nemokena geka mendeni mendeni saeteni, a nenda ari ekoko mendeni aindae ijujaeteni. Avata mave na dirigetiri fusena amo, nu ari bekáda bekáda ari kato, a geka beká sari katori. Ava sedo, na numokena rea niningusena, avanembo seono ningiraeva,” aminge sisira.

Ekaresia 20:27

Ainda beká mo: God nu rejo arira, a rejo uju eraira ava, ijuguse seono ningido ghusevu. Na evetu genembo da kotari aindae jo oju aeri. Na geka isambu seono ne ningido ghusevu.

Rome Embokena 7:15

Na rea eraena, ava jo kasama use ae eraena. Ainda beká mo: na jo nanda uju ava ae eraena. Na ari imboe eraena avata eraena. Ari ovia imboe eraena da beká mo: na kasama erena, Agho Dari rea resira amo, nu geka eveva a damburi.

1 Corinth Embokena 2:16

Ainda beká mo: God da Geka, evetu genembo endada irera, eindae sise eminge resira: “God rea erekotira ava, mave jo kasama aeri. Ágido, mave eniimi jo Bajari da dengoro indae arira.” O namonde God da Asisi rurusera amo, namonde Keriso da kotari God da Asisi ainghae dabade ruruseri.

Galesia Embokena 4:6

A ne nunda sasingu useva, ava ijugari dae sedo, God nunda Mandi da Asisi nemokena futusira. Mutiri ruruseva ainda fakinaimi, ne God dae javono gatise, “Eri, Afa, Afako!” sise irá gheraeva.

Efesas Embokena 1:9

God nu amboda Keriso da fakinaimi rejo ava arira amo, giti beká kotisira. Kotedo, kivo edo ireira sife nembo, namondekena ijugetiri gosuseri.

Efesas Embokena 3:5

Giti God Keriso da geka kivo ari setena amo, jo afigari evetu genembo kasama ae edo ghuseri. Avata oroko emo, God nunda aghi kakato a nunda feroveta kakara gategedo, nunda Asisi Kakara aimi geka emo nemokena ijugetiri ne kasama useri.

Kolosi Embokena 1:26

Nunda Geka resena emo, nu giti evetu genembokena kivo edo ghusira. Avata oroko, nunda natofokena afigetiri, ningido kasama erera.

Philemon 1:16

Giti, nu ninda saramana kato edo irei. Avata oroko, nu jo amingo iraeri. Nu Keriso de dabade tatedo, nangaeda dubo bari namendi edo irira. Na nu dubo ruruse, uju beká ava eraena. A oroko nimbarago nu dubo ruruse, uju beká ava aresa. Nu ninda saramana kato, avata kotugo, ninda namendi ari, nengae dabade irareva.

James 1:1

Arie, nanda nano namendi! Na James ri. Na God a Bajari Iesu Keriso ghaeda saramana kato eniri. Nanda nano namendi Jusi embo, ne ategi beká ava erena. Namonde nunda oro oro 12 ainda evetu genembo Frovensi Judia ghedo gate soesa edo aeva, reighi reighi aminda dighido ireva ava, isambu ategi erena. Yari budo givu!

James 2:23

God aminge siri, nunda geka eni gembero irira ava, beká usira. Amo eviri: “Abraham God tumondusira aindae, God nundae ‘eveva’ sisira.” Avori, geka setena, ava kasama aetevu. Abraham jo tefo anumbirise God tumondururari, God nundae ‘eveva’ saeri. Abraham God tumonduse saramana iri gido, God nundae ‘eveva’ sisira. Kotugo aminguse, God setiri, Abraham nunda komana usira.

2 Peter 1:1

Arie, nanda nano namendi! Na Iesu Keriso da saramana kato a aghi kato Simon Peter, namori. Yari budo givu! Namondeda God a namondeda Sonemba Kato Iesu Keriso ghae, veka eveva use sonembetero, ne tumonduse ireva. Kau namane giti tuturo edo Iesu tumonduse iriara aminga ava, ne amboda tuturo edo nu tumonde gogoghombuse ireva. God da dombuda nenda tumondari a namanenda tumondari kau dabakori. Ne ategi beká ava erena. Yari budo givu!

Jude 1:1

Arie, nanda nano namendi! Na Jude ri. Iesu Keriso da saramana kato eni namori. A kotugo, James amo, nu nangae tini dabakori. Na nemokena eregefena. Yari budo givu! God ne aghi etiri nunda natofo edo ireva. God Afa ne dubo buraira, a Iesu Keriso ne tavo eraira. Na ne ategi beká ava erena. Yari budo givu!

Amboda Sirorarira 1:1

Na geka sari dae erena emo, Iesu Keriso ijugusira. Amo, rea amboda jo soka irae, oroko nembo sirorarira, ainda gekari. Ava, nunda saramana kakato kasama aoro dae sedo, God nu, Keriso kena mutiri budo emingusira. Nunda aneya dirigetiri fira, geka ainda beká ava, namokena ijugetiri gi kasama useni. Ainda geka ava osa sise, buku eminda eregefenere. Na Iesu da saramana kato, John ri.