John 12:36 - Korafe-Yegha

³⁶ Ava sedo, usasa jo darigae irari, ne sifo tufako aminda usasa amo tumondevu! Amingareva, ne usasa ainda natofo areva,” Iesu aminge sisira. Iesu aminge setiri dadabetiri, nu eredo ira jungutusira, erá natofo numoá tambeore dae sedo.

God da geka seka

³⁶ Ava sedo, usasa jo darigae irari, ne sifo tufako aminda usasa amo tumondevu! Amingareva, ne usasa ainda natofo areva,” Iesu aminge sisira. Iesu aminge setiri dadabetiri, nu eredo ira jungutusira, erá natofo numoá tambeore dae sedo.

John 12:36 ပူးပေါင်းရင်းမြစ်များ

Matthew 21:17

Aminge sedo, Iesu ne dodo Jerusalem ghedo buvudo, ira reighi Bethany aminda avisira.

Matthew 5:14

“Ne natofo isambu da usasa da kaugo ava edo irevva. Kote givu! Reighi doririrda dighido irera ovia, jo jungari da kaugo iraeri.

Luke 16:8

Ainda amboda, saramana kato ainda bajari ojira, nunda saramana kato nange nange edo, nunda bayau bu mindaetira da emboro simbugetira, aindae sakai setira. Ainda beká mo: evetu genembo mendeni fisi da uju ava eraera amo, ne jiro munjuderi. A gido, ne saramana e gogoghomberaera. O evetu genembo usasada deingheraera amo, ne jo amingae eraera.”

John 1:7

usasa einda beká ava sari ningoro dae sedo, evetu genembokena fusira. Ne John da geka ningido, usasa ainda bino ava tumondaoro dae sedo, God nu John dirigetiri fusira.

John 11:54

Aindae sedo, Iesu Frovensi Judia aminda, jo isaghada ya foa ghae edo ghusira, nu ufena ya foa ghedo ghusira. Nu ira vasa tomanako evetu genembo a uvu irae da vasa ainda tinguda, reighi javo Efream aminda, nu namonde dabade iriari.

John 12:37

Nu tano a ari teria nenda dombuda eari gido ghusera avata, ne nu jo tumondae useri.

John 12:46

Na kau usasa aminga edo endada vose fusena ainda beká mo eviri: mave na tumondarira amo, nu jo tumbada irae arira.

John 3:21

Avata evetu genembo mave, ari eveva use irá gheraera amo, ne usasakena ya gheraera. Ainda beká mo: ne God da uju ava use ari eveva eraera ava, usasaimi janimbururari, natofo gi kasama aoro dae sedo, ne usasakena ya gheraera.” Iesu aminge sisira.

John 8:12

Iesu sekago natofokena sisira, “Na evetu genembo da usasari. Mave nanda amboda furarira amo, nu jo tumbada deinghae arira; nu usasada deinghuse irarira. Usasa aminda deinghuse, jebuga evovodae irari ava tuve barira.”

John 8:59

ne Iesu daoro ambare dae sedo, ghamana rete ruruseri. Rete rurero gido, Iesu God da Kambo+ jokáda jungedo, ira isaghada buvurutusira.

Efesas Embokena 5:8

Giti, ne totofo kau daba ava use tumbada iriavu. Avata oroko emo, ne Bajari da natofo edo, usasa jokáda irá gheraeva. Ava sedo, tumba da irari amo dodo, Bajari da uju ava kasama edo, usasa jokáda irise, ari eveva use irivu! Ainda tuka mo: usasa da fakina aimi, ari eveva, ari dambu, a geka a ari beká amo siroreraira.

1 Tesalonaika Embokena 5:5

Ainda susu mo: ne jo tumba jokáda iraeri, ne usasa da sasinguri. A ne ari eveva use ireva. Namonde jo tumba da sasingu iraeri.

1 Tesalonaika Embokena 5:8

O namonde mo, iji a usasa da sasinguri. Ava sedo, namonde totofo dubo kote simbuguse irarera. Ari Ekoghae dabade isoro ari dae sedo, namonde da tumondari a dubo bari, kau bere gajarigedo irarira aimi, namondeda gitofu da goroto gagojuse irarira. A eni mo: namondekena jebuga evovodae irari ava mutarira, aindae gigituse irera. Ari Eko ghae isoro ari dae sedo, kau isoro use jiro gagara eraera avavaga, gigitari aimi bu jighi fetarera.