John 10:38 - Korafe-Yegha

³⁸ Avata nunda saramana eraena amo, nanda ari ava gido, na tumondaetevu. Nanda geka avanembo ningido, ne na jo tumondae areva, avata nanda ari ava gido, na tumondaetevu. Kotugo, na rea eraena, ava gosuse ne kasama e gogoghombaetevu: geka bekári, namane Afaghae tatedo nangae dabako edo irera,” Iesu aminge sisira.

God da geka seka

³⁸ Avata nunda saramana eraena amo, nanda ari ava gido, na tumondaetevu. Nanda geka avanembo ningido, ne na jo tumondae areva, avata nanda ari ava gido, na tumondaetevu. Kotugo, na rea eraena, ava gosuse ne kasama e gogoghombaetevu: geka bekári, namane Afaghae tatedo nangae dabako edo irera,” Iesu aminge sisira.

John 10:38 ပူးပေါင်းရင်းမြစ်များ

John 10:25

Aminge setero, Iesu nemokena sisira, “Na nemokena anakora siseni. Avata ne nanda geka jo tumondae ireva. Tano a ari mendeni nanda Afa da javoda eono gido dudukugheraeva aimi, nanda geka sonemberaira.

John 10:30

Namane Afaghae mo, tatedo dabako edo irera.”

John 11:4

Setero ira aminge setiri ningido, Iesu sisira, “Lazarus kae budo fasirira amo, jo ambari dadabae arira. Ainda beká mo: evetu genembo God dae sakai saoro dae sedo, nu kae emo rurusira. Rea sirorarira ava gido aindae, God da Mandi dae sakai sarera,” aminge sisira.

John 14:20

Aminguse, sifo aminda ne kasama areva, ‘Na Afaghae dabade tatedo dabako edo irena. A kau na nenda janje jokáda irarena, kau daba aminga ava, ne nanda janje jokáda irareva,’ ava kasama areva.

John 17:11

Avori, na oroko jovereghe nimokena yari dae erena. Na jo enda eminda irae arena. O nemo, doyono enda eminda irarera. Arie, Afa Kakara! Ninda javo namokena futusesa ainda fakinaimi, ne kaifa aso dae resena. Kaifa ururaso, ne dabade tatedo dubo dabako aeteri. Kau ni nangae tatedo dubo dabako edo irera, daba aminga ava, ne dabade tatedo dubo dabako aeteri.

John 3:2

Tumba eni, nu Iesu kena ira buvudo sisira, “Rabai (Ijuga Kato), namane kasama erera: God setiri ni ijuga kato edo fusesi. Tano a ari mendeni mendeni, nine easo gido dudukugheraera ava, mave jo tofo nunda fakinaimi ae arira. Ava sedo, ni amingeraesa amo, ni God da fakinaimi eraesa,” nu aminge sisira.

John 5:36

Avori, John mo nanda geka jo teria futo sonembari da kaugo iraeri. Avata, nanda geka da sonemba kato teria beká eni irira. Nanda Afa tano a ari rea aono dae sisira ava, eono siroreari ne giraeva. Tano a ari eono siroreraira aimi ijugeraira amo, geka bekári: God Afa na nune dirigetiri fuseni.

Ekaresia 2:22

Ava sedo, nanda geka evia ningivu! God setiri Nasareth embo, mandi javo Iesu, God da saramana ari dae sedo, fira sirorusira. Genembo amo, God sonembeari ari mendeni mendeni eari gido, evetu genembo dudukughedo ghuseri, “Eraira emo, God da fakinaimi eraira,” aminge kotedo ghuseri. Amo, jo reighi eninda siroraeri, nu eminda sirorusira. Ava sedo, ne ava gido kasama aetevu.

1 John 3:24

Mave God da geka a uju ava use irarira amo, nu God ghae dabade tatarira, a God numokena irarira. Kotugo, God namondekena irira ava, nange kasama areri? Amo, eminge kasama arera. Nunda Asisi namondekena mutiri rurusera aindae, namonde kasama erera, God namondekena irira.