James 2:19 - Korafe-Yegha

¹⁹ O nu eminge saeti, “God Afa nusuka numoá God ava, na tumonderena. Ava sedo, na jebuga barena.” Nu aminge saetira amo, na eminge saeteni, “Amo nu gekari; avata kotugo, ni sukaru isambu ainde dabade tumonderaesa.” Ainda tuka mo: sukarumane ne, God irira ava anakora kasama edo, tumonduse irera. Tumonderaera aindae, ne oju use ungo ata dadadagheraera.

God da geka seka

¹⁹ O nu eminge saeti, “God Afa nusuka numoá God ava, na tumonderena. Ava sedo, na jebuga barena.” Nu aminge saetira amo, na eminge saeteni, “Amo nu gekari; avata kotugo, ni sukaru isambu ainde dabade tumonderaesa.” Ainda tuka mo: sukarumane ne, God irira ava anakora kasama edo, tumonduse irera. Tumonderaera aindae, ne oju use ungo ata dadadagheraera.

James 2:19 ပူးပေါင်းရင်းမြစ်များ

Jonah 4:4

Avata Bajari mino sisira, “Ni susudae janje eko eresa?”

Jonah 4:9

Avata God Jonah kena sisira, “Ni vive asidae janje eko eresa, susudae eresa, ai?” setiri, Jonah sisira, “Ai, na susudae erena. Na ambari dae uju iri janje eko erena.”

Matthew 8:29

Nengae Iesu nunda mendeninde ava tambudo, koko eminge siseri, “Arie, God da Mandi! Ni redae namanekena refesi? Namanekena mema mutari dae refesa, ai? Sifo mo, jo foa buvae irira,” aminge siseri.

Mark 1:24

“Agá Iesu, Nasareth embo, ni namanekena nange ari dae fumutasi? Ni saso namane sirivo aoro dae sedo fumutasi, ai? Namane ni kasama erera. Ni God da Genembo Kakarago Bekári,” sukaru genembokena asugusira aimi, aminge sisira.

Mark 12:29

Setiri, Iesu mino sisira, “Mindafu beká mo eviri: ‘Israel embo, nemokena resena, ningivu! Bajari God nusuka numoá namondeda Bajariri. Namondeda Bajari God kena ninda dubo, fakina, a kotari isasambuimi futuse, nusuka numoá dubo bu gogoghombaresa!’

Mark 5:7

Bainghetiri, Iesu sukaru aikena sisira, “Sukaru, nindae resena! Genembo ainda jokáda ghe fu buvase!” aminge setiri, koko sisira, “Iesu, ni God Teria Beká ainda Mandiri! Ni redae namanekena refesi? Namane God da dombuda, nimokena benunu resera. Namanekena erama mema muteose!” aminge setero,

Mark 7:9

Aminge sedo, Iesu sekago sisira, “Ne nangetiraimi God da Agho Dari bu fugedo, totofo nenda kiki ava use dara eraevu!

Luke 4:34

“Agá, Iesu, Nasareth embo, ni namanekena nange ari dae fumutasi? Ni saso namane sirivo aoro dae sedo fumutasi, ai? Namane ni kasama erera. Ni God da Genembo kakarago bekári,” aminge sisira.

John 17:3

Jebuga evovodae irari ava bari da emboro mo eviri. Afa, ni God bekári, a ninda Mandi Keriso futusesa amo, namori. Mave namane kasama arira amo, jebuga evovodae irari ava, nune tuve barira.

Ekaresia 16:17

Namane tambudo gagara aimi, Paul da amboda ise kori eminge sedo ghusira, “Gegenembo emo, ne God Teria Beká tumonduse nunda saramana eraera. Nenda geka ningareva amo, God kena jebugareva,” aminge sedo ghusira.

Ekaresia 19:15

Sifo eni amingero, sukaru nemokena sisira, “Iesu na kasama erena, a Paul da bino na niningerena. Avata ne mavejori, amo na erebunena,” aminge sedo,

Ekaresia 24:25

Paul da geka itako ghousa sise, namonde nange nange ari eveva aetera, nange nange namondeda uju ava dodo God da uju avanembo aetera, a amboda God nange nange evetu genembo isambu ategi arira ava siri ningido, Felix oju usira. Oju edo sisira, “Avori, yasi! Umbu eninda saono furaresa,” aminge sisira.

Rome Embokena 3:30

God nu dabakori. A nunda uju mo: namane Jusi embo tumondururoro gido, namanendae ‘eveva’ sise, sari namane nunda sasingu aeteri. A kotugo, namane Jusi embo da gitofu barago tumondururoro gido, nendae ‘eveva’ sise, sari nembarago nunda sasingu aeteri. Amo nunda ujuri.

1 Corinth Embokena 8:4

Avori, sino fuka ove kevari da dombuda de ojedo, joba muturaera, ava namonde mindarera, ai, jo mindae arera? Ainda geka sari dae erena. Namonde kasama erera: ove kevari ainda susu a beká eni tefori. A kotugo, namonde kasama erera: gode eni tefori, God Afa nu dabakori.

1 Corinth Embokena 8:6

Avata namonde kasama erera: namondeda Afa God nu dabakori. Nune roera isasambu setiri sirorusira. Nunda javo jighoro erare dae sedo, namonde jebuga irera. A kotugo namonde kasama erera: namondeda Bajari dabako mo, Iesu Keriso nusuka numori. Bajari Iesu da fakinaimi, God Afa setiri utu a enda sirorusira. A nunda fakina daba aimi, namonde oroko jebuga irera.

Galesia Embokena 3:20

Avori, na geka ‘aghi kato’ seno ningido, ne kasama etevu: God nu jo dambu evetu genembokena, Agho Dari futuse geka saeri. Ava sedo, dambu numokena ya buvari da emboro+ eni, jo Agho Dari imi afigaeri. O Abraham kena mo, God nu tofo mandi fira dombu dabade edo, geka sisira. Ava sedo, nunda beka gajariimi, emboro+ numokena afigusira.

1 Timothy 2:5

Geka beká resena amo eviri. God nu dabakori, eni numongo tefori. A emboro+ dabako tainako God kena aira buvudo irira ava, genemboi afigusira. Amo, na Iesu Keriso dae resena. Nu namonde evetu genembo isambu God de dabade tatoro dae sedo, tofo mandi futuse ambududurusira. God sifo gategusira aminda, Iesu namondeda ari ekoko da mino futusira. Mutiri gido, namonde kasama useri: God nunda jebuga evovodae irari isambukena mutari uju eraira.

James 2:8

Bajari namondeda kiniri. Ava sedo, nunda agho dari evia, nene kaifa areva. “Ni tofo dubo buraesa, kau daba ava, ninda komana dubo baresa,” aminge resira.

Jude 1:4

Ne isoro aovo dae resena, ainda beká mo eviri. Evetu genembo mendeni God kotae eraera aimi, ufena teredo God da natofo ainda jokáda irera. God namonde nange sonemberaira ainda geka ava, nene jighi birurughe sembae sise irera. Totofo nenda fisi da uju, a kusia bagia ari dae sedo, ne amingeraera. Aminguse, namondeda Giti Jighari a Bajari dabako, Iesu Keriso ava ighagha use irera. God da Geka jokáda, anakora nendae sedo gembero irira amo, eviri: evetu genembo amingeraera aindae, God mino eko ava simbugetiri irira.

Jude 1:6

O aneya mendeni da kiki ava kote givu! Aneya amo, ne gogore edo, nenda saramana God futusira ava dariguseri. Aminguse, nenda irari vasa dotutuseri. Dotero gido, God ne sandi seiniimi bundetiri irera. Amingedo iroro, amboda Sifo Teria foa buvari, nenda mino eko ava barera.

Amboda Sirorarira 20:10

Sirivo etero, Satan nemokena dederusira ava, God da mendenii sandi bu fugetero avaraka imo kaeghae, a imbosi masa eko ainda jokáda vovosusira. Avaraka resena daba aminda, sino fuka nunda feroveta gungubo kato ainghae dabade giti fugetero vovosuseri. Ne evovodae, sifo tumba evia inono, aminda irise mema itatamuse irarera.