Efesas Embokena 2:9 - Korafe-Yegha

⁹ Avori, namonde Keriso de dabade irarera, avata amo jo totofo sakai sari da kaugo iraeri. Ne jo nenda fakinaimi jebugaeri. Ne God da fakinaimi jebugusevu.

God da geka seka

⁹ Avori, namonde Keriso de dabade irarera, avata amo jo totofo sakai sari da kaugo iraeri. Ne jo nenda fakinaimi jebugaeri. Ne God da fakinaimi jebugusevu.

Efesas Embokena 2:9 ပူးပေါင်းရင်းမြစ်များ

Rome Embokena 11:6

Kotugo God da joka ari resena emo, kote givu! God joka usira amo, jo nenda ari eveva eni edo ghusera aindae, nu jo joka aeri. Nu nendae sedo tefo joka usira. Ainda beká mo: namonde ari eveva ururoro gido, God kavevera aetira aindae mo, jo kavevera ari sae aeteri.

Rome Embokena 3:20

Jo genembo eniimi Agho Dari da emboroda+ ise inononda ururari, God nundae ‘eveva’ jo sae arira. Amo, God Agho Dari futusira da susu mo: namonde evetu genembo ari ekoko eraera, ava totofo kasama aoro dae sedo futusira.

Rome Embokena 4:2

Jo nunda ari eveva edo ghusira aindae, God nundae ‘eveva’ saeri. Nunda ari eveva edo ghusira aindae, God nunda ari ekoko kote dodo, nundae ‘eveva’ saetira amo, namanenda abua Abraham, nu tofo sakai saeti. Avata jo nunda ari eveva eni aindae jo saeri. God da Geka eminge resira: “Abraham God tumondusira aindae, God nundae ‘eveva’ sisira,” God da Geka aminge resira. Ava sedo, Abraham barago nu jo tofo sakai saeri.

Rome Embokena 9:11

Sasingu etoto naká ava jo siroredo, eveva o eko eni jo ae irero ainda sifoda, God nunda fakina a kasama kau nangego a nunda gategari kau nangego ava ijugari isagha are dae sedo, Rebecca kena eminge sisira, “Ninda mandi ambo aimi vitido, bego da bajari ava nune barira.” Aminge sise, nu ijugusira: mandi ambo viti bajari barira da susu mo, jo sasingu da irari o nenda ari eni iraeri. God nunda uju ava use, mandi amboá aghi usira; aindae sedo, bajari mutiri rurusira.

Rome Embokena 9:16

God jo evetu genembo da uju o nenda irari ava kotise ne aghi ae eraira; nu nunda uju ava use, joka edo ne aghi eraira.

2 Timothy 1:9

Jebuga budo nunda natofo aoro dae sedo, nu namonde sonembuse aghi usira. Nu amingusira amo, jo namondeda ari eveva edo ghusera aindae, jo aeri. Ainda beká mo: namondekena ari eveva eni tefori. Nu taká uju etiri, namonde sonembari dae sise amingusira. Iesu Keriso amboda rea aetira ava kotise, nu enda jo ae irise, anakora beká namonde sonembari dae sedo, emboro+ esimbugusira.