Amboda Sirorarira 13:2 - Korafe-Yegha

² Sino fuka resena emo, nunda gari kau mo, fusi (cat) tomanako eni refadi (leopard) seraera, ainda kaugori. Nunda ata mo, kau sino fuka eni bea (bear) seraera, ainda atagori. Nunda beka mo, kau raiyoni (lion) da bekagori. Avori, nombura aimi eredo, nunda fakina, nunda kini (king) da avo anumba, a nunda kotofu da tano sino fuka aikena mutiri rurusira.

God da geka seka

² Sino fuka resena emo, nunda gari kau mo, fusi (cat) tomanako eni refadi (leopard) seraera, ainda kaugori. Nunda ata mo, kau sino fuka eni bea (bear) seraera, ainda atagori. Nunda beka mo, kau raiyoni (lion) da bekagori. Avori, nombura aimi eredo, nunda fakina, nunda kini (king) da avo anumba, a nunda kotofu da tano sino fuka aikena mutiri rurusira.

Amboda Sirorarira 13:2 ပူးပေါင်းရင်းမြစ်များ

Amboda Sirorarira 20:2

Nu nombura setena amo, (inono, jingabu o Satan seraera) ava sandido, ghaeko 1,000 bako jokáda irare dae sedo bundisira.

Amboda Sirorarira 17:12

“Sino fuka ainda kore ghabu sovenisoveni gesa amo, ne inono kini mendeni isambu ghabu sovenisoveniri. Ne jo furae irera. Ne amboda foa reighi kaifa ururoro, God ne jo buregae, doyari ne fakina edo, sino fuka setena ainde dabade, o saone, kini ambo nembo ainde dabade reighi kaifa use irarera. Kini ghabu sovenisoveni sino fuka ainde dabade, iji goroto dabako (1 hour) aminda reighi kaifa arera.

Amboda Sirorarira 12:9

Aminguse, Michael nunda aneyade dabade, nombura ava utuda ghe fugetero, nunda sukarude dabade endada vovosuseri. Nombura resena emo, jingabu giti beká dara usira, a kotugo, natofo dereraira amo, nu daba avori. Nunda javo mo, Satan ri.

1 Peter 5:8

Diti fangedo, kaifa e gogoghombaovo dae resena! Ainda beká mo: kau raiyoni (lion) ighoi itatamuse, bayaudae dubo gangaraghae deingheraira aminga ava, nenda gitofu Satan goroto reda teredo, nemo bari dae kato eraira.

Amboda Sirorarira 19:20

Avata utuda ghe vose fusera aimi eredo, sino fuka eko a nunda feroveta gungubo kato ainghae sanduduseri. (Feroveta gungubo kato resena emo, nu giti sino fuka da dombuda, tofo sino fuka da fakinaimi tano a ari mendeni mendeni eari siroreari, natofo nenda gitida gido, dukukughedo ghuseri. Dudukughedo, sino fuka ava tumonde bainghedo, a sino fuka da ove kau numoá avavaga simbugusera ava tumonde bainghedo ghuseri. Evetu genembo amo, ‘avori’ setero, nenda tamonda sino fuka eko da tano ava gembero fefetusira.) Avori, sino fuka nunda feroveta gungubo kato ainghae dabade, jebuga sandi fugetero avaraka imo kaeghae, a masa eko beká, ainda jokáda vovosuseri.

Amboda Sirorarira 13:4

A kotugo, evetu genembo isambu, nombura ava tumonde bainghedo ghuseri. Ainda susu mo: nunda fakina sino fuka aikena futusira. Sino fuka ábarago tumonde bainghedo ghuseri. Aminguse, siseri, “Mave jo sino fuka einda inono ae arira. Mave enii nu jo gisae arira,” aminge sedo ghuseri.

Amboda Sirorarira 12:15

Avori, evetuá sufiri, nombura aimi beka angedo kosiva etiri, uvu usegha buvurutusira. Evetu ava bu sivare dae sedo, amingusira.

Amboda Sirorarira 12:13

Numoá utuda ghe endada fugetero gido, nombura aimi eredo, evetu mandi fufusira ava sandari dae sedo, nunda amboda isira.

Amboda Sirorarira 16:10

Amingero, aneya eni ira ghabu soveni taukaka usira aimi eredo, ira nunda rooro ava, sino fuka eko ainda avo anumbada averegetiri vovosusira. Vosetiri, reighi mendeni mendeni sino fuka aimi kaifa edo ghusira aminda, usasa dadabetiri tumba usira. Tumba etiri, evetu genembo mema tafuse gambisi mema siri, aviva gambu gafuseri.

2 Timothy 4:17

Avata kotugo, na koto usena amo, Bajari nangae irise, fakina futiri nunda geka ava se gogoghombeno, namane Jusi embo da gitofu ne nininguseri. Aminge seno niningero, God sonembetiri na dotero buvurutuseni. Na sino fuka eko, raiyoni (lion) kena mutoro na gambu mindaetira avata, dotero na jebuguseni.

Amboda Sirorarira 2:13

Reighi Pergamas aminda ireva amo, ne Satan da vasa beká aminda irá gheraeva, ava kasama erena. A na kasama erena: ne namo tumonduse, na jo ighagha aeri. Satan da vasa daba aminda, Satan da mendeniimi nanda saramana kato Antipas detero ambududurusira. Ainda sifoda, na jo ighagha ae usevu.

Amboda Sirorarira 13:12

Sino fuka aimi eredo, sino fuka giti ambari dae urogho edo jebugusira, ainda dombuda fefetusira. Nunda dombuda fetirise, nunda javoda a nunda fakinaimi saramana urureari, natofo isambu nunda geka ningido ghuseri. Nu seari natofo endada iriara isasambu, sino fuka giti ambari dae urogho edo jebugusira ava, tumonde bainghedo ghuseri.