2 Peter 3:16 - Korafe-Yegha

¹⁶ Nu aindae geka sise, nunda reta isambu ainda jokáda, kau daba aminga ava sise gemburaira. Nunda reta jokáda, geka mendeni iritirira, ainda tuka ava kasama ari itako fakaragori. Evetu genembo mendeni munju kitako, ne kotae kotae irise, Paul da geka amo a God da Geka mendeni amo, jighi joveregheoro geka da tuka amo sembae eraira. Aminguse, ne totofo nemoá bu ambari da emboroda fitiraera.

God da geka seka

¹⁶ Nu aindae geka sise, nunda reta isambu ainda jokáda, kau daba aminga ava sise gemburaira. Nunda reta jokáda, geka mendeni iritirira, ainda tuka ava kasama ari itako fakaragori. Evetu genembo mendeni munju kitako, ne kotae kotae irise, Paul da geka amo a God da Geka mendeni amo, jighi joveregheoro geka da tuka amo sembae eraira. Aminguse, ne totofo nemoá bu ambari da emboroda fitiraera.

2 Peter 3:16 ပူးပေါင်းရင်းမြစ်များ

Matthew 15:3

Setero, Iesu mino nemokena sisira, “Nanda ambo jimbi ne, abuamane da agho dari doyariá reseva. Avata na nemokena resena. Nenda kotari a nenda uju ava use, nene God da Agho Dari ava dotutusevu.

Matthew 15:6

Evetu genembo avavaga use, noi numamo jo sonembae eraera amo, ne ‘avori’ seraeva. Aminguse, ne God da Geka ava dotutuse, nenda kotari ava seovo buveari, geka bekáva sise eraeva.

Matthew 22:29

Setero, Iesu mino nemokena sisira, “Ne sembae beká ava erekoteva. Ainda tuka mo: ne God da Geka rea resira, a God da fakina ava, ne erebuneva.

Filipai Embokena 3:19

Ne fisi da uju ava use, Bajari dotutuseri. Aminguse, ne fisi da uju ava tumonduse irera. Ne roera a ari mendeni mendeni eraera aindae, meka gaeteri. Avata ne aindae totofo sakai sise irera. Aindae sedo, sifo gombuda mo, ne God da bouvu ava itatamedo sirivo arera.

Hebrew Embokena 5:11

Keriso nange namondeda fristi+ iká bekáda use irira aindae, na geka mendeni mendeni saeteni. Avata nenda kasama tufakori. Sarena, jo kasama ae areva ava sedo, na nange nemokena ijugareni? Nemokena ijugari mo, fakaragori.

1 Peter 1:1

Arie, nanda nano namendi! Na Iesu Keriso da aghi kato Peter, nane God da natofo, dara nemokena sirorusira aindae, ne gatedo soesa edo aeva, Frovensi Pontus, Galesia, Kapadosia, Asia, a Bitinia aminda dighido ireva ava, ategi beká erena. Yari budo givu!

1 Peter 2:8

A ainda geka eni mo, eviri: “Ghamana resena aimi, emboroda irari evetu genembo mendeni ya foa ghururoro, nenda atada dimbari durari dae arera. A evetu genembo mendeni aimi, atada dari du fafasarera.” Ne nunda geka imboe edo ghusera aindae, ne atada dimbiri du fafasuseri. God ne amingaoro dae uju usira.

2 Peter 2:1

Anakora beká, Satan da feroveta gungubo kakato, namanenda natofo Israel embo, ainda jokáda siroredo irise, ne deredo ghuseri. Kau daba aminga ava, ijuga kakato sembae nenda jokáda sirorari gareva. Ne gungubo teria a ijuga sembae beká ava nemokena ijugarera. Ijuga sembae ava tumondareva amo, nenda asisi ambarira. A kotugo, ne aminge ijuguse, Bajari nenda ari ekoko da mino futusira ava imboe use ighagha arera. Amingururoro aindae, God sari ne totoi sirivo arera.

2 Peter 2:14

Ijuga kakato sembae resena emo, ne evevetu ekoko ava fuge gosuse, nange nange nemonde kombo yaru aetera ava kotise irá gheraera. Ari ekoko ava, ne jo itako doyari da kaugo iraeri. Evetu genembo fakina tefo ava, nene dereoro gofedo ari ekoko eraera. Dighighi ari da emboro aindae, manaka garuse irá gheraera. Amingeraera ava gido, God ne simbora etiri,

2 Peter 3:14

Ava sedo, nanda kokomana, ne edo gido, God de dabade dubo dabako edo irise, ari eveva avanembo use dara dariguse irareva.

2 Peter 3:2

Amo, feroveta kakara nenda geka a namondeda Bajari a Sonemba Kato da agho dari ava, nunda aghi kakatoimi era, nemokena vironu setero nininguseva, ava kotovo dae sise, siseni a kotugo resena.

Jude 1:4

Ne isoro aovo dae resena, ainda beká mo eviri. Evetu genembo mendeni God kotae eraera aimi, ufena teredo God da natofo ainda jokáda irera. God namonde nange sonemberaira ainda geka ava, nene jighi birurughe sembae sise irera. Totofo nenda fisi da uju, a kusia bagia ari dae sedo, ne amingeraera. Aminguse, namondeda Giti Jighari a Bajari dabako, Iesu Keriso ava ighagha use irera. God da Geka jokáda, anakora nendae sedo gembero irira amo, eviri: evetu genembo amingeraera aindae, God mino eko ava simbugetiri irira.