2 Peter 2:13 - Korafe-Yegha

¹³ Ne evetu genembo mendenikena mema futuse ari ekoko rejo edo gherera, ainda mino ava God mutari, ne mema kau daba aminga ava itatamarera. Ijuga kakato sembae nenda uju ava use, ne isagha beká fisi da uju ainda amboda amboda udo ya gheraera. Ne nenda uju ekoko ava urureoro, nemonde dabade tatedo Bajari kotise bayau mindiraeva amo, gari sembae beká ava eraira.

God da geka seka

¹³ Ne evetu genembo mendenikena mema futuse ari ekoko rejo edo gherera, ainda mino ava God mutari, ne mema kau daba aminga ava itatamarera. Ijuga kakato sembae nenda uju ava use, ne isagha beká fisi da uju ainda amboda amboda udo ya gheraera. Ne nenda uju ekoko ava urureoro, nemonde dabade tatedo Bajari kotise bayau mindiraeva amo, gari sembae beká ava eraira.

2 Peter 2:13 ပူးပေါင်းရင်းမြစ်များ

Rome Embokena 13:13

Avori, evetu genembo iji usasada deingheraera amo, ne jo kirumo jokáda uvu fakara rise, kotae kotae ae eraera, jo kombo yagera ae eraera, a jo komana da roera aindae dighighi use tataya ae eraera. Ava sedo, namonde usasada deinghuse jo amingae arera.

Filipai Embokena 3:19

Ne fisi da uju ava use, Bajari dotutuseri. Aminguse, ne fisi da uju ava tumonduse irera. Ne roera a ari mendeni mendeni eraera aindae, meka gaeteri. Avata ne aindae totofo sakai sise irera. Aindae sedo, sifo gombuda mo, ne God da bouvu ava itatamedo sirivo arera.

2 Timothy 4:14

Genembo eni roera auriimi edo, oriro edo moni buraira, javo Alexander aimi eredo namokena ari ekoko dombu eni dombu eni edo ghusira. Bajari nune mino ururari itatamarira.

James 5:5

Ne enda eminda eveva avanembo tafuse, uvu bayau inononda rise, tamoghae ireva. Avata kau fuka uvu bayau eveva rise, tamoghae iriari sandi deoro amburaira aminga ava, God ne gido, kau fuka mane avavaga dari sirivo areva.

1 Peter 4:4

Ne giti amingedo ghuseva avata, oroko ne jo amingae eraeva. Ava, evetu genembo God da natofo jo ae irera setena aimi, gi dudukughedo ne dere jiraera.

2 Peter 2:15

ne emboro dambuá dotutuse kosasaghuseri. Kau Beor da mandi Balaam edo ghusira aminga ava, nene eraera. Balaam nu feroveta eniri, avata nu ari eko use, nange moni baetira aindae dighighi edo ghusira. Aminguse iriri, God nu dombuda sise, emingusira. Nu setiri Balaam da donki (donkey) beka afigedo, evetu genembo da bekaga siri ningido, nunda daghari da ari ava dotutusira. Avori, ijuga kakato sembae resena emo, kau Balaam edo ghusira aminga ava, nene eraera.

Amboda Sirorarira 18:6

Babylon a Babylon embo rea nemokena usera, kau daba aminga ava, Babylon embokena areva! Amingareva, a kotugo, ainda etoda ari bouvu mendeni nemokena areva! Mema nemokena mutero itatamuseva, kau daba aminga ava, mema futuse, begogo mutovo Babylon embo itatamarera. Babylon embo nemokena uvu kaeghae mutero mindido mema itatamusevu. Oroko, ne kae eko beká ava budo uvughae baingoro edo, nemokena mutovo mindido mema teriago itatamarera.