2 Peter 1:10 - Korafe-Yegha

¹⁰ Ava sedo, nanda nano namendi, nunda sasingu aovo dae sedo, God ne gategedo aghi usira. Ainda beká ava nange siroredo evovodae iraetira aindae, fakina beká ava areva. Aminguse irareva amo, ne jo gofae areva. Ne Bajari tumonduse irareva. Amingareva amo,

God da geka seka

¹⁰ Ava sedo, nanda nano namendi, nunda sasingu aovo dae sedo, God ne gategedo aghi usira. Ainda beká ava nange siroredo evovodae iraetira aindae, fakina beká ava areva. Aminguse irareva amo, ne jo gofae areva. Ne Bajari tumonduse irareva. Amingareva amo,

2 Peter 1:10 ပူးပေါင်းရင်းမြစ်များ

Matthew 22:14

Iesu aminge sise, tano ari dae use sisira, “God evetu genembo digari ava kori seraira, avata daba daba gategeraira,” Iesu aminge sisira.

Rome Embokena 11:29

Ainda beká mo: God nu mavejoá aghi ari dae sarira amo, nune aghi arira. A nu mavejoá esimbugari dae sarira amo, nune esimbugarira.

2 Timothy 2:19

Avata namonde jo oju ae arera. Ainda beká mo: Geka beká Bajari anakora sisira, kau nunda kambo da tutumbi dariri fefetusira amo, jo durege bari da kaugo iraeri. A tutumbi resena einda tamonda, geka evia gembero irira: “Evetu genembo mave Bajari da tofo edo irera ava, nune kasama erira.” A eni mo eviri: “Mave Bajari da javono gatari sarira amo, nu giti dubo jovereghedo nunda ari ekoko doyarira.” Ava kotise, gegenembo etoto naká gungubo seraera aindae, namonde jo oju ae arera.

Hebrew Embokena 6:11

Na uju beká ava erena amo, ne isambu nenda fakinaga ava ururovo, ne rea gigiteraeva ainda beká ava foa isagha ari bareva.

Hebrew Embokena 6:19

Namonde ava gigituse irarera amo, namonde jo dubo bunae arera. Namonde fakina budo fetarera. Namondeda gigitariimi namondeda asisi sonemberaira. Namondeda ghamo jokáimi kaifa gigita emo mutero aira, God da vasada teredo irira. Kau ghaeko evia inono, God da Kambo+ jokáda, namonde Jusi embo da fristi+ da giti jighari joba da ororo budo ya, God da vasa kakara beká emboi gajetero irira, aminda tereraira aminga ava, namondeda kaifa gigita emo aira God kena teredo irira.

James 2:10

Ai resira amo: mave Agho Dari da geka mendeni kaifa use, dabako tainako bejarira amo, nu aminguse, inono, isambu bejari da kaugo arira.

1 Peter 1:2

God Afa nunda uju ava use, ne gategusira. Etiri, God da Asisi Kakara aimi setiri, ne God da natofo kakarago edo ireva. Amingusira da beká mo: ne Iesu Keriso da geka ava niningururovo, nunda ororoimi nenda ari ekoko seghe fugutururari irovo dae sedo, amingusira. Sonemba a dubo jama, ya nenda dubo jokáda vose bedo edo fumbu fetare!

1 Peter 1:5

Ainda koana ava nene amboda baovo dae sedo, God utuda bu jighirise, tavo use irira. A kotugo nembarago, God nunda fakinaimi tavo iri ireva. Amo, ne tumondururovo, nu, ne tavo ururari, nunda sonemba mindafu anakora simbugusira ava, sifo gombuda isagha ari bareva.

2 Peter 1:3

God, nunda duro a irari eveva ava baoro dae sedo, namonde aghi usira. Aghi etiri, namonde numokena era, God tofo nunda fakina ava mutiri budo nu kasama edo, aimi irari kakara beká ava use irera.

2 Peter 1:5

God ne aminge sonembusira ava sedo, ne minonde minonde dubo ruruse emingareva! Ne God tumonduse ireva. A nu evevari. Avata ne oroko edo gido, ari eveva edo ghareva. Ainda amboda, ne ari eveva use, evovodae dubo kotise irareva!

2 Peter 3:14

Ava sedo, nanda kokomana, ne edo gido, God de dabade dubo dabako edo irise, ari eveva avanembo use dara dariguse irareva.

2 Peter 3:17

Avori, nanda kokomana, ne erá daba ava eove dae sise resena! Geka evia kotise, kaifa e gogoghombaovo dae sise resena! Erá evetu genembo mave dara use agho dari jo kotae eraera, ainda amboda amboda ise, ari kotae kotae use gofeove!

Jude 1:24

Avori, God Afa, nu namondeda God dabako tainakori. God eni tefori. Nu namondeda Sonemba Katori. Nune, erama ne gofeove dae sise, nunda fakinaimi, ne kaifa e gogoghombarira. A kotugo, nenda ari ekoko seghe fugari ne eveva a kakarago aovo, unumbe bu ya nunda dombuda fitari, riria beká ava use, nunda usasa jokáda fetirareva. Nu amingarira amo, inono beká arira. Aindae sedo, namonde God Sonemba Katodae sakai saore! Nu namonde sonembari dae sedo, Iesu Keriso namondeda Bajari ava mutiri fira sonembusira. Ava kotise, namonde nundae sakai sise eminge saore: numokena usasa, duro, fakina, a javo binonde ireira a irira amo, evovodae irare! Ai, bekári!+ Avori, nanda geka tano eviri. Na Jude.

Amboda Sirorarira 22:14

“Mave nunda ari ekoko, kau embo boka avavaga segharira amo, nu nane esimbugaono ivuga arira. Ainda beká mo: nu sonembaono, jebuga da ika vuji ava mindido, reighi Jerusalem aminda teredo, ivuga use eveva irarira.