2 John 1:1 - Korafe-Yegha

¹ Arie, nanda ghasovuko! Na ninda begori. God ni gategetiri nunda natofo jokáda iresa. Na ni ategi beká ava erena. Yari budo gi! Ninda sasingu barago ategi erena. Na, ne dubo bu gogoghomberaena. Kotugo, jo nasuka nane ne dubo bae eraena. Evetu genembo isambu mave geka beká kasama edo irera aimi, eredo, ni ninda sasingude dabade ne dubo buraera.

God da geka seka

¹ Arie, nanda ghasovuko! Na ninda begori. God ni gategetiri nunda natofo jokáda iresa. Na ni ategi beká ava erena. Yari budo gi! Ninda sasingu barago ategi erena. Na, ne dubo bu gogoghomberaena. Kotugo, jo nasuka nane ne dubo bae eraena. Evetu genembo isambu mave geka beká kasama edo irera aimi, eredo, ni ninda sasingude dabade ne dubo buraera.

2 John 1:1 ပူးပေါင်းရင်းမြစ်များ

Luke 1:3

Ava sedo, kotofuko, nane kotisena amo, eveva mo: na nindae gembu gogoghombaeteni. Ainda beká mo: na roera digari emo isambu, nunda tuturo da ghe ijuje ningi gogoghombuseni.

John 8:32

Edo, geka beká da susu, ava kasama e gogoghombareva. Geka beká aimi, ne vujegari jebugareva.”

Ekaresia 11:30

Aminge sedo, moni dabade edo mutero, Saul nengae Barnabas ghae ava budo era, Iesu da natofo da babojegarikena mutero ruruseri.

Rome Embokena 16:13

Rufus nu Bajari da natofo ainda jiro eniri. A noi mo, nu kau nanda aya da kaugo edo irira. Nembarago ategi erena. Sevu ningore!

Galesia Embokena 2:14

Avata kotugo, ne Bino Eveva ainda emboroda jo yae ero ava gido, na Peter dombuda siseni. Nu ekaresia+ isambu ainda dombuda fetiriri siseni, “Ni Jusi embo bekári. Avata sife nembo, ni namonde Jusi embo da kiki dodo, gitofude dabade umo use iriasi. Avata oroko mo, namanenda gitofu Keriso tumonduse irera ava dodo, Jusi embode kikiako bayau rise, ijugaboro sembae fifiteresa. Aminguse, ni namonde Jusi embo da Agho Dari ava gitofui kaifa aoro dae sise ijugeraesa, amo sembaeri!

Galesia Embokena 3:1

Avori, nanda nano namendi Frovensi Galesia aminda ireva, nemokena resena. Ne nangetiraimi kau gogovara da kakaugo edo irevu! Mave deretiri ne Keriso dotutusevu? Iesu Keriso arafa dorusera ainda tuka ava, namane nenda dombuda vironu seoro ningido ghusevu.

Galesia Embokena 5:7

Giti ne Keriso tumonduse, ari eveva edo ghusevu. Avata amboda mave fira ne dederuse setiri, geka beká ava dotutusevu? Nu nange amingusira ava, na jo kasama ae erena.

Kolosi Embokena 1:5

Ne God da natofo dubo buraeva ainda susu mo: ne amboda utuda rea bareva, ava gigituse ireva. Epaphras ira nemokena God da Bino Eveva a Beká ava vironu setiri ningido, ne tuturo edo, rea utuda bareva, ava gigituse ireva. Ava sedo, ne God da natofo dubo buraeva.

1 Timothy 2:4

God nunda uju mo, evetu genembo isasambu geka beká da susu ava kasama edo, jebuga evovodae irari ava tuve baeteri.

Hebrew Embokena 10:26

Ainda beká mo: Iesu namondeda ari ekokodae ambududurusira ava namonde kasama erera. Avata ava ighagha edo ari ekoko use irarera amo, jo joba eniimi sonembari, namondeda ari ekoko seghe fugae arira.

1 Peter 1:2

God Afa nunda uju ava use, ne gategusira. Etiri, God da Asisi Kakara aimi setiri, ne God da natofo kakarago edo ireva. Amingusira da beká mo: ne Iesu Keriso da geka ava niningururovo, nunda ororoimi nenda ari ekoko seghe fugutururari irovo dae sedo, amingusira. Sonemba a dubo jama, ya nenda dubo jokáda vose bedo edo fumbu fetare!

1 Peter 5:1

Ekaresia+ da babojegari nemokena resena, ningivu! Namane namonde Iesu tumondari+ embo da babojegari edo irera. Keriso mema tafiri na gosuseni. Kotugo, nu jovereghe nunda duroghae furarira amo, nambarago duro arena.

1 Peter 5:13

Ekaresia+ da nano namendi reighi Babylon eminda irera aimi, ne ategi erera. Natofo resena emo, kau God ne gategetiri nunda natofo edo ireva aminga ava, nune gategetiri ne nunda natofo edo irera. Natofo aimi, ne ategi erera. Nanda mandi Mark barago, ne ategi beká ava erira. Yari budo givu!

1 John 2:21

Ne jo Geka Beká kasama ae irariá sise, gembae erena. Na nemokena eregefena, einda tuka mo eviri. Ne Geka beká anakora kasama edo ireva. A kotugo, geka beká aimi, gungubo eni jo sirorae eraira, ábarago kasama ereva.

1 John 3:18

Nanda sasingu, namonde tofo tofo dubo bari da emboro mo, jo geka sari vanembo iraeri. Namondekena dubo bari iraetira amo, namonde evetu genembo sonembuse saramana ururoro, namondeda dubo bari ava isagha ari evetu genembo gido ghaeteri.

2 John 1:13

Ninda dubo bari gagarako God gategusira, ainda sasinguimi ni ategi erera. Yari budo gi! Avori, nanda geka tano eviri.

2 John 1:5

Avori, nanda ghasovuko, na ni dubo ruruse, eminge resena. Namonde tofo tofo dubo ruruse irore! Amo jo agho dari seka eni iraeri. Amo, tuturoda ghe sero niningudo refera, daba avori.

3 John 1:1

Arie, nanda namendi, Gaius ko! Ninda bego ni dubo bu gogoghomberaira amo, namori. Na ni ategi beká ava erena. Yari budo gi!