1 Peter 5:5 - Korafe-Yegha

⁵ Sasingu seka bajari nemokena resena, ningivu! Ne kau daba aminga ava use, roboghoi sise, afa koro da sari ava nininguse irareva! Ne isambu totofo ighagha use, nenda uju dodo, kokomana da uju ava use irivu! Amingareva da beká mo: God da Geka aindae resira: “Mave totofo sakai seraera amo, God buregeraira. O evetu genembo totofo igheghi use, durumugedo irá gheraera amo, ne sonemberaira,” aminge resira.

God da geka seka

⁵ Sasingu seka bajari nemokena resena, ningivu! Ne kau daba aminga ava use, roboghoi sise, afa koro da sari ava nininguse irareva! Ne isambu totofo ighagha use, nenda uju dodo, kokomana da uju ava use irivu! Amingareva da beká mo: God da Geka aindae resira: “Mave totofo sakai seraera amo, God buregeraira. O evetu genembo totofo igheghi use, durumugedo irá gheraera amo, ne sonemberaira,” aminge resira.

1 Peter 5:5 ပူးပေါင်းရင်းမြစ်များ

Luke 22:26

Avata ne jo amingae areva. Bebego ne, nenda ambobo tavo ari dae sedo, jovereghe ambo da kaugo areva. A kokotofu ne, nenda sabua tavo ari dae sedo, jovereghe sabua da kaugo areva.

Rome Embokena 12:10

Ne Keriso da natofo edo, kau nano namendi tini dabako da kaugo usevu. Ava sedo, kau nano namendi eveva tofo tofo dubo buraera aminga ava, tofo tofo dubo ruruse irareva. A nano namendi minonde minonde kakara e gogoghombuse, durumugedo irivu!

Rome Embokena 13:14

Nenda tamo fisi da uju ainda emboro jo rerebae areva. Amo dotutuse, Bajari Iesu Keriso ava nenda beredae sedo bu jighi fetareva. Amo kau nenda ambí gorobari.

Efesas Embokena 5:21

Keriso kakara use, kokomana da sariá jave nininguse, minonde minonde sonembuse dubo ruruse irivu!

Filipai Embokena 2:3

Erá totofo nenda javo jighovo erare dae sise, saramana eove! Kau daba aminga ava, erá totofo sakai sari dae sise, saramana eove! Ne emingareva! Evetu genembo mendenidae sakai sise, nenda javo totofo dovu, vosare!

Kolosi Embokena 3:12

Ne isambu God da natofori. Ne, nune dubo ruruse gategedo, nunda tofodae rurusira. Ava sedo, joka ari, kavevera ari, tumo darido irari, robogho ai irari, a durumugari, ava use irareva!

1 Timothy 5:1

Embabako erá dombuda seose! Embabako, kau nimamo avavaga kakara use, durumugedo dengoro indaresa. Gegenembo seka, kau ninda jamena beká avavaga kotise, tavo use iraresa.

Hebrew Embokena 13:17

Nenda babojegari da geka ningido, ne rea sarera, ava areva. Sifo amboda, God nenda babojegarikena, nenda saramana eraera aindae ategi arira. Ava kotise, nenda babojegari evovodae sifo tumba evia inono, nenda asisi kaifa eraera. Ava sedo, nenda babojegari da geka ningareva amo, ne ivuga use saramana arera. O nenda babojegari da geka jo ningae areva amo, ne dubo memaghae saramana ururoro, ne nesuka irise, sonemba eni jo tambae areva.

James 4:6

Avata God da sonemba teria muturaira aimi, namondeda dubo eko sari dadabari da kaugori. Nunda geka aindae sise, eminge resira: “Gogore kakato ava God nu buregeraira. Avata evetu genembo tumo darido irera aikena, sonemba muturaira.”

1 Peter 3:8

Nanda geka ojighira tano ari dae erira. Ne dubo dabako edo iraetevu! Nenda kokomanadae joka edo, nenda bouvu ava fufuse irivu! Nenda nano namendide dabade, minonde minonde dubo ruruse, veka eveva use tofo tofo tumonduse irivu!

1 Peter 4:1

Keriso nunda fisi da uju ava bureguse, tamoimi mema itatamusira; ava sedo, ne kau daba aminga ava kotise, fisi da uju ava bureguse, fakina use iraetevu! Ai resira amo: mave tamoi mema itatamuse irarira amo, numokena ari ekoko da fakina dadabarira.

1 Peter 4:5

Avata God nu jebuga embo a ambari embo ava ijujari dae sedo, simbugedo irira. Ava sedo, evetu genembo ai ne dere jiraera; aindae sedo, God ne ategi edo mino mutarira. Keriso aindae sedo ira, ambari embokena God da Bino Eveva ava vironu sisira. Ne taká evetu genembo bekári. A God, evetu genembo isambu jebuga irioro ijujuse eminge seraira, “Ne ambarera.” Ava sedo, ne ambududuruseri. Avata nenda asisiimi jebugedo, kau God jebuga irira aminga ava, jebugedo iroro dae sedo, Keriso ira, nemokena God da Bino Eveva ava vironu sisira.