1 Peter 5:13 - Korafe-Yegha

¹³ Ekaresia+ da nano namendi reighi Babylon eminda irera aimi, ne ategi erera. Natofo resena emo, kau God ne gategetiri nunda natofo edo ireva aminga ava, nune gategetiri ne nunda natofo edo irera. Natofo aimi, ne ategi erera. Nanda mandi Mark barago, ne ategi beká ava erira. Yari budo givu!

God da geka seka

¹³ Ekaresia+ da nano namendi reighi Babylon eminda irera aimi, ne ategi erera. Natofo resena emo, kau God ne gategetiri nunda natofo edo ireva aminga ava, nune gategetiri ne nunda natofo edo irera. Natofo aimi, ne ategi erera. Nanda mandi Mark barago, ne ategi beká ava erira. Yari budo givu!

1 Peter 5:13 ပူးပေါင်းရင်းမြစ်များ

Ekaresia 12:12

Ava kotise, nu John Mark noi javo Mary, ainda kamboda isira. Evetu genembo digari totorugedo banunguse irero ainda sifoda, Peter ira buvurutusira.

Ekaresia 12:25

Barnabas nengae Saul ghae baimara da moni budo fusera ava, mutero bero, ne John Mark bu nemonde dabade era, Jerusalem ghedo jovereghe reighi Antiok iseri.

Ekaresia 15:37

Barnabas nu John Mark ava bu yari dae sisira.

Ekaresia 15:39

Paul nu John Mark bu yari imboe use, Barnabas ghae beisiga ambariá useri. Amingedo, nengae sarigedo, emboro nunda nunda iseri. Barnabas nu eredo John Mark budo, nengae butu Cyprus aminda sembiseri.

Kolosi Embokena 4:10

Aristarchus nangae diburada irera. Nu, ne ategi beká ava erira. Yari budo givu! Barnabas da ghato Mark barago, ne ategi erira. Namane anakora nundae gembero iri tege gosusevu. Nu ya nemokena buvarira amo, nati joká dedo, bu tavo e gogoghombareva! Yari budo givu!

Philemon 1:24

A Mark, Aristarchus, Demas, a Luke, namonde dabade saramana eraera aimi, nene ni ategi erera. Yari budo gi!

2 John 1:1

Arie, nanda ghasovuko! Na ninda begori. God ni gategetiri nunda natofo jokáda iresa. Na ni ategi beká ava erena. Yari budo gi! Ninda sasingu barago ategi erena. Na, ne dubo bu gogoghomberaena. Kotugo, jo nasuka nane ne dubo bae eraena. Evetu genembo isambu mave geka beká kasama edo irera aimi, eredo, ni ninda sasingude dabade ne dubo buraera.

2 John 1:13

Ninda dubo bari gagarako God gategusira, ainda sasinguimi ni ategi erera. Yari budo gi! Avori, nanda geka tano eviri.

Amboda Sirorarira 17:5

Nunda dombuda, javo eni gembero iriri gosuseni. Javo ainda tuka mo jo isaghada iraeri. Javo amo eviri: “Reighi tomanako Babylon, kombo yagera kakato a kusia bagia kakato, ainda noi numori. Kotugo roera ekoko aimi, evetu genembo bebeta eraera, ainda noi barago numori.”

Amboda Sirorarira 18:2

Nu beka mindafu sise, eminge siri nininguseni, “Reighi dadabetiro! Reighi tomanako Babylon, makoede dadabetira! Oroko, reighi aminda evetu genembo tefori. Asisi ekoko a sukaru ekoko aimi aminda irera. Rika ekoko dombu eni dombu eni ábarago aminda iritirera.