1 Peter 1:6 - Korafe-Yegha

⁶ Ava kotise, ne ivuga use iraetevu. Ne ivuga use iraeteva avata, oroko mo, ne dara a bouvu mendeni itatameraeva aindae, dubo mema use ireva.

God da geka seka

⁶ Ava kotise, ne ivuga use iraetevu. Ne ivuga use iraeteva avata, oroko mo, ne dara a bouvu mendeni itatameraeva aindae, dubo mema use ireva.

1 Peter 1:6 ပူးပေါင်းရင်းမြစ်များ

Matthew 11:28

“Namokena fuvu! Mave irise bouvu erefufira amo, namokena fururovo, nanda dubo jama nemokena futurono, dubo eveva use jangutareva.

Matthew 26:37

Aminge sedo, nu Peter a Zebedee da vide jamena etoto naká ava budo, nemonde era fetedo, Iesu nu dubo mema ambarako usira.

Matthew 5:12

ne endada irise, ivugaghae iraetevu. Ainda beká mo: ne mema itatamuse, kau God da feroveta mema itatamedo ghusera aminga ava, itatamareva. Amo, evetu genembo mendeni ne God da feroveta aikena, fakarago use bouvu muteoro mema itatamedo ghuseri. Ava sedo, ne sifo amboda God da vasa aminda, mino eveva ava bareva,” aminge sisira.

Luke 1:47

Nanda asisiimi ivuga erira. Ainda susu mo: na sabuari, avata God Fakina Kato namo kotedo sonembuse veka eveva erira. Ava sedo, orokoá evetu genembo tuturo edo, nandae sarera, ‘God Mary esimbugusira.’ Nunda javo kakara bekári.

Luke 10:20

Avata sukaru ekoko nenda geka niningusera aindae, erá ivuga eove! Amo kitakori. God Afa nenda javo utuda gefusira, aindae ivuga aetevu! Amo teriago bekári.”

Luke 2:10

Oju ero, aneya nemokena sisira, “Erá oju eove! Na Bino Eveva nemokena sari dae erena. Bino resena eindae, evetu genembo isambu ivuga arera.

John 16:22

Ne kau daba ava ereva. Oroko ne dubo mema use ireva. Avata amboda, na furono ne na tambudo ivuga beká ava areva. A ainda ivuga mo, jo mave bu darigari da kaugo iraeri.

John 16:33

Ne na tumonduse, dubo jama baovo dae sedo, nanda geka emo seteni. Enda eminda, nanda gitofu nemokena fakarago use, bouvu futururoro, ne mema itatamareva. Avata tumo fainghedo fakina use, ivuga aovo dae sise resena. Evetu genembo fisi da uju use irera, a kotugo nenda bajari, ainda fakina ava, nane anakora deteno bejisira,” Iesu aminge sisira.

Ekaresia 14:22

Buvudo, ne sonembeoro Iesu da dorevare tamo feghedo fakina edo tumondedo ghuseri. Sonembuse, eminge ijugedo ghuseri, “Dara sirorarira, namondekena. Avata namonde fakina edo tumondarera amo, namonde utuda terarera,” aminge ijugedo ghuseri.

Rome Embokena 12:12

Ne amboda God da usasa bareva aindae, gigituse ivugaghae irivu! Mema tafuse, durumuguse evovodae banunguse irivu.

Rome Embokena 5:11

Amo amboda barera. Avata oroko barago, namonde God da natofo edo irise, ivuga use irera. Ainda beká mo: namondeda Bajari Iesu Keriso sonembetiri, namonde God de dabade mainungido nunda natofo useri.

Rome Embokena 5:2

Namonde numoá tumondero gido, Iesu namonde ava unumbe budo ira God kena ijugetiri, God da sonemba emo ruruseri. Ava itatamuse, namonde ivuga use irera. Ainda beká mo: namonde amboda God de dabade nunda usasada irise, numongo ava arera, ava gigituse ivuga use irera.

Rome Embokena 9:2

Na, nanda natofo Israel embo, nanda ororo aindae, dubo mema use nanda dubo jokáda, evovodae mema ambarako ava itatamuse irena.

2 Corinth Embokena 4:17

Amo, namane oroko sifo tufako einda jokáda, bouvu fufuse mema itatameraera da beká mo: namanenda dubo joká nange kau ari, namane duro evovodae irari ava baetera aindae, God seari mema itatameraera. Namanenda bouvu a mema kitakori. O duro amo, teriago bekári.

2 Corinth Embokena 6:10

Namane dubo memaghae irá gheraera, avata namane Bajari da sonemba buraera, aindae ivuga use irá gheraera. Namane makasi embori. Avata kotugo, namane God da gugua ghasise deinghurureoro, evetu genembo digari ava gido, jebuga aminda buraera. Namane gugua tefo bekári. Avata kotugo, namane amboda God da dombuda gugua barera ava kotise, eminge resena. Geka bekári: namane mo, susu iti fafoderi.

Galesia Embokena 5:22

Avata Asisi Kakara evetu genembo da dubo jokáda saramana ururarira amo, beká evavaga sirorarira. Amo, nunda fakinaimi dubo bari, ivuga, a dubo jama ava sirorarira. Asisi Kakara aimi sonembururari, nunda geka ningido, mema itatamuse jo bibita ae arera. Ne taká durumuguse irarera. Ne kavevera arera, ari eveva use irarera, a nenda kokomana jo ighagha edo doyae arera.

Filipai Embokena 2:26

Nu nendae joka use, gari dae uju beká ava erira. A eni mo: nu kae rurusira, ainda bino iri nininguseva ava kasama use, nu nange ya ne gaetira aindae uju beká ava erira.

Filipai Embokena 3:3

Avata amo, jo God da tano beká iraeri. Nunda tano beká amo, nunda Asisiri. Nunda Asisi resena emo, evetu genemboá ne jo baeri. O namonde mo, nunda Asisi ava budo, nunda fakinaimi God tumonde bainghuse, nunda Mandi Iesu Keriso de dabade tatedo ivuga use irera. Rea dubo jokáda irira amo, susuri. O tano mendeni mendeni namonde tamonda fitido ditiimi giraera amo, jo susu iraeri.

Filipai Embokena 4:4

Ne Keriso de dabade tatisevu. Tatedo irise, ivuga aovo dae sise resena! Kotugo, na sekago resena: ne ivuga use irareva!

1 Tesalonaika Embokena 1:6

O nemo, namanenda amboda amboda, a Bajari da amboda amboda use iriavu. Ne aindae sedo, dara a mema mindafugo ava itatamusevu. Avata kotugo, Asisi Kakara ivuga muturaira ava budo, ainghae dabade ne namanenda geka ningido tumondusevu.

James 1:2

Nanda nano namendi, dara a mema foa gheraira, aindae ivuga aovo dae resena.

James 1:9

God da natofo makasi embo, ne ivuga use iraeteri. Ainda beká mo: God ne jighiri eredo, nunda sasingu edo irera.

James 4:9

Ne ari ekoko edo ghuseva aindae, sorara janjagughae aovo dae resena. Nenda gegha a umo gamo dodo, dubo mema aovo dae resena.

1 Peter 3:17

Ainda beká mo: God nunda uju ava use ungo sokinembari, ne ari eveva ururovo, evetu genembo ne daoro mema itatamareva amo, avori. O ne ari ekoko ururovo aindae, ne daoro mema itatamareva amo, ekori.

1 Peter 4:7

Utu a enda einda tano foa buvari dae erira. Ne inononda banungari dae sedo, diti fangedo, nenda fisi da uju ava bureguse iraetevu!

1 Peter 5:10

Avata sifo tufako mema itatamaovo dadabari, God ne sonembari, fakina edo fete gogoghombareva. Ainda beká mo: God nemo aghi eraira amo, nu sonemba da susuri. Aindae sedo, ne jo gofae areva. Nemo aghi eraira setena, ainda beká mo eviri: ne Keriso de dabade tatedo, nunda duro ava baovo dae sedo, ne aghi eraira. Nunda duro amo, evovodae irarira.