1 John 4:9 - Korafe-Yegha

⁹ God nunda dubo bari kau mavega ava, namondekena eminge ijugusira. Nu, namonde nange nunda Mandi da javoda jebuga tuve baetera ava kotise, nunda Mandi dabako tainako ava dirigetiri endada fusira.

God da geka seka

⁹ God nunda dubo bari kau mavega ava, namondekena eminge ijugusira. Nu, namonde nange nunda Mandi da javoda jebuga tuve baetera ava kotise, nunda Mandi dabako tainako ava dirigetiri endada fusira.

1 John 4:9 ပူးပေါင်းရင်းမြစ်များ

Mark 12:6

Amboda beká mo, vare numamo tofo nunda mandi nusukako fetetira. Fetedo iriri, numamo nu dubo bu gogoghombedo, numoá diriguse eminge kotetira, ‘Avose, nanda mandiva kakara arera tanojo,’ aminge kotise, nunda mandi ava dirigetiri aira.

Luke 4:18

“Bajari da Asisi namokena asugetiri irena. Ainda beká mo: evetu genembo makasi embokena, Bino Eveva saono dae sedo, na gategusira. Evetu genembo ari ekoi bundetiri irera ava, saono vujege doyoro dae sedo, Bajari setiri ojigheni. Evetu genembo diti digoide ava sonembaono, diti afigari gaoro dae sedo, na mutiri ojigheni. Evetu genembo, nenda kokotofuimi jo tavo ae eraera ava, foa sonembaono jejebugaoro dae sedo, setiri ojigheni.

John 10:10

Bagia kakato setena amo, ne bagia ari, sifi daoro ambare dae sedo, a de bejari dae sedo foa gheraera. O namo, jebuga mutono dubo jama use, irovo dae sedo fuseni.

John 14:6

Aminge setiri, Iesu mino numokena sisira, “Emboro Afakena amo, namori. Geka beká da susu, amo namori. A jebuga da susu barago, namori. Emboro Afakena setena amo, dabako tainako, namori, eni tefori. Na mavejoá unumbe bu yarena amo, ya God Afa kena buvarira. O mavejoá na jo unumbe bu yae arena amo, God Afakena jo ya buvae arira.

John 3:16

Ainda beká mo: God nu evetu genembo dubo bu gogoghombuse, jebuga evovodae irari ava baoro dae sedo, nunda Mandi dabako tainako mutiri fusira. Fusira da beká mo: mave nu tumondarira amo, jo ambae arira. Nu jebuga evovodae irari ava tuve barira.

John 3:18

Mave God da Mandi tumondarira amo, God nunda ari ekoko jo ijujari ambae arira. O mave God da Mandi jo tumondae arira amo, God anakora setiri nunda asisi ambududurusira. Ainda beká mo: nu God da Mandi dabako tainako ava jo tumondae usira aindae.

John 6:29

Aminge setero, Iesu sisira, “God saramana ningiava aovo dae uju eraira amo, eviri. God mavejoá dirigetiri ojighira amo, nu tumondareva.”

John 6:51

Emo na tofo, nandae resena. Bayau utuda ghe vose fusira setena amo, tofo namoá seteni. Bayau evia, mave mindarira amo, nu jebuga evovodae irari ava tuve barira. Bayau evetu genembodae mutari resena emo, nanda tamo aindae resena. Evetu genembo jebugaoro dae sedo, nanda tamo mutarena,” Iesu aminge sisira.

John 6:57

God Afa jebuga irira aimi, na dirigetiri fuseni. Nunda jebuga da fakinaimi, nambarago jebuga irena. Kau daba aminga ava, mave na bu mindarira amo, nu nanda jebuga da fakinaimi, jebuga tuve barira.

John 8:29

Kotugo, Afa na dirigetiri fusena amo, nu jo na doyari, na nasuka deinghae eraena. Nu nangae dabade irera. Ainda beká mo: na rea eraena aindae, nu ivuga eraira,”

John 8:42

Aminge setero, Iesu nemokena sisira, “Amo gungubori! Ne God Afa da sasingu iraeteva amo, ne na dubo baetevu. Ainda beká mo: na tofo God kena ghedo ojena irena. Na jo nanda javoda furae useni. Na God dirigetiri fuseni.

John 9:3

Iesu sisira, “Tefo, ainda susu mo, jo ari eko dae aeri. Nu diti digoide sirorusira da beká mo: na ururono evetu genembo God da fakina ava gaoro dae sedo, nu aminge sirorusira.

Rome Embokena 8:32

Nu namonde sonembari dae sedo, tofo nunda Mandi ava, tefo namondedae sedo mutiri fira ambududurusira. Avo gido, namonde kasama erera: nu roera isambu kau daba ava namondekena tefo mutarira.

Hebrew Embokena 1:5

God nunda Mandikena eminge sisira: “Na Nimamori, orokoá ni nanda Mandi etesi.” A eni mo eminge sisira: “Na numamori, a nu nanda Mandiri. Ava saono isagha arira.” Geka resena emo, jo aneya enikena saeri. Geka emo nunda Mandikena sisira.

1 John 3:16

Keriso namondedae sedo rea usira ava kotise, namonde dubo bari da aito ava kasama arera. Keriso emingusira. Nu namondedae sedo fira ambududurusira. Ava sedo, namonde kau daba ava use, namondeda nano namendi sonembari dae sedo, ambaeteri.

1 John 4:10

Dubo bari beká mo eviri: namonde numoá jo dubo bae irero, nu namonde dubo ruruse, namondeda ari ekoko kote doyari dae sedo, nunda Mandi dirigetiri fira, ari ekoko da mino futuse ambududurusira.

1 John 4:16

Namonde God de dabade tatedo irera ava sedo, God namonde nange dubo buraira, ava kasama use tumonderaera. God nu dubo bari da susuri, aminge seteni. Ava sedo, mave dubo ruruse irarira amo, nu God ghae tatedo irari, God nunda dubo jokáda irarira.

1 John 5:11

God nunda Mandidae rea sisira amo, eviri. God namondekena jebuga evovodae irari futusira da susu mo, nunda Mandiri.

1 John 5:13

Ne mave God da Mandiá tumonduse, nundae javono gateraeva, nemokena resena, ningivu! Ne aminge tumonduse, anakora jebuga evovodae irari torughe ruruseva ava itatamedo, kasama e gogoghombaovo dae sise eregefena.