1 John 3:14 - Korafe-Yegha

¹⁴ Namonde ambarida ghe fera jebugakena sembudo irera, ava kasama erera. Namonde ava kasama erera da beká mo: namonde nano namendi dubo ruruse irera. O mave nunda nano namendi jo dubo bae irira amo, nu ambari jokáda irira.

God da geka seka

¹⁴ Namonde ambarida ghe fera jebugakena sembudo irera, ava kasama erera. Namonde ava kasama erera da beká mo: namonde nano namendi dubo ruruse irera. O mave nunda nano namendi jo dubo bae irira amo, nu ambari jokáda irira.

1 John 3:14 ပူးပေါင်းရင်းမြစ်များ

Matthew 25:40

“Aminge saoro, kini (king) sekago nemokena sarira, ‘Sonemba evia nanda nano namendi, foivo batekena edo ghuseva amo, ne namokena edo ghusevu,’ kini nu aminge sedo,

Luke 15:24

Ainda susu mo: nanda mandi evia ambariva setena avata, nu jebuga ojira buvira. Baghimbusira ava, oroko ojighiri tambeni,’ numamo aminge setiri, tuturo edo kirumo eteri.

Luke 15:32

Avata namonde oroko umo use ivuga aeteri. Ainda susu mo: ninda mandako ambariá setera, avata jebuga ojira buvira. Aira baghimbetira, ava tamberi,’ ” Iesu aminge sisira.

Luke 7:5

Ainda beká mo: nu namonde Israel embo dubo ruruse, namondeda dengoro indari kambo+ ava, nunda moniimi itutusira,” aminge setero,

John 13:35

Ne aminge dubo ruruse irareva amo, evetu genembo isambu kasama arera, ne nanda ambo jimbiri,” aminge sisira.

John 15:12

Nanda agho dari mo eviri: kau nane ne dubo buraena aminga ava, ne tofo tofo dubo ruruse irareva!

John 15:17

Avori, setena, geka daba ava resena: ne tofo tofo dubo buvu!” Iesu aminge sisira.

John 5:24

“Na geka beká resena. Amo, mave nanda geka nininguse, God na dirigetiri fusena ava tumondarira amo, nu jebuga evovodae irari ava tuve barira. Amo kau nu anakora ambarida ghe jebuge erorusira, amingori. Ava sedo, genembo mave na tumondarira amo, jo mave eniimi nunda ari ekoko ijujae arira.

2 Corinth Embokena 5:1

Namane mema itatamuse, jo bunae eraera da susu mo eviri. Namane kasama erera: namondeda tamo mo kau dobo eko ainda kaugori. O namonde ambarera amo, namonde ya utu aminda kambo seka evevago ava barera. Kambo seka resena emo, namondeda tamo seka aindae sise resena. God nu tofo mandi, tamo amo ari siroredo, evovodae irarira.

Galesia Embokena 5:22

Avata Asisi Kakara evetu genembo da dubo jokáda saramana ururarira amo, beká evavaga sirorarira. Amo, nunda fakinaimi dubo bari, ivuga, a dubo jama ava sirorarira. Asisi Kakara aimi sonembururari, nunda geka ningido, mema itatamuse jo bibita ae arera. Ne taká durumuguse irarera. Ne kavevera arera, ari eveva use irarera, a nenda kokomana jo ighagha edo doyae arera.

Efesas Embokena 1:15

Nunda sonemba namondekena amo mindafuri; aindae sedo, na nendae sifo ghousa evia, God kena aiyakoe seraena. Ne Bajari Iesu tumonderaeva, a God da natofo isambu dubo buraeva. Ava ningido, aindae tuturo edo ne jo kote doyae, banunguse God kena aiyakoe seraena.

Efesas Embokena 2:1

A nemo, giti gogore edo ari ekoko use, God kotae use irevo, nenda asisi God kena amo ambududurusira.

1 Tesalonaika Embokena 4:9

Ne nenda nano namendide dabade, tofo tofo dubo baeteva amo, redae sareri? Ainda beká mo: ne nange tofo tofo dubo ruruse iraeteva ava, God nu tofo mandi ijugetiri gosusevu.

Hebrew Embokena 13:1

Ambo bego da irari ava use, tofo tofo dubo ruruse irivu!

1 Peter 1:22

Ne geka beká ava tumonduse a bu kaifa use, totofo nenda dubo joká ava esimbuguse a dubo isambuimi futuse, nenda nano namendi dubo rurusevu. Ava sedo, nenda dubo isambuimi futuse, minonde minonde dubo ruruse irivu!

1 Peter 3:8

Nanda geka ojighira tano ari dae erira. Ne dubo dabako edo iraetevu! Nenda kokomanadae joka edo, nenda bouvu ava fufuse irivu! Nenda nano namendide dabade, minonde minonde dubo ruruse, veka eveva use tofo tofo tumonduse irivu!

2 Peter 1:7

Aminguse, ne tuturo edo, nenda nano namendi dubo ruruse irareva. Nenda nano namendi dubo bu gogoghombareva ainda amboda, ne edo gido, evetu genembo isambu dubo ruruse irareva!

1 John 2:3

Namonde God da sasingu edo irera ava, nange kasama areri? Kote givu! Namonde nunda Geka a nunda uju ava kaifa use irarera amo, namonde nunda natofo edo irera ava, namonde kasama arera.

1 John 3:23

A God rea uju eraira amo, eviri. Namonde, nunda Mandi Iesu Keriso rea aoro dae sisira ava use, nunda javo fakinaghae ava tumonduse, tofo tofo dubo ruruse irarera. God nu, namonde amingaoro dae uju eraira.

1 John 4:12

Evetu o genembo eni God nunda ditiimi jo gae irira. Avata namonde tofo tofo dubo ruruse irarera amo, God nu tofo mandi namondeda jokáda saramana ururari, nunda dubo bari baji mindafu beká ava arira.

1 John 5:13

Ne mave God da Mandiá tumonduse, nundae javono gateraeva, nemokena resena, ningivu! Ne aminge tumonduse, anakora jebuga evovodae irari torughe ruruseva ava itatamedo, kasama e gogoghombaovo dae sise eregefena.

1 John 5:2

Avori, namonde God dubo ruruse, nunda Geka a Agho Dari kaifa arera amo, namonde kasama arera, namonde nunda sasingu barago dubo ruruse irarera.