Yal Tơlik 16:2 - Sră Goh 2018

² Cau gơnrơh sơnròp lik lòt mơ tuh mơngàn khai dê tòm ù, gen gơs toh kiat iơh rmơh mơ jê sồt ngan hơđang ală cau neh gơs tềl phan poan jơng dê mơ duh khoai rùp gơ.

Yal Tơlik 16:2 ပူးပေါင်းရင်းမြစ်များ

II Yal Yau 21:15

Să tòm mê rơp gơs kòp jê kơnjơ̆ ngan, jê tòm pròc klung mê dê jơl tus dê tŭ pròc klung mê dê gơlik di tiah, bơh ngai do tus ngai ne tài bơh bơta kòp jê hơ̆.’”

II Yal Yau 21:18

Tơnơ̆ mơ jơh ală bơta hơ̆, Yàng Jehôwa lơh Jehôram bơh dô bơta kòp jê tòm pròc klung ò rgơi sơmbòi.

Đơs Crih 78:26

Kơnràñ ai càl đah mattơngai lik khồm bơh hơđang trồ; Bơh gơnap gơnoar Yàng dê, Kơnràñ lam càl bơh đah đơm;

Esai 3:17

Yàng Jehôwa rơp lơh bồ ală kòn ùr Siôn dê gơcat ngkàp, mơ Yàng Jehôwa lơh bol khai in ơm kuh lòi rồ.”

Esai 3:24

Rơp gơs ƀô iơh ala ƀô bơlhu; che cap ala ồi kơt but; bồ lòl ala sŏ tơrkồn; bài sơnò kiat ala ồi ào kas màng; tềl lơhò ala bơta hàng mơnĕ.

Broă 12:23

Tŭ hơ̆ mo dô nă cau gơnrơh Yàng dê lơh Herôt, tài bơh khai ò lòi bơta gơklŏ Yàng Tom Trồ in, bơtau kòl tu sa cuh mơ chơt tơn.

Yal Wơl 28:27

Yàng Jehôwa rơp tơndùh hơđang bol mê bơta kòp jê toh kiat lơgar Ejiptơ dê bal mơ kòp as kràng lơu, toh mồr, kùh mơ bol mê ò rgơi geh sơmbòi.

Yal Wơl 28:35

Yàng Jehôwa rơp ngui toh kiat jê sồt ngan gơlơh bòl glar di gơltang mơ jơng bol mê mơ bol mê ò geh sơmbòi, gơ rơp sa rì bơh di kơndòl jơng bol mê dê tus hơ cồng bồ bol mê dê.

Yal Wơl 7:15

Yàng Jehôwa rơp sền gàr bol mê klàs bơh di ală bơta kòp jê. Kơnràñ rơp ò pơnjê bol mê bơh ală bơta kòp jê iơh rmơh mơ bol mê neh git làm tòm Ejiptơ, mơya Kơnràñ rơp tơndùh ală bơta kòp jê hơ̆ hơđang jơh ală cau gơjrañ kơuềng di bol mê.

Yal Tơlik 13:12

Gơ ngui jơh gơnoar phan poan jơng sơnròp dê, di đap phan poan jơng hơ̆. Gơlơh plai ù in mơ ală cau ơm tòm hơ̆ duh khoai phan poan jơng sơnròp, la phan poan jơng neh gơs sồt kơnjơ̆ mơ neh geh sơmbòi.

Yal Tơlik 14:16

Bơtau nggui hơđang mhwal tơyơr mơ̆ Kơnràñ dê tòm ù mơ ù gơ kong toès.

Yal Tơlik 14:9

Cau gơnrơh dơ̆ pe lòt jat mơ đơs dờng lah: “Dilah cau lơi duh khoai phan poan jơng mơ rùp gơ, mơ dòp tềl gơ hơđang bìng liang hala di mpàng tê he,

Yal Tơlik 16:1

Añ kơno dô jơnau dờng bơh di hìu duh khoai đơs mơ poh nă cau gơnrơh lah: “Lòt tĕ, tuh poh nơm mơngàn bơta gơjrañ dờng Yàng Tom Trồ dê tòm ù.”

Yal Tơlik 16:11

Tài bơh bơta jê sồt mơ ală toh kiat bol khai dê, gen bol khai đơs tràl sơrbil di Yàng Tom Trồ hơđang trồ, mơ ò gơjrañ sang glài bơh ală broă iơh bơsak bol khai dê.

Yal Tơlik 8:7

Cau gơnrơh sơnròp uh kơlwòk, gen gơs mìu piar, mơ ồs bơcă bal mơ mhàm dùh tòm plai ù. Dô pơnah pe chi che kong ồs sa, mơ jơh ală ñhơt tơlir kong ồs sa sơl.

I Samuel 5:6

Tê Yàng Jehôwa dê klơn kơnjơ̆ hơđang làng bol Asdot mơ Kơnràñ cèng tus bơta rngòt rngơt mơ bơta pluh plàng kòp as hơđang làng bol tòm Asdot bal mơ tòm kơnhwàl ù tiah gơ dê.

I Samuel 5:9

Mơya tòm tŭ bol khai neh cèng gơ rau, gen tê Yàng Jehôwa dê tòmdră mơ ƀòn dờng hơ̆; Kơnràñ lơh gơlik bơta rngòt rngơt mơ dơrcul dờng ngan, Kơnràñ lơh jơh tơl nă cau kơnòm mơ cau kra, behơ̆ kòp pluh gơlik as iơh mơ as bòm.