Yal Tơlik 10:9 - Sră Goh 2018

⁹ Gen añ lòt tus hơ cau gơnrơh mơ dan khai ai añ in sră pồt dềt hơ̆. Khai đơs mơ añ lah: “Ai tĕ gơ mơ sa, gơ rơp gơlik gơs bơtang tòm kơndul mê dê, mơya gơ rơp gơlik gơs lơngồt be dà lơwe tòm bơr mê dê.”

Yal Tơlik 10:9 ပူးပေါင်းရင်းမြစ်များ

Sră Jop 23:12

Añ ò tŭ lơi cah ngài bơh di ală bơta sồr lam sơndồi Kơnràñ dê, Añ neh pồn prap tòm nùs ală jơnau đơs bơr Kơnràñ dê rlau mơ phan sa kòp ngai añ jê.

Jeremi 15:16

Kơno ală jơnau Kơnràñ dê, gen añ sa loan rau; la bơta hòn chò nùs añ jê; Bơh añ geh sơnđan bơh sơnđan Kơnràñ! Ơ Jehôwa Yàng Tom Trồ Gơnap Gơnoar.

Ejekiel 2:8

Mơya mê, ơ kòn mơnus, iat tĕ ñchi jơnau Añ đơs mơ mê. Bañ tòmdră kung be dô nơm hìu jak tòmdră hơ̆; pò tĕ bơr mê dê mơ sa tĕ phan Añ ai mê in.”

Ejekiel 3:14

Chòp Yàng Hwềng cèng añ guh mơ cèng añ tus tiah ndai, mơ añ lòt tòm bơta sràt bơtang mơ tòm bơta gơjrañ mañ tòm hwềng añ, gơs tê Yàng Jehôwa dê ơn hơđang añ pràn kơldang.

Kôlôse 3:6

Tài bơh ală bơta hơ̆ gen bơta gơjrañ dờng Yàng Tom Trồ dê dùh hơđang ală cau ò dòn bơr Yàng.

Yal Tơlik 10:10

Añ dòp sră pồt dềt bơh dê tê cau gơnrơh mơ sa gơ, gen tòm bơr añ gơ lơngồt be dà lơwe, mơya dơ̆ añ loan gơ rau gen tòm kơndul añ gơlik bơtang.