Yal Tơlik 10:5 - Sră Goh 2018

⁵ Cau gơnrơh mơ añ neh gŏ ntào hơđang dàlềng mơ hơđang ù, khai pò tê ma hơđang trồ,

Yal Tơlik 10:5 ပူးပေါင်းရင်းမြစ်များ

Sơnròp Gơlik Gơs 14:22

Abram ho wơl lah: “Añ pò tê di đap Jehôwa Yàng Tom Trồ Hơđang Rlau Jơh, Bơtau crơng gơs trồ mơ tiah, mơ ho lah:

Nehemi 9:6

Ơ Yàng, mìng dô nă Kơnràñ la Jehôwa. Kơnràñ neh crơng gơs tap trồ, ală tap trồ jơnhoa rlau jơh, bal mơ ală sơmañ, ù mơ ală phan hơđang gơ, dàlềng mơ jơh ală phan tòm gơ. Kơnràñ prap gàr jơh ală phan. Jơh ală mpồl ling hơđang trồ duh khoai Kơnràñ.

Đơs Crih 146:5

Lơngai cau lơi in gơs Yàng Tom Trồ Jakôp dê dong kòl khai, La cau gơn kơnòm di Jehôwa Yàng Tom Trồ khai dê.

Lik Ejiptơ 20:11

Bơh tòm prau ngai Yàng Jehôwa neh crơng gơs trồ mơ plai ù, dàlềng, bal mơ jơh ală phan tòm hơ̆, mơya Kơnràñ rlô tòm ngai poh. Gen tàng Yàng Jehôwa neh ai lơngai ngai Saƀat mơ lơh gơ in sàng goh.

Lik Ejiptơ 6:8

Mơ Añ rơp cèng bol mê mut tòm lơgar mơ Añ neh pò tê srat să ai Abraham in, ai Isak in, mơ ai Jakôp in. Añ rơp ai gơ bol mê in lơh gơs sre brê. Añ la Yàng Jehôwa.’”

Ejekiel 20:15

Añ kung neh srat să mơ bol khai tòm ƀlàng ngềt ngơt lah Añ rơp ò cèng bol khai mut tòm ù tiah mơ Añ neh ho ai bol khai in, la ù tiah bềng dà toh mơ dà lơwe, ù tiah niam rlau mơ jơh ală ù tiah ndai;

Ejekiel 20:23

Añ kung neh pò tê srat să mơ bol khai tòm ƀlàng ngềt ngơt lah Añ rơp lơh bol khai in gơprah gơpring digùl ală làng bol mơ nrah nring tòm ală lơgar,

Ejekiel 20:28

Tòm tŭ Añ neh cèng bol khai mut tòm lơgar mơ Añ neh srat să ho ai bol khai in, mơ bol khai neh gŏ dòr lơi jơnhoa hala tòm chi dờng lơi gơs oă nha, gen tềng hơ̆ bol khai ơn phan ơn duh khoai bol khai dê, ơn ală phan ơn lơh Añ in gơjrañ mañ, chu kơlhô ƀô bơlhu, mơ tuh tơlik phan ơn pơdơng hùc bol khai dê.

Ejekiel 20:42

Gen bol mê rơp git Añ la Yàng Jehôwa tòm tŭ Añ cèng bol mê mut tòm lơgar Israel dê, la lơgar mơ Añ neh pò tê srat să ho ai ồng pàng bol mê in.

Ejekiel 20:5

mơ đơs mơ bol khai lah: Jehôwa Yàng Tom Trồ đơs be do: ‘Tòm ngai Añ sac rwah Israel, Añ srat să mơ jơi bơtiàn hìu Jakôp dê, mơ Añ yal tơlik să tòm Añ bol khai in git tòm lơgar Ejiptơ. Añ srat să mơ bol khai mơ đơs lah: Añ la Jehôwa Yàng Tom Trồ bol mê dê.’

Ejekiel 36:7

Gen tàng, Jehôwa Yàng Tom Trồ đơs be do lah: ‘Añ srat să lah jơh ală lơgar gùt dar mê kung rơp kong bơta jê sồt mơ bơtat bơtròh să tòm bol khai in!

Ejekiel 47:14

Mê pal tòmpà ring bal digùl bol khai. Tài bơh Añ neh srat să ho nền ai lơgar do ală ồng pàng mê in, lơgar do rơp gơlik gơs phan jơtài bol mê dê.

Daniel 12:7

Cau klau soh bài che dơmài ntào hơđang dà hiòng pò tê ma mơ tê kiau hơđang trồ, mơ añ kơno khai ai sơnđan Bơtau gam kis sùm sùm dê mơ srat să lah: “Rơp rlau dô tơngai, ală tơngai, mơ nggùl tơngai; tŭ lơi gơnoar pràn làng bol sàng goh dê neh gơkòl roh gơprah jơh, gen tŭ hơ̆ ală bơta do rơp geh sir wil tơl.”

Broă 14:15

“Ơ ală oh mi, ñchi bơh tài lơh bơta hơ̆ taih? Bol hi la kòn mơnus kung be ală oh mi sơl, bol hi bơto yal Jơnau Niam ală oh mi in, nàng oh mi wèt sang ală yàng roh lơm ne, mơ rê wơl hơ Yàng Tom Trồ gam kis sùm, la Bơtau neh crơng gơs trồ tiah, dàlềng mơ ală phan tòm hơ̆.

Broă 17:23

Bơh tòm tŭ añ lòt làm ƀòn dờng mơ sền ală tiah duh khoai ală ồng dê, añ gŏ dô nơm cơnòng duh khoai gơs jơnau cih lah: DUH YÀNG ÒHỀT GIT. Behơ̆ Bơtau ală ồng duh khoai mơ ò git hơ̆, la Bơtau añ bơto yal ală ồng in do.

Rôma 1:20

Ală bơta bơh Yàng Tom Trồ mơ mat òs ò rgơi gŏ, hơ̆ la gơnap gơnoar gam sùm sùm mơ nùs Yàng Kơnràñ dê, bơh dê tŭ crơng gơs trồ tiah kòn mơnus neh đal git loh làng ngan, tòm tŭ sền sơwì ală phan neh geh crơng gơs Kơnràñ dê, gen tàng bol khai ò rgơi tò să he.

Yal Wơl 32:40

Bơh Añ pò tê Añ jê hơđang trồ mơ srat să: Be Añ kis gam sùm sùm,

Hebrơ 6:13

Tòm tŭ Yàng Tom Trồ ho pơgon mơ Abraham, bơh ò gơs Bơtau lơi dờng rlau, gen Kơnràñ ai să tòm Kơnràñ mơ srat să lah:

Yal Tơlik 1:18

Añ la Bơtau Kis; Añ neh chơt, mơ do Añ kis gam sùm sùm, at ală kai mpồng Bơta chơt mơ Lơgar Làng ƀồc.

Yal Tơlik 10:2

Khai at di tê dô pang sră pồt dềt neh pò tơlik, jơng ma khai jă hơđang dàlềng, mơ jơng kiau khai jă hơđang ù.

Yal Tơlik 14:7

Khai đơs jơnau dờng lah: “Duh rngòt tĕ di Yàng Tom Trồ mơ jòng ro Kơnràñ, bơh jơ cahrña Kơnràñ dê neh di rau; duh khoai tĕ Bơtau neh crơng gơs trồ, tiah, dàlềng mơ ală croh dà.”

Yal Tơlik 16:17

Cau gơnrơh dơ̆ poh tuh mơngàn khai dê tòm pah gòi, gen gơs jơnau dờng bơh di sơbàn tòm hìu duh khoai đơs lah: “Sir rau!”

Yal Tơlik 4:11

“Khoai Yàng la Yàng Tom Trồ bol he dê, Kơnràñ di pal dòp geh bơta gơklŏ, bơta ryŭ ryơm mơ gơnap gơnoar, Bơh Kơnràñ neh crơng gơs jơh ală phan, Mơ tài bơh nùs kòñ Kơnràñ dê gen ală phan hơ̆ neh gơlik gơs mơ geh crơng gơs.”

Yal Tơlik 4:9

Mơ kòp dơ̆ ală phan wìn kis ai bơta gơklŏ, bơta ryŭ ryơm, bơta ưnngài nàng ơn Bơtau in ơm nggui hơđang sơbàn, la Bơtau kis gam sùm sùm ò lồi,