Sră Pơyoa Pol Dê Pơyoa Tit In 2:10 - Sră Goh 2018

¹⁰ bañ kơñau phan lơi, mơya pal yal tơlik nùs dòn song wil tơl, nàng tòm jơh ală bơta lơh jơnau Yàng Tom Trồ dê la Yàng Dong Klàs bol he dê geh gơklŏ.

Sră Pơyoa Pol Dê Pơyoa Tit In 2:10 ပူးပေါင်းရင်းမြစ်များ

Đơs Crih 101:6

Añ rơp kòñ nđàc mơ sền sùm di cau dòn song tòm lơgar, Tồ bol khai in rgơi ơm bal mơ añ; Cau lơi lòt jat gùng dà ò gơkòl lah pơrhơng gen rơp duh broă añ in.

Esai 12:2

Ngan, Yàng Tom Trồ la bơta dong klàs añ jê; añ rơp dòn kơnòm mơ ò rngòt rngơt. Bơh Yàng Jehôwa, Yàng Tom Trồ la bơta pràn mơ gơnap gơnoar añ jê; Kơnràñ neh gơlik gơs bơta dong klàs añ jê.”

Mathiơ 24:45

“Ñcau la dĭ dòn song mơ jak chài, mơ cau tòm bơtào khai sền gàr ală cau tòm hìu, nàng tòmpà phan sa bol khai in di di jơ taih?

Mathiơ 5:16

Behơ̆, bơta àng bol mê dê pơnđàng tĕ di đap ală cau, nàng bol khai in gŏ ală broă niam bol mê dê, mơ jòng ro Bèp bol mê ơm hơđang trồ.”

Luka 1:47

Hwềng nùs añ hòn chò tòm Yàng Tom Trồ la Yàng Dong klàs añ jê.

Luka 1:80

Mơ tai, kòn hơ̆ rhòi dờng, hwềng nùs sơlo pràn kơldang ơm tòm ƀlàng bràs jơl tus dê ngai tơlik mat mơ Israel.

Luka 16:10

Cau lơi dòn song tòm broă dềt rhền, gen kung dòn song tòm broă dờng; cau lơi ò song ring tòm broă dềt rhền, gen kung ò song ring tòm broă dờng sơl.

Jang 12:6

Khai đơs behơ̆, ò di tài bơh kơlôi bơh cau rƀah lơòi ò, mơya bơh khai la dô nă cau ntung kơñau, mơ prap kơldung priă, gen tàng khai òs kơñau priă mơ cau neh ơn tòm hơ̆.

I Kôrintô 4:2

Mơ tai, cau at bồ hìu pal gơs dô bơta, hơ̆ la pal dòn song.

Ephesô 4:1

Behơ̆, añ la cau ơm jàm tài bơh Yàng, rac dan oh mi pal kis dô bă di pal mơ bơta hòi sac mơ Yàng neh hòi sac oh mi.

Philip 1:27

Mìng ală oh mi pal kis dô bă di pal mơ Jơnau Niam Bơtau Krist dê, tồ bulah añ lòt tus còp ală oh mi hala añ neh ngkòi, añ kung geh kơno bơh oh mi lah oh mi dô nùs bal mơ kơ̆ wền, dô nùs nhơm bal bơh bơta dòn nàng tòmlơh bơh Jơnau Niam,

Philip 4:8

Lồi tơnơ̆, ơ oh mi, dilah bơta lơi song ngan, bơta lơi màng ryŭ; bơta lơi song ring, bơta lơi sàng goh, bơta lơi pal kòñ gơboh, bơta lơi gơs pơnro niam, dilah gơs bơta kơ̆ dơn lơi, dilah gơs bơta lơi pal jòng ro, gen oh mi pal kơlôi sơnơng tĕ di ală bơta hơ̆.

I Timôthe 1:1

Pol la cau gơnoar bơto dờng bơh Yàng Krist Jesu, jat gơnoar sồr Yàng Tom Trồ dê la Yàng Dong Klàs bol he, mơ Yàng Krist Jesu dê la bơta gơn kơnòm bol he dê,

I Timôthe 5:17

Ală cau kwang kra lam bồ dô bă niam gen cau pal ki ngàm oă rlau tai, lài ngan la ală cau kong bòl glar tòm broă bơto jơnau Yàng mơ bơto sồr.

I Timôthe 6:1

Jơh ală cau ơm tòm yô dĭ gơna sền tĕ di cau tòm he la pal ki ngàm tòm jơh ală bơta, tồ sơnđan Yàng Tom Trồ mơ gùng duh khoai ò gơkòl cau đơs tràl sơrbil.

I Timôthe 6:3

Dilah gơs cau lơi bơto gùng duh khoai ndai, ò jat gùng duh khoai song Yàng Jesu Krist bol he dê, mơ jơnau bơto sồr jat bơta duh rngòt,

Sră Pơyoa Pol Dê Pơyoa Tit In 1:3

mơ tus di tơngai lơh nền, Kơnràñ neh yal tơlik tòm jơnau Kơnràñ dê bơh bơta bơto yal, la bơta neh jào añ in jat be gơnoar sồr Yàng Tom Trồ dê, la Yàng Dong Klàs bol he dê.

Sră Pơyoa Pol Dê Pơyoa Tit In 3:4

Mơya tus di tŭ nùs kơ̆ dơn Yàng Tom Trồ dê la Yàng Dong Klàs bol he dê mơ bơta kòñ gơboh Kơnràñ dê gơwèt mơ kòn mơnus neh geh ràng tơlik rau, gen Kơnràñ dong klàs bol he,

I Pier 2:12

Pal lơh lòt dô bă di pal digùl ală cau làng bol bơdìh, nàng bulah bol khai òs dơñŏ tơnhial di oh mi be cau lơh iơh, mơya bol khai rơp gŏ broă niam oh mi dê mơ jòng ro Yàng Tom Trồ tòm ngai Yàng tus.

I Pier 3:16

Kơrmap gàr tĕ nùs tồr oh mi dê dô bă niam, nàng tòm tŭ ală cau đơs iơh bơh bơta lơh lòt niam oh mi dê tòm Bơtau Krist, gen bol khai pal ƀàssìl.

II Jang 1:9

Cau lơi lòt rlau ir mơ ò ơm sùm tòm bơta bơto sồr Bơtau Krist dê, gen cau hơ̆ ò gơs Yàng Tom Trồ. Ai cau lơi kư̆ ơm sùm tòm bơta bơto sồr hơ̆, gen cau hơ̆ gơs Yàng Bèp mơ Yàng Kòn.

I Samuel 22:14

Gen Ahimelek ho cau bơtau lah: “Digùl ală cau duh broă bơtau dê, ñcau la cau dòn song kung be Dabit cau bơrtơu, cau kwang at bồ mpồl ling sền gàr bơtau, mơ geh ki ngàm tòm hìu nhă bơtau dê taih?

I Samuel 26:23

Yàng Jehôwa rơp ai phan ƀàn kòp nă cau in jat bơta song ring mơ bơta dòn song khai dê. Bơh Yàng Jehôwa neh jào bơtau tòm tê añ ngai do, mơya añ ò bài ơn tê di cau mơ Yàng Jehôwa neh bong mơñà.