Sră Ôse 9:7 - Sră Goh 2018

⁷ Ală ngai lơh glài neh tus rau! Ală ngai sal tê neh tus rau! Israel ñìm nggà. Cau gơnoar hwơr gơlik bơrngơl gơla, cau gơs hwềng Yàng gơlik sơnrang sơnrồng, tài bơh tồi glài bol mê dê la kơnjơ̆ ngan, mơ bơta sòdră bol mê dê la dờng.

Sră Ôse 9:7 ပူးပေါင်းရင်းမြစ်များ

II Ală Bơtau 9:11

Tòm tŭ Jehu rê wơl hơ ală cau kwang cau tòm khai dê. Bol khai lùp lah: “Ală bơta lơngap lơngai sơl ơ? Ñchi bơh tài cau sơnrang do tus jòi bi taih?” Jehu ho mơ bol khai lah: “Bol mê git khai mơ mbe jơnau khai neh đơs.”

Esai 10:3

Ñchi bol mê rơp lơh tòm ngai lơh glài, tòm bơta rung rài rơp tus bơh tiah ngài taih? Bol mê rơp ntoat dô tus hơ ñcau nàng geh dong kòl taih? Ntềng đah bol mê rơp prap lòi phan mơna bol mê dê taih?

Esai 26:11

Ơ Yàng Jehôwa, tê Kơnràñ neh pò hơđang, mơ bol khai ò sền gŏ gơ. Lòi bol khai in gŏ nùs ngac ngar Kơnràñ dê bơh làng bol Kơnràñ dê mơ rơp ƀàssìl; Lòi ồs chu pơrguc cau sò tơm bol khai.

Esai 34:8

Bơh Yàng Jehôwa neh gơs dô ngai nàng sal tê, gơs dô nam nàng lơh cơng bơh bơta gơrềng tus di Siôn.

Esai 44:25

Añ la Bơtau neh tơnroh ală tềl ală cau gơnoar hwơr ma blac, mơ lơh ală cau đơs hwơr gơlik cau bơrngơl gơla; la Bơtau neh tă sang bơta jak chài mơ lơh cau git wă bol khai gơlik gơs tùl gơla,

Jeremi 10:15

Bol gơ ò kwơ, mìng la bơta blac pơrlồm; Tòm ngai lơh glài bol gơ rơp kong roh rui.

Jeremi 11:23

Rơp ò gơs cau lơi gam wơl bol khai in; bơh tus di sơnam lơh glài, Añ rơp dùh bơta rung rài hơđang cau klau Anatôt.”

Jeremi 16:18

Lài ngan Añ rơp tơm wơl bơta iơh bơsak mơ tồi glài bol khai bàr dơ̆ rlau, bơh bol khai neh lơh ƀơ̆ ƀơl ù tiah Añ bơh ală rùp ràk, mơ cèng ală bơta cù kìr bềng lìu tòm sre brê Añ.”

Jeremi 23:13

“Tòm ală cau gơnoar hwơr Samari dê, Añ neh gŏ dô bơta ngkòr ngkàc; Bol khai ai sơnđan Baal mơ đơs hwơr, Lơh làng bol Israel Añ tìs nrah.

Jeremi 25:14

Mơ tai, rơp gơs oă lơgar mơ ală cau bơtau dờng kup cau Kalde gơs dĭ, mơ Añ rơp tơm wơl bol khai in jat broă bol khai lơh, mơ jat broă tê bol khai neh lơh.’”

Jeremi 29:26

Yàng Jehôwa neh bơtào mê lơh gơs cau gơnoar ơn phan duh khoai ala Jehôyada, la cau gơnoar dờng ơn phan duh khoai, sền gàr tòm hìu Yàng Jehôwa, dilah cau lơi gơla bơrngơl sơnđan he la cau gơnoar hwơr, gen kup tĕ, dò gơsàng mơ kơt sreng wơl.

Jeremi 46:21

Ală ling tòmlơh ơpah ơm digùl gơ kung be kơnrồ kòn lơmă. Mơya bol khai kung wơlke mơ dô jơh, bol khai ò jai ntào. Bơh ngai rung rài, tơngai lơh glài, neh tus hơđang bol khai rau.

Jeremi 6:14

Bol khai pồt tiah sồt rmàñ làng bol Añ jê dô bă ơlă ơlai, Mơ đơs lah: ‘Lơngap lơngai! Lơngap lơngai!’ Mơya ò gơs lơngap lơngai dô êt lơi.

Jeremi 8:11

Bol khai pùt tềl sồt làng bol Añ jê dô bă ơlă ơlai, Đơs lah: “Lơngap lơngai, lơngap lơngai!” Mơya ò gơs bơta lơngap lơngai dô êt lơi.

Ñìm Rac 2:14

Ală cau gơnoar hwơr ai yal ai in ală bơta ma blac mơ gơtơnggŏ blac pơrlồm. Bol khai ò yal tơlik tồi glài ai, nàng tơm wơl bơta lơngai lơngò bol ai dê, Mơya mìng yal ai in git ală jơnau đơs hwơr ma blac mơ tìs nrah.

Ejekiel 13:10

Tài bơh, ngan bol khai neh lam làng bol Añ jê lòt tìs nrah tòm tŭ đơs lah: ‘Ring lơngai,’ mơya ò gơs bơta ring lơngai dô êt lơi; mơ tòm tŭ làng bol bơt dô nơm dơrñang, bol khai pih cùr bò hơđang gơ.

Ejekiel 13:3

Jehôwa Yàng Tom Trồ đơs be do: ‘Bòl glar ngan ală cau gơnoar hwơr tùl gơla, ne la ală cau đơs jat hwềng nùs is bol khai dê, mơ ò gŏ bơta lơi ò!

Ejekiel 25:17

Añ rơp lơh gơlik gơs bơta sal tê kơnjơ̆ hơđang bol khai, mơ lơh glài bol khai tòm bơta gơjrañ dờng Añ jê. Gen bol khai rơp git Añ la Yàng Jehôwa, tòm tŭ Añ sal tê di bol khai.’”

Ejekiel 38:23

Behơ̆, Añ rơp ràng tơlik bơta dờng ngan mơ bơta sàng goh Añ jê, mơ Añ rơp tơnggit să tòm Añ di đap mat oă lơgar. Gen bol khai rơp git Añ la Yàng Jehôwa.’”

Ejekiel 9:10

Behơ̆, Añ rơp ò nđàc sơngit di bol khai hala pơlai bol khai ò; mơya Añ rơp tuh wơl hơđang bồ bol khai dê bơta bol khai neh lơh.”

Sră Ôse 14:1

Ơ Israel, rê wơl tĕ hơ Jehôwa Yàng Tom Trồ mê dê, hơ̆ la tài bơh tồi glài mê dê neh lơh mê in gơplơ̆ gơpừ.

Sră Ôse 5:9

Epraim rơp gơlik gơs tiah ngềt ngơt tòm ngai bơta lơh glài. Digùl ală jơi bơtiàn Israel dê, Añ yal tơnggit ală bơta rơp gơlik gơs nền cê ngan.

Sră Ôse 8:13

Bulah bol khai ơn phan duh khoai niam Añ in, bulah bol khai sa poac, Yàng Jehôwa kung ò dòp bol khai. Tŭ do Kơnràñ kah wơl bơta tồi glài bol khai dê, mơ lơh glài bơh tồi glài bol khai dê, bol khai rơp rê wơl hơ Ejiptơ.

Sră Ôse 9:8

Cau gơnoar hwơr la cau kơp gàr Yàng Tom Trồ añ jê hơđang Epraim, mơya neh gơlik gơs cau pơt dă tòm jơh ală gùng dà khai dê, mơ la bơta sòdră tòm hìu Yàng Tom Trồ khai dê.

Amôs 8:2

Kơnràñ lùp lah: “Ơ Amôs, ñchi mê gŏ taih?” Añ ho lah: “Dô nơm bài ơn plai chi kơnhai prang duh dê.” Gen Yàng Jehôwa đơs tai mơ añ lah: “Bơta lồi dut neh tus hơđang làng bol Israel Añ jê; Añ rơp ò lòi rlau bol khai in tai.

Mice 2:11

Dilah gơs dô nă cau đơs blac pơrlồm tus đơs lah: “Añ rơp bơto bol mê in bơh tơrnòm mơ phan ñô lơh bơñul,” gen cau hơ̆ rơp lơh gơs cau bơto làng bol do in!

Mice 7:4

Cau niam rlau jơh tòm bol khai la kung be lò mrơt, cau song ring rlau jơh la iơh rlau mơ pơnggàr lò. Ngai ală cau kơp gàr bol khai dê, hơ̆ la ngai bơta lơh glài bol khai dê neh tus rau. Tŭ do bơta sơlồng sơlàng bol khai dê neh tus rềp rau.

Sôphôni 3:4

Ală cau gơnoar hwơr gơ dê pơnhừ să; la ală cau blac chừt. Ală cau gơnoar ơn phan duh khoai gơ dê lơh ƀơ̆ ƀơl tiah sàng goh mơ lơh rkwet rkwe di bơta boh lam.

Jơnau Niam Jat Mak 3:21

Ală cau tòm hìu nhă Kơnràñ dê kơno behơ̆ gen tus nàng kup gàr Kơnràñ, bơh bol khai đơs lah: “Kơnràñ neh roh dơngoh jak rau.”

Luka 21:22

Bơh hơ̆ la ală ngai lơh glài, tồ jơh ală bơta neh cih gơlik gơs di ngan.

II Kôrintô 5:13

Mơ tai, dilah bol hi sơnrang, hơ̆ la tài bơh Yàng Tom Trồ; hala dilah bol hi ngac ngar, hơ̆ la tài bơh oh mi.

Yal Tơlik 16:19

Ƀòn dờng tơrlah gơlik gơs pe pơnah, mơ ală ƀòn ală làng bol dê tơrlah tơrling jơh, mơ Yàng Tom Trồ kah wơl Babilôn dờng gen ai gơ in ñô mơngàn bơta gơjrañ dờng gơhào khuh ngan Kơnràñ dê.