Sră Ôse 9:6 - Sră Goh 2018

⁶ Bulah dilah bol khai dô klàs bơh bơta tơnroh, Ejiptơ rơp pơjum tơrgòm bol khai, Memphis rơp tơp ƀồc bol khai. Rlau lò rơp tòmpìt ai ală phan màng mơ priă bol khai dê, mơ tòm lò rơp hòn tòm sàl bol khai dê.

Sră Ôse 9:6 ပူးပေါင်းရင်းမြစ်များ

II Ală Bơtau 13:7

Behơ̆, Jôaca ơm wơl mơ mpồl ling ò rlau pram jơt nă cau hào ơseh, jơt nơm rơndeh, mơ jơt rbô nă cau ling lòt jơng lơm; bơh bơtau Aram neh tơnroh bol khai, mơ lơh di bol khai be thul tòm ƀlàng pơrjòt kòi.

Đơs Crih 107:34

Ù bơkah tiah lơngồt gơlik gơs ù ƀă, Tài bơh bơta iơh bơsak làng bol tềng hơ̆ dê.

Jơnau Pơnđik 24:31

Gŏ chi lò mrơt hòn làm tiah, ñhơt jơm ndơp ù tiah, mơ dơrñang lŭ gơ dê neh tơrlah rau.

Esai 11:11

Tòm ngai hơ̆, Yàng Jehôwa rơp pò tê Kơnràñ dê dô dơ̆ tai nàng dòp wơl mpồl làng bol gam wơl Kơnràñ dê, bơh di Asiri, bơh Ejiptơ, bơh Patros, bơh Ethiôpi, bơh Elam, bơh Sinar, bơh Hamat, mơ bơh di ală bồt pơlào tòm dàlềng.

Esai 19:13

Ală cau kwang at bồ tòm Jôan neh gơlik gơs cau bơrngơl gơla; ală kwang at bồ tòm Memphis kong cau pơrlồm; ală cau lơh gơs pơnai lŭ mum hìu ală jơi bơtiàn gơ dê neh lam Ejiptơ lòt tìs nrah.

Esai 27:12

Tòm ngai hơ̆, Yàng Jehôwa rơp pơrjòt kòi bơh hiòng Ơphrat tus di croh Ejiptơ; mơ bol mê, ơ kòn sau Israel, bol mê rơp geh tơrgòm dơ̆ dô nă dô nă.

Esai 32:13

Bơh ù tiah làng bol Añ jê gơs tòm lò mơ lò mrơt hòn dờng; ơi, bơh jơh ală hìu chò hòp mơ tòm ƀòn dờng hòn chò.

Esai 34:13

Tòm lò rơp hòn làm tòm gơlang bơtau, lò mơ lò mrơt hòn tòm theng kơp gàr. Tềng hơ̆ rơp gơlik gơs tiah lòt rê so rhau dê, tiah ơm sềm klàng kò dê.

Esai 5:6

Añ rơp lơh gơ in gơlik gơs tiah srau gòi, gơ rơp ò kòl koh crè, hala ò pŏ lơh lơbơn ù, tòm lò mơ lò mrơt rơp hòn tềng hơ̆. Añ rơp ai jơnau sồr mhwal bañ đùh mìu hơđang gơ.”

Esai 7:23

Tòm ngai hơ̆, kòp bă tiah lơi gơs dô rbô tòm ño kas ndròm mơ dô rbô sieklơ priă, rơp gơlik gơs lò mrơt mơ tòm lò.

Jeremi 2:16

Rlau mơ hơ̆, làng bol Memphis mơ Tahpanhes dê neh lơh bơcah sơgơn bơtau di bồ mê.

Jeremi 42:22

Tŭ do, pal git loh lah oh mi rơp chơt bơh pềs tà, jơgloh rung, pluh plàng, tòm tiah mơ oh mi kòñ tus mơ ơm.”

Jeremi 44:1

Gơs jơnau yal Jeremi in bơh jơh ală cau Juda ơm tòm lơgar Ejiptơ, tòm Mikdôl, Tahpanhes, Nôp, mơ tòm kơnhwàl Patros lah:

Jeremi 44:12

Añ rơp ai cau Juda gam wơl, hơ̆ la ală cau neh lơh nền lòt hơ Ejiptơ nàng ơm tềng hơ̆; jơh tơl nă bol khai rơp kong tơnroh tềng hơ̆. Tòm Ejiptơ, bol khai rơp chơt bơh bơta kơlìn hala jơgloh rung, cau dềt bal mơ cau dờng rơp chơt bơh đào mơ jơgloh rung, lơh kai cau in dơñŏ tơnhial, cù kìr, sền òsơp.

Jeremi 44:13

Añ rơp lơh glài ală cau ơm tòm lơgar Ejiptơ, kung be neh lơh glài Jerusalem mơ pềs tà, jơgloh rung, mơ pluh plàng,

Jeremi 46:14

“Yal tơlik tĕ tòm Ejiptơ; yal Mikdôl in, Yal tơnggit Nôp mơ Tahpanhes in, đơs lah: ‘Mut ơm tĕ tòm toh di tiah ơm, mơ rcang kơp, Bơh đào neh loan gùt dar mê.’

Jeremi 46:19

Ơ ală ơruh dềt ơm tòm Ejiptơ, rcang ală kơldung bol ai dê nàng lòt gơs dĭ, bơh Nôp rơp gơlik gơs tiah lòi srau; rơp kong chu, ò gơs làng bol ơm tai.

Ejekiel 30:13

Jehôwa Yàng Tom Trồ đơs lah: ‘Añ rơp tơnroh ală rùp ràk mơ pơndut jơh ală rùp duh khoai tòm Memphis. Rơp ò gam gơs dô nă bơtau tai tòm Ejiptơ, behơ̆ Añ rơp ơn bơta rngòt rngơt tơm lơgar Ejiptơ.

Ejekiel 30:16

Añ rơp ai ồs chu Ejiptơ, Pelusium rơp kong jê sồt oă. Thebes rơp kong tơrlah tơrlơm. Thebes rơp kong tơnlề bơh càl rbut; Memphis rơp kong tòmdră mơ cau sò tơm tòm trồ ngai.

Sră Ôse 10:8

Ală tiah jơnhoa tòm Aben, bơta tồi glài Israel dê rơp kong tơnroh, ală lò mơ rlau lò rơp hòn dờng hơđang ală cơnòng duh khoai bol khai dê. Bol khai rơp đơs mơ ală mơnơm lah: “Jơm gòm tĕ bol hi!” mơ đơs mơ ală dòr lah: “Dùh tĕ hơđang bol hi!”

Sră Ôse 11:11

Bol khai rơp rơm să rngòt mơ tus kung be ală sềm tus bơh Ejiptơ, mơ kung be ală sềm ntòp tus bơh Asiri. Añ rơp tơnrê bol khai hơ hìu tòm bol khai dê.” Yàng Jehôwa đơs behơ̆.

Sră Ôse 2:6

Tài behơ̆ tàng Añ rơp ai tòm lò cang gùng khai dê; mơ Añ rơp bơt dô nơm dơrñang tòmdră mơ khai, gen tàng khai ò rgơi jòi ală gùng khai dê.

Sră Ôse 7:11

Epraim gơlik be dô nơm sềm ntòp, bơrngơl, mơ siơ̆u dơngoh jak; bol khai hòi Ejiptơ dong kòl, bol khai lòt tus hơ Asiri.

Sră Ôse 7:13

Bòl glar bol khai in, tài bơh bol khai neh lòt tìs nrah ngài bơh Añ. Bơta gơprah gơpring dùh hơđang bol khai, tài bơh bol khai neh tòmdră mơ Añ. Añ kòñ dong tơwài bol khai, mơya bol khai đơs ală jơnau blac chừt tòmdră mơ Añ.

Sră Ôse 7:16

Bol khai wèt hơ ală bơta ò gơs kwơ; bol khai kung be dô nơm àtak ò gam niam. Ală cau kwang at bồ bol khai dê rơp gơpừ bơh đào, tài bơh ală jơnau gơjrañ mañ bơh lơmpiat bol khai dê. Bol khai gơlik gơs bơta dơñŏ tơnhial tòm ù tiah Ejiptơ.

Sră Ôse 8:13

Bulah bol khai ơn phan duh khoai niam Añ in, bulah bol khai sa poac, Yàng Jehôwa kung ò dòp bol khai. Tŭ do Kơnràñ kah wơl bơta tồi glài bol khai dê, mơ lơh glài bơh tồi glài bol khai dê, bol khai rơp rê wơl hơ Ejiptơ.

Sră Ôse 9:3

Bol khai rơp ò gam ơm wơl tòm lơgar Yàng Jehôwa dê; mơ Epraim rơp rê wơl hơ Ejiptơ, mơ tòm Asiri bol khai rơp sa phan sa ƀơ̆ ƀơl.

Lebi 26:33

Añ rơp rsìh bol mê tòm gùl ală làng bol mơ Añ rơp tă đào ting jat bol mê. Lơgar bol mê dê rơp gơkòl sang lòi srau gòi, mơ ală ƀòn dờng bol mê dê rơp kong tơnroh.

Sôphôni 1:11

Ơ ală cau ơm tòm ƀòn Mortar dê, pơt wòl tĕ; Bơh ală cau kă bro rơp gơkòl tơnroh jơh, ală cau kơr priă neh kòl tơnroh.

I Samuel 13:6

Tòm tŭ cau Israel gŏ bol khai kòl tòm bơta sơbơng roh, mơ mpồl ling bol khai dê kòl klơn kơnjơ̆ gen bol khai pồn să tòm rgồng lŭ mơ tòm ală rlau chi digùl lŭ, tòm ală trồm jrô mơ tòm ală tơrlung dà,