Sră Ôse 9:4 - Sră Goh 2018

⁴ Bol khai rơp ò ơn phan duh khoai mơ tơrnòm ño Yàng Jehôwa in, ală phan ơn pơdơng bol khai dê rơp ò niam nùs Kơnràñ; ală phan ơn duh khoai hơ̆ rơp be la phan sa ală cau ñìm ƀồc; Jơh ală cau lơi sa gơ rơp gơlik ƀơ̆ ƀơl, piang lă bol khai dê rơp la phan sa lòi cau jơgloh bol khai in, gơ ò geh cèng tus hơ hìu Yàng Jehôwa dê.

Sră Ôse 9:4 ပူးပေါင်းရင်းမြစ်များ

Lik Ejiptơ 29:40

Bal mơ belàt sơnròp gen ơn tĕ dùl kơr kơmbuh rhền kòi mi bơcă bal mơ dùl lit mơñà ôlibe bơh di mpal pat mơñà, mơ dùl lit tơrnòm ño nàng lơh gơs phan ơn ñô.

Lik Ejiptơ 40:23

mơ pràng piang lă pơdơng hơđang gơ, di đap Yàng Jehôwa, tòm toh jat be jơnau Yàng Jehôwa neh sồr khai.

Esai 57:6

Ală rùp ràk digùl ală pơnai lŭ sơngào tòm ală thòng la pơnah bol mê dê, bol gơ la pơnah gơrê mơ bol mê. Ngan, bol mê neh ơn bol gơ in ală phan ơn ñô bal mơ ală phan ơn mơ kòi mbo, gen Añ rơp tơnhuc bơta gơjrañ Añ jê bơh ală bơta do ơ?

Esai 66:3

Mơya cau lơi hàl dô nơm kơnrồ dam gen kung be cau tơnchơt dô nă cau, mơ cau lơi ơn pơdơng dô nơm belàt kòn, gen kung be cau dơrpă ngko dô nơm so; cau lơi ai kòi mbo lơh gơs phan ơn, gen kung be cau ơn mhàm sur, mơ cau lơi chu kơlhô nàng kah kirsơnre, gen kung be cau duh khoai rùp ràk. Bol khai neh sac rwah gùng is bol khai dê, mơ hwềng soàn bol khai dê chò hòp tòm ală bơta tồi glài iơh bơsak bol khai dê.

Jeremi 16:7

Ò gơs cau lơi cèng phan sa cau ñìm ƀồc in nàng pơndòm pơniang bol khai; ò gơs cau lơi bơh bơta chơt cau bèp hala cau mè mơ dòp mơngàn tòmpà bơta moat jrùng.

Jeremi 6:20

Behơ̆, ñchi kwơ cèng kơlhô tus bơh Seba Añ in, Chi ƀô lơngồt tus bơh lơgar ngài? Phan ơn chu bol mê dê ò geh dòp, Phan ơn pơdơng bol mê ò niam nùs Añ.”

Ejekiel 24:17

Rac ròc òm mơya ò di dờng jơnau, ò ñìm bơh cau chơt in. Pùt chèo di bồ mê mơ jă khŏ di jơng; bañ cang sơnò tềp hala sa piang lă cau còp iang.”

Ejekiel 24:22

Mơ bol mê rơp lơh kung be añ neh lơh; bol mê rơp ò jơm bơr đah đang, kung ò sa phan cau cèng còp iang.

Daniel 1:8

Mơya Daniel neh lơh nền tòm nùs ò bài lòi ală phan sa phan ñô bơkah cau bơtau dê lơh khai in gơlik ƀơ̆ ƀơl, gen khai dan mơ cau kwang at bồ tòm gơlang bơtau ai gơnoar khai in ò lơh să tòm khai gơlik ƀơ̆ ƀơl.

Sră Ôse 3:4

Bơh làng bol Israel rơp kis jŏ ngai mơ ò gơs bơtau, ò gơs kwang at bồ, ò gơs phan ơn duh khoai, ò gơs cơnòng duh khoai, ò gơs ephot, mơ kung ò gơs theraphim.

Sră Ôse 7:16

Bol khai wèt hơ ală bơta ò gơs kwơ; bol khai kung be dô nơm àtak ò gam niam. Ală cau kwang at bồ bol khai dê rơp gơpừ bơh đào, tài bơh ală jơnau gơjrañ mañ bơh lơmpiat bol khai dê. Bol khai gơlik gơs bơta dơñŏ tơnhial tòm ù tiah Ejiptơ.

Sră Ôse 8:13

Bulah bol khai ơn phan duh khoai niam Añ in, bulah bol khai sa poac, Yàng Jehôwa kung ò dòp bol khai. Tŭ do Kơnràñ kah wơl bơta tồi glài bol khai dê, mơ lơh glài bơh tồi glài bol khai dê, bol khai rơp rê wơl hơ Ejiptơ.

Jôel 1:13

Ơ ală cau gơnoar ơn phan duh khoai, soh tĕ ào bài sơnò kiat mơ ñìm rac. Ơ bol mê la cau duh broă di đap cơnòng duh khoai, ñìm rac ròc tĕ. Ơ bol mê la cau duh broă di đap Yàng Tom Trồ añ jê, tus tĕ soh ào bài sơnò kiat mang àng, bơh phan ơn mơ kòi mbo bal mơ phan ơn ñô ò gam tai tòm hìu Yàng Tom Trồ bol mê dê.

Jôel 1:9

Phan ơn mơ kòi mbo bal mơ phan ơn ñô ò gam tai tòm hìu Yàng Jehôwa. Ală cau gơnoar ơn phan duh khoai ñìm rac, hơ̆ la ală cau duh broă Yàng Jehôwa dê.

Jôel 2:14

Ñcau rgơi git lah Kơnràñ rơp ò pơrlac mơ tơnruc nùs, mơ lòi dô bơta lơngai di ngkòi Kơnràñ, nàng bol mê ơn dô nơm phan ơn duh khoai mơ kòi mbo mơ ală phan ơn hùc, Jehôwa Yàng Tom Trồ bol mê in, taih?”

Lebi 17:11

Bơh bơta kis dô nơm phan neh geh crơng gơs dê gơ ơm tòm mhàm mơ Añ neh ai gơ bol mê in nàng lơh gơs bơta tơwài glài să tòm bol mê in hơđang cơnòng duh khoai, hơ̆ la mhàm lơh gơs bơta tơwài glài bơta kis dô nă cau in.

Lebi 21:17

“Đơs tĕ mơ Arôn lah: ‘Gan ală rài rơp tus gen bañ gơs cau lơi tòm kòn sau mê dê la cau gơs să jan ò wil tơl rgơi tus rềp nàng ơn phan sa Yàng Tom Trồ khai dê.

Lebi 21:21

Tòm kòn sau Arôn la cau gơnoar ơn phan duh khoai, ò gơs cau lơi gơs să jan ò wil tơl rgơi tus rềp nàng ơn Yàng Jehôwa in ală phan ơn chu tòm ồs. Khai gơs să jan ò wil tơl; khai ò geh tus rềp nàng ơn phan sa Yàng Tom Trồ khai dê.

Lebi 21:6

Bol khai pal gơs goh Yàng Tom Trồ bol khai in, mơ ò di lơh sơnđan Yàng Tom Trồ bol khai dê gơkòl sền òsơp.

Lebi 21:8

Sền tĕ di bol khai la sàng goh tài bơh bol khai ơn phan sa Yàng Tom Trồ bol mê dê. Sền tĕ bol khai la sàng goh, tài bơh Añ, Yàng Jehôwa, la sàng goh, mơ Añ neh lơh bol mê in gơs sàng goh.

Amôs 5:22

Bulah bol mê cèng Añ in ală phan ơn chu pơrguc mơ ală phan ơn mơ kòi mbo, Añ rơp ò dòp ală phan ơn hơ̆. Bulah bol mê cèng ală phan ơn bơta ring lơngai mơ dơngi phan poan jơng bol mê dê, Añ ò wèt mat di bol gơ ò.

Malaci 2:13

Dô bơta tai bol mê lơh: hơ̆ la bol mê ai dà mat tơnkram cơnòng duh khoai Yàng Jehôwa dê. Bol mê ñìm mơ pơt wòl tài bơh Kơnràñ ò tai wèt sền di ală phan ơn bol mê dê, hala chò dòp ală phan ơn hơ̆ bơh di tê bol mê dê.

Khà Làng Bol 19:11

Cau lơi ƀư di ƀồc chơt dô nă cau lơi ndai dê rơp kong kòp la ò goh tòm poh ngai.

Khà Làng Bol 28:2

“Ai tĕ jơnau sồr do cau Israel in mơ đơs mơ bol khai lah: ‘Tòm tŭ bol mê cèng ơn Añ in phan sa lơh gơs phan ơn chu pơrguc gơs ƀô bơlhu niam nùs Añ.’

Khà Làng Bol 4:7

Hơđang cơnòng ơn piang lă pơdơng bol khai pal lă dô blah bài tơlir mơ ơn hơđang hơ̆ ală prềng, ală prềng ơn kơlhô mơ ală jơrlŭ, mơ ală gri ơn phan pơdơng ñô; piang lă pràng gơs sùm hơđang hơ̆.

Jang 6:51

Añ la piang lă kis bơh đang trồ mù, dilah cau lơi sa piang lă hơ̆, gen rơp kis gam sùm sùm, mơ piang lă Añ rơp ai, tài bơh bơta kis dunnia dê, hơ̆ la poac Añ.”

Yal Wơl 26:14

Añ neh ò sa phan hơ̆ tòm tŭ añ neh ơm tòm bơta ñìm ƀồc, añ ò tă phan lơi tòm tŭ añ ò goh, mơ añ kung ò ơn phan lơi bơh di phan hơ̆ cau chơt in. Añ neh dòn bơr Jehôwa Yàng Tom Trồ añ jê; añ neh lơh jat jơh ală bơta mơ Kơnràñ neh sồr añ.