Sră Ôse 9:3 - Sră Goh 2018

³ Bol khai rơp ò gam ơm wơl tòm lơgar Yàng Jehôwa dê; mơ Epraim rơp rê wơl hơ Ejiptơ, mơ tòm Asiri bol khai rơp sa phan sa ƀơ̆ ƀơl.

Sră Ôse 9:3 ပူးပေါင်းရင်းမြစ်များ

I Ală Bơtau 9:7

gen Añ rơp tă tơlik Israel bơh di ù tiah Añ neh ai bol khai in, mơ rơp tă tơlik bơh di đap mat Añ hìu mơ Añ neh ơn is sàng goh sơnđan Añ in, mơ Israel rơp gơlik gơs jơnau đơs pơnđik mơ bơta dơñŏ tơnhial digùl jơh ală làng bol.

II Ală Bơtau 17:6

Tòm nam dơ̆ sin rài Ôse, bơtau Asiri tòmpìt ai jơh Samari, cèng làng bol Israel tus hơ Asiri, ơn bol khai ơm tòm Hala hơđang Habor, di gah hiòng Gôjan dê, tòm ală ƀòn dờng lơgar Medi dê.

Jeremi 16:18

Lài ngan Añ rơp tơm wơl bơta iơh bơsak mơ tồi glài bol khai bàr dơ̆ rlau, bơh bol khai neh lơh ƀơ̆ ƀơl ù tiah Añ bơh ală rùp ràk, mơ cèng ală bơta cù kìr bềng lìu tòm sre brê Añ.”

Jeremi 2:7

Añ neh cèng bol mê mut tòm dô nơm lơgar ù bơkah tiah lơngồt, nàng sa plai mơ dòp ală bơta niam gơ dê. Mơya tòm tŭ bol mê neh mut, gen bol mê neh lơh ƀơ̆ ƀơl lơgar Añ, neh lơh sre brê Añ jê gơlik gơs ngkòr ngkàc.

Ñìm Rac 5:6

Bol hi neh lơh dô bơta ho bal mơ ală cau Ejiptơ, mơ cau Asiri nàng gơs tơl ƀañ sa.

Ejekiel 4:13

Yàng Jehôwa đơs lah: “Kung behơ̆, làng bol Israel rơp sa phan sa ƀơ̆ ƀơl digùl ală lơgar mơ Añ rơp bơtrơh bol khai lòt tus.”

Daniel 1:8

Mơya Daniel neh lơh nền tòm nùs ò bài lòi ală phan sa phan ñô bơkah cau bơtau dê lơh khai in gơlik ƀơ̆ ƀơl, gen khai dan mơ cau kwang at bồ tòm gơlang bơtau ai gơnoar khai in ò lơh să tòm khai gơlik ƀơ̆ ƀơl.

Sră Ôse 11:11

Bol khai rơp rơm să rngòt mơ tus kung be ală sềm tus bơh Ejiptơ, mơ kung be ală sềm ntòp tus bơh Asiri. Añ rơp tơnrê bol khai hơ hìu tòm bol khai dê.” Yàng Jehôwa đơs behơ̆.

Sră Ôse 11:5

Ngan! Bol khai rơp rê wơl hơ lơgar Ejiptơ, mơ cau Asiri rơp lơh gơs bơtau bol khai dê, tài bơh bol khai neh sang lòi ò bài rê wơl hơ Añ.

Sră Ôse 7:11

Epraim gơlik be dô nơm sềm ntòp, bơrngơl, mơ siơ̆u dơngoh jak; bol khai hòi Ejiptơ dong kòl, bol khai lòt tus hơ Asiri.

Sră Ôse 7:16

Bol khai wèt hơ ală bơta ò gơs kwơ; bol khai kung be dô nơm àtak ò gam niam. Ală cau kwang at bồ bol khai dê rơp gơpừ bơh đào, tài bơh ală jơnau gơjrañ mañ bơh lơmpiat bol khai dê. Bol khai gơlik gơs bơta dơñŏ tơnhial tòm ù tiah Ejiptơ.

Sră Ôse 8:13

Bulah bol khai ơn phan duh khoai niam Añ in, bulah bol khai sa poac, Yàng Jehôwa kung ò dòp bol khai. Tŭ do Kơnràñ kah wơl bơta tồi glài bol khai dê, mơ lơh glài bơh tồi glài bol khai dê, bol khai rơp rê wơl hơ Ejiptơ.

Sră Ôse 9:6

Bulah dilah bol khai dô klàs bơh bơta tơnroh, Ejiptơ rơp pơjum tơrgòm bol khai, Memphis rơp tơp ƀồc bol khai. Rlau lò rơp tòmpìt ai ală phan màng mơ priă bol khai dê, mơ tòm lò rơp hòn tòm sàl bol khai dê.

Lebi 18:28

Mơ dilah bol mê lơh lơgar gơlik gơs ƀơ̆ ƀơl, gơ rơp hă bol mê kung be gơ neh hă ală làng bol neh ơm tòm hơ̆ lài mơ bol mê.

Lebi 20:22

Prap gàr tĕ jơh ală bơta sồr lam Añ jê mơ lơh jat ală bơta hơ̆, tồ lơgar mơ Añ neh cèng bol mê tus nàng ơm rơp ò hă bol mê.

Lebi 25:23

Ù tiah ò di pal tac tơn; tài bơh ù tiah gơrê bal mơ Añ mơ bol mê mìng la ală cau làng bơdìh mơ la ală cau ơm ing.

Amôs 7:17

Gen tàng Yàng Jehôwa đơs be do: ‘Bau ùr mê dê rơp gơlik gơs dô nă ùr dri tòm ƀòn dờng; ală kòn klau mơ ală kòn ùr mê dê rơp gơpừ bơh đào; lơgar mê rơp kong was mơ tòmpà gơs oă pơnah, ai să tòm mê rơp chơt tòm dô nơm lơgar ò goh, mơ Israel ngan rơp kong kup cèng pơrdô bơh di lơgar tòm bol khai dê.’”

Mice 2:10

Ñă ntào tĕ, mơ lòt! Bơh do ò di la tiah rlô bòl bol mê dê, tài bơh bơta ƀơ̆ ƀơl gơ neh kòl tơnroh bal mơ bơta jê sồt roh gơprah.

Broă 10:14

Mơya Pier ho lah: “Ơ Yàng, ò di behơ̆ ò; bơh añ ò gơs tŭ lơi sa phan ƀơ̆ ƀơl hala ò goh ò.”

Yal Wơl 28:63

Kung be Yàng Jehôwa neh niam nùs lơh bol mê in gơlik gơs rơ̆sơmpài ràipơjềng gen Kơnràñ kung rơp niam nùs lơh bol mê in roh rui mơ tơnroh bol mê. Bol mê rơp kong tă tơlik bơh lơgar mơ bol mê neh mut nàng dòp geh.

Yal Wơl 28:68

Yàng Jehôwa rơp lòi bol mê hào ơhò mơ rê wơl hơ Ejiptơ tòm dô nơm gùng lòt mơ Kơnràñ đơs lah bol mê rơp ò tŭ lơi lòt tai. Tềng hơ̆ bol mê rơp tac să tòm bol mê dê ală cau sò tơm bol mê in nàng lơh gơs ală cau dĭ klau mơ dĭ ùr, mơya ò gơs cau lơi rơp blơi bol mê.

Yal Wơl 4:26

Añ hòi trồ mơ tiah lơh cơng tòmdră mơ bol mê tòm ngai do la bol mê rơp kong roh rui mhar bơh di ù tiah mơ bol mê neh tiă Jordan nàng dòp lơh gơs sre brê. Bol mê rơp ò kis jŏ tòm lơgar hơ̆ mơ ngan la rơp kong tơnroh.

Jôsue 23:15

Mơya kung be kòp jơnau ho pơgon niam Jehôwa Yàng Tom Trồ bol mê dê neh gơlik di ngan bol mê in, gen Yàng Jehôwa kung rơp tơndùh hơđang bol mê jơh ală bơta iơh mơ Kơnràñ neh đơs pơhìn bol mê, jơl tus di tŭ Kơnràñ neh tơnroh bol mê bơh di lơgar niam do mơ Jehôwa Yàng Tom Trồ bol mê dê neh ai bol mê in.