Sră Ôse 9:12 - Sră Goh 2018

¹² Bulah bol khai ròng siam kòn sau, Añ rơp tơnroh bol khai, jơl tus ò gam gơs dô nă lơi. Bòl glar ngan bol khai in tòm tŭ Añ lik bơh bol khai!

Sră Ôse 9:12 ပူးပေါင်းရင်းမြစ်များ

II Ală Bơtau 17:18

Gen tàng, Yàng Jehôwa gơhào gơjrañ ngan di làng bol Israel, mơ bơtrơh tơlik bol khai bơh di đap mat Kơnràñ; mìng gam wơl jơi bơtiàn Juda lơm.

II Ală Bơtau 17:23

jơl tus di tŭ Yàng Jehôwa neh bơtrơh tơlik bol khai bơh di đap Kơnràñ, tòm toh be Kơnràñ neh yal lài bơh ală cau gơnoar hwơr dĭ gơna Kơnràñ dê. Behơ̆, Israel kong cèng pơrdô ngài bơh lơgar, ơm dĭ tòm lơgar Asiri jơl tus di ngai do.

Sră Jop 27:14

Dilah kòn sau bol khai geh bơtơl oă, hơ̆ la lòi đào in; mơ jơi bơtiàn bol khai dê ò geh tơl phan sa.

Jeremi 15:7

Añ neh ai đồng nggum bol khai Di ală mpồng ƀòn dờng tòm lơgar do. Añ neh tă cèng bol khai mơ tơnroh làng bol Añ, bol khai neh ò pleh bơh gùng dà bol khai dê.

Jeremi 6:8

Ơ Jerusalem, dòp tĕ bơta bơto tơnggit, hala Añ rơp sang lòi ai tòm ngkòr ngkàc, Mơ lơh ai in gơlik gơs tiah rhàng srau, dô bă tiah ò gơs cau ơm.”

Ñìm Rac 2:20

Khoai Yàng Jehôwa, dan wèt sền! Kơnràñ neh lơh bơta do mơ cau lơi taih? Di pal sơl cau ùr sa plai bơh kơndul he, hơ̆ la kòn sau bol khai neh deh ơ? Di pal sơl cau gơnoar ơn phan duh khoai bal mơ cau gơnoar hwơr kong tơnchơt tòm tiah sàng goh Yàng Jehôwa dê ơ?

Ñìm Rac 2:22

Kơnràñ neh hòi jà ală cau sò tơm añ jê bơh ală tiah gùt dar, kung be dô ngai pơjum sa chò hòp. Mơ tòm ngai gơjrañ dờng Yàng Jehôwa dê, ò gơs cau lơi geh klàs hala gam kis. Hơ̆ la ală cau añ neh deh mơ ròng siam, cau sò tơm añ jê neh tơnroh jơh.

Sră Ôse 7:13

Bòl glar bol khai in, tài bơh bol khai neh lòt tìs nrah ngài bơh Añ. Bơta gơprah gơpring dùh hơđang bol khai, tài bơh bol khai neh tòmdră mơ Añ. Añ kòñ dong tơwài bol khai, mơya bol khai đơs ală jơnau blac chừt tòmdră mơ Añ.

Sră Ôse 9:13

Añ neh sền gŏ Epraim kung be chi gòl tơô neh geh tam tòm ƀlàng ñhơt hàng mơnĕ ngan; mơya tŭ do Epraim pal lam kòn sau khai dê tus nàng kong tơnchơt!

Sră Ôse 9:16

Epraim kong tơnroh, ryas bol khai neh ro. Bol khai rơp ò gơlik plai tai; bulah bol khai deh kòn, añ kung rơp tơnchơt kòn sau kòñ gơboh hìu kòn bol khai dê.

Malaci 2:12

Dan Yàng Jehôwa tơnroh khai bơh di ală sàl Jakôp dê, dilah cau lơi neh lơh bơta hơ̆, gơs cau lơi lơh cơng hala ho wơl, hala khai cèng phan ơn Yàng Jehôwa Gơnap Gơnoar Dờng Làm Jơh in kung behơ̆ sơl.

Khà Làng Bol 14:34

Tòm poan jơt nam, dô nam ala dô ngai, tòm poan jơt ngai bol mê lòt rwang sền lơgar; bol mê rơp kong bòl glar tài bơh tồi glài bol mê dê mơ git bơta Añ tòmdră mơ bol mê la mbe lơi.

Khà Làng Bol 26:65

Bơh Yàng Jehôwa neh đơs mơ ală cau Israel hơ̆ lah bol khai ngan la rơp chơt tòm ƀlàng ngềt ngơt, mơ ò gơs dô nă cau lơi tòm bol khai gam lòi wơl, lòi mìng Kalep kòn klau Jephune mơ Jôsue kòn klau Nun lơm.

Yal Wơl 28:18

Plai đo hìu kòn bol mê dê rơp kong srat sơntơm, plai đo ù tiah bol mê dê mơ ală kơnrồ kòn tòm ală mpồl phan poan jơng bol mê dê mơ ală belàt kòn rơp kong srat sơntơm.

Yal Wơl 28:32

Ală kòn klau kòn ùr bol mê dê rơp kong jào phi tòm tê dô nơm làng bol lơgar ndai, mơ gar mat bol mê dê rơp kơrlu kơrli kơp gơn bol khai bơh ngai do tus hơ ngai ne, ò tơl pràn nàng pò dô đah tê.

Yal Wơl 31:17

Tòm ngai hơ̆ Añ rơp gơhào gơjrañ di bol khai. Añ rơp sang lòi bol khai mơ Añ rơp pồn mat Añ bơh di bol khai; mơ bol khai rơp gơlik gơs phan ƀuơn kòl tơnroh, mơ oă bơta rung rài bòl glar kalke rơp tus hơđang bol khai. Tòm ngai hơ̆ bol khai rơp đơs lah: ‘Ò di ală bơta rung rài bòl glar kalke tus hơđang bol hi la tài bơh Yàng Tom Trồ bol he dê ò ơm bal mơ bol he ò ơ?’

Yal Wơl 32:25

Tòm gùng kong tơnroh bơh đào, mơ tòm dơlam hìu gơs bơta rngòt rngơt, cau pơnu mơ cau ơruh, kòn gam pô mơ cau kra sŏ kò kung behơ̆ sơl.

Ală Kwang Cahrña 4:16

Barak ting jat ală rơndeh lòs tòmlơh bal mơ mpồl ling tus hơ Harôset Hagôim. Jơh mpồl ling Sisera dê gơkòl tơnchơt mơ đào, ò gam dô nă cau lơi.

I Samuel 16:14

Tŭ hơ̆ hwềng Yàng Jehôwa dê neh sang lòi Sol, mơ Yàng Jehôwa sồr dô nơm hwềng iơh lơh bòl glar di khai.