Sră Ôse 9:10 - Sră Goh 2018

¹⁰ Tòm tŭ Añ jòi bàn Israel, kung be jòi bàn tơrkum plai ño tòm ƀlàng ngềt ngơt; tòm tŭ Añ gŏ ală ồng pàng bol mê dê, gen kung be gŏ plai chi ƀal gơlik plai sơnròp tòm bồ sơnam. Mơya bol khai neh lòt tus hơ Baal Pheô, bol khai ơn să tòm bol khai rùp ràk ƀàssìl ƀàsso in, mơ gơlik gơs cù kìr kung be phan mơ bol khai neh kòñ gơboh.

Sră Ôse 9:10 ပူးပေါင်းရင်းမြစ်များ

I Ală Bơtau 16:31

Bơh khai sền dềt rhền khai in nàng lòt tòm tồi glài Jerôbôam, kòn klau Nebat dê, khai lòt bau mơ Jesabel, kòn ùr Etbaal, bơtau cau Sidôn; khai kung lòt duh broă Baal mơ duh khoai gơ.

II Ală Bơtau 17:11

tềng hơ̆ bol khai ơn phan pơdơng hơđang jơh ală tiah jơnhoa, be ală làng bol mơ Yàng Jehôwa neh bơtrơh bơh di đap bol khai, bol khai lơh ală bơta iơh bơsak, bơrcek Yàng Jehôwa gơjrañ.

Đơs Crih 115:8

Cau lơi lơh gơs rùp ràk mơ jơh ală cau dòn kơnòm di gơ, Gen gơlik gơs ndròm be gơ sơl.

Đơs Crih 81:12

Behơ̆ Añ lòi bol khai lòt jat bơta kơldang nùs bol khai dê, Tồ bol khai lòt jat jơnau bơyai is bol khai dê.

Đơs Chò 3:6

Cau ne la ñcau, tus bơh tòm ƀlàng ngềt ngơt, be jrong ñhŭ, ƀô bơlhu cài trŭ mơ kơlhô, bal mơ ală kơmbuh chi ƀô bơlhu cau kă bro dê taih?

Esai 28:4

Dơwàng bơkào mhar ro jrùh la bơta hàng mơnĕ gơklŏ gơ dê, ơm hơđang bồ ală cau lơmă bơh phan sa bơkah, rơp gơlik kung be dô nai plai ƀal dum lài mơ tŭ tus kơnhai duh; cau lơi gŏ gơ gen ai tê pic mơ sa mo.

Jeremi 11:13

Ơ Juda, bơh mê gơs nđò nơm ƀòn dờng gen kung gơs nđò nơm yàng sơl; Jerusalem gơs nđò nơm gùng, bol mê kung bơt bơtào nđò nơm cơnòng duh khoai bơta ƀàssìl in, la ală cơnòng duh khoai chu kơlhô Baal in.’

Jeremi 24:2

Dô nơm tòm bàr nơm bài geh ơn ală plai chi ƀal niam ngan, kung be plai chi ƀal bồ sơnam; ai dô nơm bài ne gen ơn plai ò niam dô êt lơi, iơh ngan tian gơs ò rgơi sa.

Jeremi 3:24

Mơya bơh tŭ bol hi gam kơnòm să, Rùp ràk ƀàssìl neh loan jơh ală phan mơna ồng pàng bol hi dê kong lơh broă bòl glar, Mpồl belàt, mpồl kơnrồ, Kòn klau, kòn ùr bol khai dê.

Jeremi 3:25

Lòi bol hi bic tòm bơta ƀàssìl bol hi dê, mơ lòi bơta bơrsèl tơnhial jơm bol hi! Bơh bol hi bal mơ ồng pàng bol hi dê Neh tìs glài mơ Jehôwa Yàng Tom Trồ bol hi dê, Bơh tŭ gam kơnòm jơl tus di ngai do; Bol hi ò lơh jat jơnau Jehôwa Yàng Tom Trồ bol hi dê.”

Jeremi 31:2

Yàng Jehôwa đơs be do: “Làng bol lik klàs bơh pềs tà Neh jòi bàn bơta nđàc tòm ƀlàng ngềt ngơt; tòm tŭ Israel jòi bàn tiah rlô.”

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Ejekiel 20:8

Mơya bol khai tòmdră mơ Añ, ò bài iat jơnau Añ; kung ò sang lòi ală rùp ràk Ejiptơ dê. Behơ̆ Añ đơs lah Añ rơp tuh bơta gơjrañ dờng Añ jê hơđang bol khai, mơ lơh wil tơl bơta gơjrañ mañ Añ jê tòmdră mơ bol khai tòm lơgar Ejiptơ.

Sră Ôse 11:1

“Tòm tŭ Israel gam la cau kơnòm, Añ neh kòñ gơboh khai; Añ hòi kòn klau Añ jê lik bơh Ejiptơ.

Sră Ôse 13:5

Hơ̆ la Añ neh ròng siam mê tòm ƀlàng ngềt ngơt, tòm tiah rañ rsơh.

Sră Ôse 2:15

Añ rơp jào wơl ală suơn ño khai in, mơ rơp lơh thòng Akôr gơlik gơs dô nơm mpồng gơn kơnòm. Tềng hơ̆ khai rơp đơs chò kung be tòm ngai khai gam kơnòm să, mơ kung be tòm ngai khai lik klàs bơh lơgar Ejiptơ.

Sră Ôse 4:14

Añ rơp ò lơh glài ală kòn ùr bol mê dê tòm tŭ bol khai lơh bơta dri tơlàr, mơ kung ò lơh glài ƀan bol mê dê tòm tŭ bol khai lơh bơta rềs àr bơrnàn; tài bơh ală cau klau bol khai lòt rê mơ ală ùr dri, mơ ơn phan ơn pơdơng bal tòm tiah duh khoai ală cau dri tơlàr dê. Dô nơm làng bol ò git wă behơ̆ rơp gơkòl roh rui.

Sră Ôse 4:18

Tòm tŭ phan ñô bol khai dê neh jơh, bol khai lòt jat bơta ñô sa bơñul lơmbè tòm bơta rềs àr; bol khai kòñ gơboh bơta rềs àr rlau mơ bơta gơklŏ.

Amôs 4:5

Cèng tĕ piang lă ò gơs kañ, lơh gơs phan ơn bơta ưnngài, mơ yal tơlik tĕ bơh ală phan ơn jat nùs kòñ bol ai dê; yal tơnggit tĕ bơh ală bơta hơ̆, bơh hơ̆ la bơta bol mê kòñ lơh, ơ làng bol Israel!” Jehôwa Yàng Tom Trồ đơs behơ̆.

Mice 7:1

Bòl glar añ in! Bơh añ be dô nă cau dòñ plai tơnơ̆ mơ kơnhai prang, tơnơ̆ mơ tŭ cau neh pic plai ño neh dòñ plai ño; ò gơs dô dơrkum lơi nàng sa, plai ƀal bồ sơnam mơ hwềng nùs añ kơp kòñ kung ò geh.

Khà Làng Bol 15:39

Bol mê pal gơs ală mbrùi hơ̆ nàng sền gŏ mơ rơp kah wơl jơh ală jơnau sồr Yàng Jehôwa dê, tồ bol mê dòn bơr lơh jat ală jơnau hơ̆ mơ ò lơh să tòm bol mê tìs glài lòt jat ală bơta hàm kòñ nùs tồr mơ mat tòm bol mê dê.

Khà Làng Bol 18:13

Jơh ală plai bồ sơnam lơgar dê mơ bol khai cèng Yàng Jehôwa in gen gơrê bal mơ mê. Kòp nă cau tòm hìu nhă mê dê geh goh jat bơta sồr lam duh khoai gen rgơi sa gơ.

Rôma 6:21

Behơ̆ ală broă oh mi neh lơh lài òr gen ñchi cồng nha geh taih? Mơ tŭ do lơh oh mi in ƀàssìl, lồi dut ală broă hơ̆ dê la bơta chơt.

Yal Wơl 32:10

Tòm tiah ƀlàng ngềt ngơt dê Kơnràñ neh jòi bàn khai, tòm ƀlàng sang gòi mìng gơs càl khồm, ò gơs chi che. Kơnràñ jơm gòm khai kơlôi rcang bơh khai. Kơnràñ sền gàr khai kung be kòn mat Kơnràñ dê,

Yal Wơl 32:17

Bol khai ơn phan duh khoai chu pơrguc ală cà in, ò di la Yàng Tom Trồ, la ală yàng mơ bol khai òhềt git, ală yàng pa tơlik mat, ală yàng mơ ală ồng pàng bol mê dê ò duh rngòt.

Yal Wơl 4:3

Mat bol mê neh gŏ ală bơta mơ Yàng Jehôwa neh lơh tòm broă Baal Pheor. Jehôwa Yàng Tom Trồ bol mê dê neh tơnroh bơh digùl bol mê jơh ală cau jat Baal Pheor,

Ală Kwang Cahrña 6:32

Behơ̆ tòm ngai hơ̆ bol khai sơnđan Gideôn la “Jerubaal” mơ đơs lah: “Lòi tĕ Baal tòmlơh mơ khai,” tài bơh Gideôn neh sòr tơrlah cơnòng duh khoai Baal dê.