Sră Ôse 9:1 - Sră Goh 2018

¹ Ơ Israel bañ hòn chò; bañ chò hòp be ală làng bol ndai; Bơh mê neh lơh dri tơlàr mơ sang lòi Yàng Tom Trồ mê dê. Mê kòñ gơboh jền tơngai dô nă cau ùr dri tơlàr dê tòm kòp nơm làn pơrjòt kòi.

Sră Ôse 9:1 ပူးပေါင်းရင်းမြစ်များ

Đơs Crih 73:27

Ngan behơ̆, ală cau ơm ngài mơ Kơnràñ gen rơp roh rui; Kơnràñ pơndut tơnlồi cau lơi ò dòn song mơ Kơnràñ.

Esai 17:11

bulah bol mê lơh gơ in hòn, tòm ngai bol mê tam gơ, mơ lơh gơ in cat sơmbut, tòm àng drim bol mê neh sih gơ; rơp ò gơs dô nơm plai lơi tòm kơnhai pic plai, mơya tòm ngai moat jrùng mơ jê sồt ò rgơi geh sơmbòi.

Jeremi 2:19

Bơta iơh bơsak mê dê rơp lơh glài mê, Bơta pơrlơ̆ dră mê dê rơp lah pơrhơng mê, sền mơ git tĕ lah hơ̆ la bơta iơh mơ hòi bơtang ngan bơh bol mê neh sang lòi Jehôwa Yàng Tom Trồ mê dê, tòm mê ò gơs nùs duh rngòt di Añ.” Yàng la Yàng Jehôwa Gơnap Gơnoar đơs behơ̆.

Jeremi 2:20

“Bơh lài òr Añ neh dơrpă yô mê dê, Gơltac che sreng mê dê, Mơ mê đơs lah: ‘Añ rơp ò duh broă!’ Hơđang kòp nơm dòr jơnhoa, mơ hơđơm kòp nơm chi tơlir, Mê neh kun să mơ lơh bơta dri tơlàr.

Jeremi 44:17

Mơya bol hi ngan rơp lơh wil tơl ală jơnau neh lik bơh bơr bol hi, rơp chu kơlhô mơ ơn phan ơn ưnngài yàng ùr hơđang trồ, kung be bol hi bal mơ ồng pàng bol hi, cau bơtau, cau kwang at bồ bol hi neh lơh tòm ală ƀòn Juda dê mơ tòm ală gùng ƀòn dờng Jerusalem; Tài bơh tŭ hơ̆ bol hi gơs ƀañ nàng sa hòm să he, geh lơngai, ò gŏ rung rài lơi.

Ñìm Rac 4:21

Ơ kòn ùr Edôm, ơm tòm lơgar Us; hòn chò hừh hơh tĕ, Mơngàn kung rơp jun tus hơ ai, ai rơp bơñul mơ ơm kuh lòi rồ.

Ejekiel 16:15

‘Mơya ai kơnòm di bơta hàng mơnĕ ai dê mơ ngui bơta tiơng pơnro ai dê mơ gơlik gơs dô nă ùr dri. Ai khat gơboh tòmtir mơ cau lơi lòt gan, mơ bơta hàng mơnĕ ai dê gơrê bal mơ cau hơ̆.

Ejekiel 16:30

Jehôwa Yàng Tom Trồ đơs lah: ‘Ai gơs nùs hàm kòñ ò git nđò tòm tŭ ai neh lơh jơh ală bơta hơ̆, lơh kung be dô nă cau ùr dri ò git ƀàssìl ƀàsso!

Ejekiel 20:32

Gơs bơta lơi bol mê kơlôi tòm dơngoh rơp ò gơlik gơs, bol mê đơs lah: “Lòi bol hi gơlik ndròm be ală lơgar mơ ală làng bol tòm dunnia duh khoai chi mơ lŭ.”’

Ejekiel 21:10

Tồl sồt nàng sreh tơnchơt, tho goh nàng gơcrà kung be puhlèp! Mbe bol he rgơi hòn chò taih? Bơh mê kòn klau añ neh sền òsơp gai mơng mơ ală bơta lơh glài tơmàl.

Sră Ôse 10:5

Làng bol ơm tòm Samari rngòt rơm să bơh rùp kơnrồ kòn tòm Bet Aben. Làng bol gơ dê rơp ñìm rac bơh gơ, mơ ală cau gơnoar ơn phan duh khoai rùp ràk rơp ñìm rac bơh gơ, bơta gơklŏ gơ dê neh sang lòi gơ.

Sră Ôse 2:12

Añ rơp tơnroh ală chi ño mơ chi ƀal khai dê, mơ khai đơs lah: ‘Ală chi do la jền tơngai mơ ală cau añ kòñ gơboh neh ai añ in.’ Añ rơp lơh ală chi hơ̆ gơlik be chi tòm dơr brê, mơ ală phan brê rơp sa loan gơ.

Sră Ôse 4:12

Bol khai hòi lùp mơ dô gơl chi, gen geh ho wơl bơh dô nơm gai gơ dê. Nùs nhơm rềs àr lam bol khai lòt tìs nrah, mơ bol khai ò dòn song mơ Yàng Tom Trồ bol khai dê.

Sră Ôse 5:4

Broă lơh bol khai dê ò ai gơnoar bol khai rê wơl hơ Yàng Tom Trồ bol khai dê. Nùs nhơm dri tơlàr neh gơs tòm bol khai, bol khai ò git Yàng Jehôwa.

Sră Ôse 5:7

Bol khai ò dòn song mơ Yàng Jehôwa, bol khai deh ală kòn ò di pal. Tŭ do, ngai Dùl lik rơp sa loan bol khai bal mơ ală ƀlàng sre bol khai dê.

Amôs 3:2

“Añ mìng git bol mê lơm bơh di jơh ală hìu nhă hơđang plai ù; behơ̆ tàng Añ rơp lơh glài bol mê bơh jơh ală bơta tồi glài bol mê dê.”

Amôs 4:5

Cèng tĕ piang lă ò gơs kañ, lơh gơs phan ơn bơta ưnngài, mơ yal tơlik tĕ bơh ală phan ơn jat nùs kòñ bol ai dê; yal tơnggit tĕ bơh ală bơta hơ̆, bơh hơ̆ la bơta bol mê kòñ lơh, ơ làng bol Israel!” Jehôwa Yàng Tom Trồ đơs behơ̆.

Amôs 6:13

Bol mê la ală cau hòn chò tòm Lô Debar mơ đơs lah: “Ò di bol he neh kơnòm di pràn tòm bol he dê mơ geh Karnaim ò ơ?”

Amôs 8:10

Añ rơp pơrlac bơta pơjum sa bol mê dê gơlik gơs bơta pơt wòl, mơ jơh ală bơta đơs chò bol mê dê gơlik gơs bơta ñìm rac. Añ rơp cèng bài sơnò kiat tơntròñ jơh tơl nă bol mê in, mơ koah bồ bol mê dê. Añ rơp lơh gơ in gơlik gơs kung be bơta ñìm ƀồc bơh roh kòn klau dô nă, mơ bơta lồi dut gơ dê kung be dô ngai sràt bơtang.”

Jakơ 4:16

Mơya oh mi jòng să, pơnhừ să. Jơh ală bơta jòng să behơ̆ la iơh.

Jakơ 5:1

Tŭ do, ơ oh mi la ală cau pas sơm! Ñìm rac tĕ, hòi driau tài bơh ală bơta rung rài rơp tuh hơđang bol mê.