Sră Ôse 8:8 - Sră Goh 2018

⁸ Làng bol Israel neh kong sa loan; Tŭ do bol khai ơm digùl ală lơgar, kung be dô nơm phan ngui ò kwơ.

Sră Ôse 8:8 ပူးပေါင်းရင်းမြစ်များ

II Ală Bơtau 18:11

Bơtau Asiri cèng cau Israel tus hơ Asiri, ơn bol khai ơm tòm Halah hơđang Habo, hiòng Gôjan, mơ tòm ală ƀòn dờng Medi dê;

Esai 30:14

Gơ rơp bơcah rpot rpet be dô nơm gri mơ ù, gơ bơcah ò pơlai dô êt lơi, tian gơs nsàng gơ ò gơs dô pet lơi rgơi ngui ơn rnga ồs tòm bơnhă hala bơ̆ dà bơh tơrlung.”

Jeremi 22:28

Behơ̆ Jekônia do ngan la dô nơm gri bơcah mơ kong sền òsơp sơl? Dô nơm gri ò gơs cau lơi kòñ ơ? Ñchi bơh tài khai mơ kòn sau khai kong sang tơlik, Kong sang ngài tus tòm dô nơm lơgar bol khai òhềt tŭ lơi git taih?

Jeremi 25:34

Ơ ală cau ê, ñìm rac tĕ, pơt wòl tĕ! Ơ ală cau ê mpồl belàt, pơrlac tĕ să tòm bùh! Tài bơh ală ngai bol mê kong tơnchơt neh tus rau, mơ ngai mê kong nrah nring neh tus; Bol mê rơp gơpừ mơ bơcah kung be gri màng ryŭ.

Jeremi 48:38

Hơđang ală rkàng hìu cau Môap mơ tòm ală hìu dờng gơ dê, mìng la ală bơta ñìm rac lơm, bơh Añ neh pòng bơcah Môap kung be gri ò gơs cau kòñ gơboh,” Yàng Jehôwa đơs behơ̆.

Jeremi 50:17

Israel la dô mpồl belàt tìs nrah, gơkòl klìu triă ting jat. Lài ngan bơtau Asiri neh brồ kup sa loan gơ; lồi dut Nebukatnessar, bơtau Babilôn, neh kơnjah ntìng gơ.”

Jeremi 51:34

“Nebukatnessar, bơtau Babilôn, neh loan añ, Khai neh tơnlề añ; Khai neh lơh bol hi gơlik gri soh gòi; Khai neh loan bol hi be dô nơm bơs dờng; Khai lơh hòm kơndul khai mơ phan bơkah bol hi dê; Khai bơtrơh tơlik bol hi.”

Ñìm Rac 2:16

Jơh ală cau sò tơm ai dê ha bơr dờng tòmdră mơ ai, bol khai hwac, rkiat sề driau dờng lah: “Bol he neh sa loan khai! A, do la ngai bol he neh kơp gơn, lồi dut bol he neh sền gŏ gơ!”

Ñìm Rac 2:2

Yàng neh tơnroh ò nđàc sơngit, jơh ală tiah ơm Jakôp dê. Tòm bơta gơjrañ Kơnràñ dê, Kơnràñ neh lơh tơrlơm ală theng kơ̆ cê kòn ùr Juda dê; Kơnràñ neh tơmù tus di ù, tòm bơta ƀàssìl lơgar mơ ală kwang at bồ gơ dê.

Ñìm Rac 2:5

Yàng neh gơlik gơs be dô nă cau sò tơm, Kơnràñ neh tơnroh Israel; Kơnràñ neh tơnroh jơh ală gơlang bơtau gơ dê, lơh tơrlah tơrling ală theng kơ̆ cê; mơ bơtơl bơta ñìm rac, pơt wòl digùl kòn ùr Juda.

Ñìm Rac 4:2

Ală kòn sau kas màng Siôn dê, kwơ màng kung be màh ngan, mbe lơh bol khai kong sền òsơp kung be ală gri lơh mơ ù kơnàng la broă lơh bơh tê cau chài mòn ù dê!

Ñìm Rac 5:2

Sre brê bol hi neh gơrê tòm tê ală cau crih mat, Hìu đam bol hi dê gơrê mơ cau lơgar bơdìh.

Ejekiel 36:3

Gen tàng, đơs hwơr tĕ mơ đơs lah: “Jehôwa Yàng Tom Trồ đơs be do: ‘Tài bơh bol khai ngan neh phà tơnroh mơ sò tơm bol mê bơh kòp đah tồ lơh bol mê in gơlik gơs phan tòm gơrê bal mơ ală làng bol gam wơl tòm ală lơgar, mơ gơlik gơs phan đơs bơrsèl tơnhial mơ bơtat bơtròh digùl ală làng bol,’

Lebi 26:33

Añ rơp rsìh bol mê tòm gùl ală làng bol mơ Añ rơp tă đào ting jat bol mê. Lơgar bol mê dê rơp gơkòl sang lòi srau gòi, mơ ală ƀòn dờng bol mê dê rơp kong tơnroh.

Rôma 9:22

Yàng Tom Trồ kòñ sơnio bơta gơjrañ dờng mơ yal tơlik gơnap gơnoar Kơnràñ dê, gen neh ai oă bơta kong ơt mơ kong di ală cau pal gơjrañ neh prap lòi bơta roh rui in.

Yal Wơl 28:25

Yàng Jehôwa rơp lòi bol mê kong alah di đap ală cau sò tơm bol mê dê. Bol mê rơp bơh dô đah brồ lơh bol khai mơya rơp ntoat dô tòm poh đah, mơ bol mê rơp gơlik gơs dô nơm phan cù kìr di đap jơh ală lơgar hơđang ù.

Yal Wơl 28:64

Gen Yàng Jehôwa rơp rsìh bol mê digùl jơh ală làng bol, bơh jơng trồ do tus hơ jơng trồ ne. Tềng hơ̆ bol mê rơp duh khoai ală yàng ndai, la ală yàng mơ chi mơ lŭ mơ bol mê hala ală ồng pàng bol mê dê kung ò tŭ lơi git.