Sră Ôse 8:7 - Sră Goh 2018

⁷ Bol khai neh sih càl mơ rơp toès rbut dờng. Kòi bol khai dê ò hòn niam; gơ rơp ò gơlik gar. Dilah gơ gơlik gar, gen cau làng bol bơdìh rơp sa loan jơh.

Sră Ôse 8:7 ပူးပေါင်းရင်းမြစ်များ

Sơnròp Gơlik Gơs 41:23

Mơ gơs poh sơnyùr kòi nsiap mơ neh ro tài bơh càl đah mattơngai lik khồm gơ, hòn jat kòi ne.

II Ală Bơtau 15:19

Pul, bơtau Asiri, tus tòmlơh mơ lơgar; Menahem ai Pul in dô rbô talơng priă, nàng dong khai bơtào kơ̆ lơgar tòm gơnoar bơtau khai dê.

II Ală Bơtau 15:29

Tòm rài Peka bơtau Israel, Tilglat Pileser bơtau Asiri, tus gơrwàng tòmpìt ai Iyôn, Abel Betmakah, Janôah, Kedes, Hajor, tiah Galaat, Galile, mơ jơh kơnhwàl Neptali; gen khai cèng làng bol ală lơgar hơ̆ rê hơ Asiri.

Sră Jop 4:8

Jat be bơta añ neh sền gŏ, cau lơi lơòr bơta iơh bơsak, Mơ cau lơi sih bơta dơrcul gen toès wơl ală bơta hơ̆.

Jơnau Pơnđik 22:8

Cau lơi sih bơta ò song ring rơp toès bơta rung rài; mơ gai mơng bơta gơjrañ dờng khai dê rơp kong tơrpă.

Cau Bơto 5:16

Bơta do kung la dô bơta rung rài dờng: Cau neh tus tòm dunnia be lơi, bol khai rơp rê wơl behơ̆ sơl. Mơ ñchi gơs kwơ bol khai in bơh ală broă lơh bòl glar jat càl khồm taih?

Esai 17:11

bulah bol mê lơh gơ in hòn, tòm ngai bol mê tam gơ, mơ lơh gơ in cat sơmbut, tòm àng drim bol mê neh sih gơ; rơp ò gơs dô nơm plai lơi tòm kơnhai pic plai, mơya tòm ngai moat jrùng mơ jê sồt ò rgơi geh sơmbòi.

Esai 55:2

Ñchi bơh tài bol mê tơm jền nàng blơi phan ò di la piang lă, mơ kong bòl glar lơh broă nàng geh phan ò lơh hòm klung taih? Kơrhia tĕ, Iat tĕ Añ! Mơ sa tĕ phan niam, mơ lơh să tòm bol mê hòn chò bơh phan bơkah rlau jơh.

Esai 66:15

Do, Yàng Jehôwa rơp tus bal mơ ồs, mơ ală rơndeh tòmlơh Kơnràñ dê kung be càl wac brồng; Kơnràñ rơp đùh bơta gơjrañ Kơnràñ dê dô bă rngòt rngơt, mơ bơta lơh glài Kơnràñ dê bơh lơmpiat ồs hơng.

Jeremi 12:13

Bol khai neh sih gar kòi mi mơ toès ală tòm lò, Bol khai kong bòl glar mơya ò dòp geh phan lơi. Bol mê rơp ƀàssìl bơh kơnhai toès bol khai dê, Bơh bơta gơhào gơjrañ dờng ngan Yàng Jehôwa dê!”

Ñìm Rac 5:2

Sre brê bol hi neh gơrê tòm tê ală cau crih mat, Hìu đam bol hi dê gơrê mơ cau lơgar bơdìh.

Sră Ôse 2:9

Behơ̆ gen Añ ai wơl kòi mbo Añ jê tòm tŭ gơ neh dum, mơ tơrnòm Añ jê di di kơnhai gơ dê. Añ rơp ai wơl sơnò belàt mơ bài, la phan ngui nàng klơm să kuh khai dê.

Sră Ôse 7:9

Ală làng bol lơgar bơdìh neh sa loan bơta pràn khai dê, mơya khai ò git bơta hơ̆. Sŏ khai rơp sơntòm kò, mơ khai ò git.

Sră Ôse 9:16

Epraim kong tơnroh, ryas bol khai neh ro. Bol khai rơp ò gơlik plai tai; bulah bol khai deh kòn, añ kung rơp tơnchơt kòn sau kòñ gơboh hìu kòn bol khai dê.

Nahum 1:3

Yàng Jehôwa òbat gơjrañ mơ gơs gơnap gơnoar dờng; Yàng Jehôwa ò lòi cau tìs glài ò kong lơh glài. Gùng lòt Kơnràñ dê la tòm càl rwac mơ càl rbut dờng, mơ ală puk mhwal la thul hơđơm jơng Kơnràñ dê.

Sră Age 1:6

Bol mê neh sih oă, mơya neh toès wơl dô êt; bol mê sa, mơya ò gơs tŭ lơi tơl; bol mê hùc, mơya ò gơs tŭ lơi bềng; bol mê soh ồi ào, mơya ò gơs tŭ lơi ram; bol mê dòp leng jền tơngai mìng prap ơn gơtòm dô nơm kơldung bluh.’

Galati 6:7

Bañ pơrlồm să he; Yàng Tom Trồ ò lòi cau sền òsơp di Yàng ò, bơh cau sih gar lơi, gen toès wơl gar hơ̆.

Galati 6:8

Cau lơi sih jat poac să, gen bơh poac să rơp toès bơta ồm lề; mơya cau lơi sih jat Yàng Hwềng, gen rơp bơh Yàng Hwềng mơ toès bơta kis gam sùm sùm.

Yal Wơl 28:33

Dô nơm làng bol mơ bol mê ò git rơp sa phan bơh tê mơ ù tiah bol mê neh lơh broă bòl glar nàng gơlik gơs, mơ bol mê ò geh bơta lơi rlau mơ bơta kong rồn bơklơn iơh rmơh tòm jơh rài kis bol mê dê.