Sră Ôse 8:6 - Sră Goh 2018

⁶ Bơh rùp ràk hơ̆ gơlik bơh Israel! Dô nă cau chài neh tŏ gơs gơ; gơ ò di la Yàng Tom Trồ. Kơnrồ kòn Samari dê rơp kong bơcah rpot rpet.

Sră Ôse 8:6 ပူးပေါင်းရင်းမြစ်များ

II Ală Bơtau 23:15

Rlau mơ hơ̆, cơnòng duh khoai tòm Betel, tiah jơnhoa neh geh bơt bơtào bơh bơtau Jerôbôam kòn klau Nebat, la cau neh lơh Israel in tìs glài — bơtau sòr tơrlah cơnòng duh khoai hơ̆ bal mơ tiah jơnhoa. Bơtau chu jơh tiah jơnhoa, tơnlề gơ gơs bùh, khai kung chu jrong duh khoai Asera sơl.

II Ală Bơtau 23:19

Rlau mơ hơ̆, Jôsia kung tă tơlik jơh ală hìu bơmồng tòm ală tiah jơnhoa tòm Samari, mơ ală cau bơtau Israel neh bơtào gơs nàng bơrcek Yàng Jehôwa gơjrañ, khai lơh di ală hìu hơ̆ be neh lơh tòm Betel.

II Yal Yau 13:8

Mơ tŭ do bol mê kơlôi lah bol mê rgơi tòmdră jai mơ lơgar bơtau Yàng Jehôwa dê ơm tòm tê ală kòn klau Dabit dê, tài bơh bol mê gơs gal ngan bal mơ rùp kòn kơnrồ mơ màh mơ Jerôbôam neh lơh gơs yàng bol mê in.

II Yal Yau 31:1

Tòm tŭ neh sir jơh ală bơta hơ̆, ală cau Israel neh ơm tềng hơ̆ lik lòt tus hơ ală ƀòn dờng Juda dê, pòng bơcah ală pơnai lŭ mơ koh tòmpừ ală jrong duh khoai Asera dê. Bol khai sòr tơrlah ală tiah jơnhoa mơ ală cơnòng duh khoai tòm lam jơh Juda, Benjamin, Epraim mơ Manase. Tian gơs bol khai neh tơnroh jơh hir, gen jơh ală cau Israel rê wơl hơ ală ƀòn dờng tòm bol khai dê, jơh ală rê hơ sre brê tòm bol khai dê.

Jeremi 10:14

Kòp nă cau la bơrngơl mơ ò git wă; Cau chài lơh màh kòl ƀàssìl bơh ală rùp ràk khai dê; bơh ală rùp ràk bol khai la ma blac, Ò gơs nhơm tă tòm gơ;

Jeremi 48:13

Môap rơp kong ƀàssìl bơh ală rùp ràk Kemôs, Kung be hìu Israel neh kong ƀàssìl Bơh Betel bol khai gơn kơnòm.

Jeremi 50:2

Yal tơnggit, yal tơlik tĕ ală lơgar in, Bơtào bồng bi; yal tơnggit tĕ, Bañ pồn gơ; đơs tĕ lah: “Babilôn neh kong alah; Bel bềng bơta ƀàssìl; Merôdak kong rngòt rngơt; Rùp gơ kong ƀàssìl ƀàsso, Rùp ràk gơ kong phà tơrlah!

Sră Ôse 10:2

Nùs bol khai la blac pơrlồm, tŭ do bol khai pal àñ ơnòng bơta tồi glài bol khai dê. Yàng Jehôwa rơp sòr tơrlơm ală cơnòng duh khoai, mơ rơp tơnroh ală jrong duh khai bol khai dê.

Sră Ôse 13:2

Tŭ do bol khai kư̆ tìs glài sơlo ngai sơlo gơbơtơl tai; mơ lơh gơs dô nơm rùp bol khai in, ală rùp ràk mơ priă jat be bơta git wă bol khai dê, jơh ală bol gơ la broă lơh bơh tê cau chài lơh dê. Bol khai đơs lah: “Ơn tĕ phan ơn duh khoai bol gơ in.” Làng bol cum rùp ràk kơnrồ kòn.

Sră Ôse 14:3

Asiri ò rgơi dong klàs bol hi; bol hi rơp ò hào ơseh tòmlơh. Bol hi rơp ò tŭ lơi đơs mơ phan bơh tê bol hi lơh gơs lah: Yàng Tom Trồ bol hi dê, bơh tòm Kơnràñ cau kòn đòi jòi bàn bơta kòñ nđàc.”

Mice 1:7

Jơh ală rùp ràk khai dê rơp kong pòng bơcah rpot rpet, jơh ală jền tơngai khai dê rơp kòl chu tòm ồs; mơ Añ rơp tơnroh jơh ală rùp ràk khai dê; bơh khai pơjum tơrgòm jền tơngai ală cau ùr dri dê, mơ jền tơngai ală cau ùr dri dê bol khai rơp geh ngui tai.”

Habakuk 2:18

Dô nơm rùp ràk bơh dô nă cau neh mòn gơs bơta lơi kwơ taih? Dô nơm rùp duh khoai, bơto jơnau ma blac gơs kwơ lơi taih? Bơh cau neh mòn gơ dòn kơnòm di phan khai neh lơh gơs; bulah khai lơh gơs rùp ràk ò rgơi đơs.

Broă 17:29

Bơh tòm tŭ he la ală kòn Yàng Tom Trồ dê, gen bol he bañ tồnlah Yàng Tom Trồ be rùp ràk màh priă, hala lŭ, bơh broă chài lơh mơ jat bơta kơlôi sơnơng kòn mơnus dê mơ lơh gơs.

Broă 19:26

Ală oh mi gŏ mơ kơno lah ò di mìng tòm Ephesô lơm ò, mơya kung mòr jơh kơnhwàl Asia sơl, Pol do neh bơchồt mơ lơh pơrlơ̆ nùs oă cau, mơ đơs lah ală yàng bơh tê cau lơh gơs gen ò di la yàng.