Sră Ôse 8:14 - Sră Goh 2018

¹⁴ Israel neh hŭi Bơtau crơng gơs bol khai, mơ bơt bơtào ală hìu gơlang; Juda neh bơtơl oă ƀòn dờng kơ̆ cê. Mơya Añ rơp sồr ồs tus hơđang ală ƀòn dờng bol khai dê, mơ gơ rơp sa pơrguc jơh ală tiah kơ̆ cê hơ̆ bol khai dê.

Sră Ôse 8:14 ပူးပေါင်းရင်းမြစ်များ

Yal Wơl 32:18

Bol mê ò ơn nùs kơlôi di Pơnai Lŭ neh tơnggơs bol mê; bol mê neh hŭi Yàng Tom Trồ la Bơtau neh deh bol mê.

Jeremi 17:27

Mơya dilah bol mê ò bài iat Añ nàng ơn is ngai Saƀat gơlik gơs ngai sàng goh, mơ tòm ngai Saƀat tui ơnòng mơ mut tòm mpồng ƀòn dờng Jerusalem, gen Añ rơp ơn ồs di mpồng theng, ồs hơ̆ rơp chu pơrguc gơlang bơtau tòm Jerusalem, mơ rơp ò geh đơp chơt ò.’”

Amôs 2:5

Añ rơp sồr ồs tus hơđang Juda, gơ rơp chu pơrguc ală hìu gơlang kơ̆ cê Jerusalem dê.”

Sră Ôse 13:6

Tòm tŭ Añ ròng siam bol khai, gen bol khai geh hừh nùs, bol khai geh hừh nùs, gen nùs bol khai gơlik pơnhừ să, gen tàng bol khai neh hŭi Añ.

Esai 17:10

Bơh bol mê neh hŭi Yàng Tom Trồ Bơtau Dong Klàs bol mê dê, ò kah Pơnai Lŭ Kìng Crŭ mê dê. Gen tàng bulah bol mê tam ală chi niam rlau jơh, mơ tam ală tòm ño cèng tus bơh lơgar ndai,

Amôs 1:10

Añ rơp sồr ồs tus hơđang ală dơrñang ƀòn Tirơ, ồs hơ̆ rơp chu pơrguc jơh ală gơlang kơ̆ cê gơ dê.”

Ephesô 2:10

Bơh bol he la broă lơh Kơnràñ dê, neh geh Kơnràñ crơng gơs tòm Yàng Krist Jesu nàng lơh broă niam, mơ Yàng Tom Trồ neh rcang lài nàng bol he in lơh jat.

Amôs 1:14

Behơ̆ Añ rơp sing ồs chu ală dơrñang ƀòn Rapbah, ồs hơ̆ rơp sa loan jơh ală gơlang kơ̆ cê gơ dê bal mơ ală jơnau hòi driau tòm ngai tòmlơh, bal mơ càl pràn tòm ngai càl rbut dờng.

Amôs 1:12

Añ rơp sồr ồs tus hơđang Theman, gơ rơp chu pơrguc jơh ală gơlang kơ̆ cê Bôjra dê.”

Amôs 1:4

Behơ̆ Añ rơp sồr ồs tus hơđang hìu Hajael, mơ gơ rơp sa loan ală ƀòn dờng kơ̆ cê Benhadat dê.

Sră Ôse 2:13

Añ rơp lơh glài khai bơh ală ngai mơ khai neh chu kơlhô ală rùp ràk Baal in, khai bơka să mơ bơno tồr bal mơ ală lŭ màng, khai lòt jat ală cau khai tòmtir, ai Añ gen khai neh lòi hŭi.” Yàng Jehôwa đơs behơ̆.

Jeremi 23:27

Bol khai kòp nă yal wơl bơta mpau cau gơp ƀòn in, kơlôi lah rơp lơh làng bol hŭi sơnđan Añ, kung be ồng pàng bol khai tài bơh Baal hŭi sơnđan Añ.

Jeremi 3:21

Gơs jơnau đơs bơh hơđang ală dòr kơlờl: Hơ̆ la sap kòn sau Israel ñìm rac, Tài bơh bol khai neh lơh rkwet rkwe gùng bol khai dê; bol khai neh hŭi Jehôwa Yàng Tom Trồ bol khai dê.

Jeremi 2:32

Dô nă kòn ơruh rgơi hŭi phan bơka să khai dê, Hala dô nă ƀan pa hŭi phan soh mơ phan bơka să he dê ơ? Mơya làng bol Añ neh hŭi Añ bơh ală ngai ò jai kòp.

Esai 43:21

Hơ̆ la làng bol mơ Añ neh mòn gơs să tòm Añ in nàng bol khai rơp yal tơlik bơta jòng ro Añ.

Esai 42:25

Behơ̆ tàng Kơnràñ neh tuh hơđang bol khai bơta gơjrañ duh hơng Kơnràñ dê, la bơta gơhào gơjrañ bơta kơlìn dê. Gơ gơrwàng bol khai tòm ồs, mơya khai kung ò git wă; gơ chu pơrguc khai, mơya khai kung ò ơn nùs bơh bơta hơ̆.

Esai 42:13

Yàng Jehôwa rơp lik lòt hơđap be cau ling pràn kơldang, be dô nă cau ling jak chồl bơtrut nùs ngac ngar Kơnràñ dê, Kơnràñ driau dờng tòmlơh; mơ rơp pha lin rlau mơ ală cau sò tơm Kơnràñ dê.

Esai 29:23

Bơh tòm tŭ khai gŏ ală kòn sau khai dê, broă lơh tê Añ jê digùl khai, bol khai rơp prap gàr sơnđan Añ sàng goh; bol khai rơp lơh sàng goh Bơtau Sàng Goh Jakôp dê, mơ duh rngòt di Yàng Tom Trồ Israel dê.

Đơs Crih 106:21

Bol khai hŭi Yàng Tom Trồ la Bơtau dong klàs bol khai dê, La Bơtau neh lơh ală broă dờng tòm Ejiptơ,

II Yal Yau 27:4

Rlau mơ hơ̆, khai bơt ală ƀòn dờng hơđang tiah mơnơm Juda dê mơ ală theng kơp gàr mơ ală theng jơnhoa tòm ală tiah brê dơr.

II Yal Yau 26:10

Khai kung bơt bơtào ală theng jòng jơnhoa tòm ƀlàng ngềt ngơt mơ tò oă tơrlung dà, tài bơh khai gơs oă mpồl phan poan jơng di jơng ală mơnơm mơ tòm ală ƀlàng ring. Khai gơs làng bol lơh broă tòm ală ƀlàng sre mơ tòm ală suơn ño khai dê tòm ală mơnơm dềt mơ ală tiah gơs ù bơkah, tài bơh khai kòñ gơboh di ù tiah.

I Ală Bơtau 16:31

Bơh khai sền dềt rhền khai in nàng lòt tòm tồi glài Jerôbôam, kòn klau Nebat dê, khai lòt bau mơ Jesabel, kòn ùr Etbaal, bơtau cau Sidôn; khai kung lòt duh broă Baal mơ duh khoai gơ.

I Ală Bơtau 12:31

Khai kung bơt hìu hơđang ală tiah jơnhoa, sac rwah cau gơnoar ơn phan duh khoai bơh digùl làng bol, bol khai ò di la jơi bơtiàn Lebi.

II Ală Bơtau 18:13

Tòm nam dơ̆ jơt poan rài Ejekia, Sennacerip bơtau Asiri, guh tòmlơh mơ jơh ală ƀòn dờng kơ̆ cê cau Juda dê mơ tòmpìt ai gơ.

Đơs Crih 95:6

Bol he lòt tus tĕ tơmbic să mơ duh khoai; Bol he cùn gơltang tĕ di đap Yàng Jehôwa, la Bơtau crơng gơs bol he!

Esai 9:9

Jơh làng bol rơp git jơnau hơ̆, hơ̆ la Epraim mơ làng bol Samari, bol khai ai nùs pơnhừ să mơ đơs lah:

Esai 9:10

“Gac bơt hìu neh tơrlah, mơya bol he rơp bơt wơl mơ lŭ neh phàt; ală tòm chi ƀal neh gơpừ, mơya bol he rơp tam chi pơnàng tòm tiah bol gơ dê.”

Jeremi 5:17

Bol khai rơp sa loan plai đo mơ ƀañ mê dê, Bol khai rơp sa kòn klau kòn ùr mê; Bol khai rơp sa mpồl belàt mơ mpồl kơnrồ mê, bol khai rơp sa chi ño mơ chi ƀal mê dê. Bol khai rơp ai đào tơnroh ală ƀòn dờng kơ̆ cê mê dê, la tiah mơ mê gơn kơnòm!”

Ejekiel 23:35

Gen tàng, Jehôwa Yàng Tom Trồ đơs be do: ‘Tài bơh ai neh hŭi Añ, mơ sơrbì Añ di ngkòi ai, gen ai pal kong cồng nha bơh bơta gơlềng gơlàng mơ dri tơlàr ai dê.’”

Sră Ôse 4:6

Làng bol Añ jê kong tơnroh tài bơh siơ̆u bơta git wă. Tài bơh bol mê sang lòi bơta git wă, Añ kung sang lòi mê tồ mê ò lơh gơs cau gơnoar ơn phan duh khoai Añ jê; Mơ bơh di tŭ bol mê neh hŭi bơta boh lam Yàng Tom Trồ bol mê dê, gen Añ kung rơp hŭi kòn sau bol mê dê sơl.