Sră Ôse 8:13 - Sră Goh 2018

¹³ Bulah bol khai ơn phan duh khoai niam Añ in, bulah bol khai sa poac, Yàng Jehôwa kung ò dòp bol khai. Tŭ do Kơnràñ kah wơl bơta tồi glài bol khai dê, mơ lơh glài bơh tồi glài bol khai dê, bol khai rơp rê wơl hơ Ejiptơ.

Sră Ôse 8:13 ပူးပေါင်းရင်းမြစ်များ

Lik Ejiptơ 20:3

Di đap Añ bol mê bañ gơs ală yàng ndai tai.

Lik Ejiptơ 32:34

Tŭ do, lòt tĕ, lam làng bol lòt tus di tiah Añ neh đơs, mơ cau gơnrơh Añ jê rơp lòt lài mơ mê. Bulah behơ̆, tòm tŭ tus di tŭ tơngai lơh glài gen Añ rơp lơh glài tài bơh tồi glài bol khai dê.”

Jơnau Pơnđik 21:27

Phan ơn duh khoai cau iơh dê la dô nơm phan cù kìr; tơ ài lah tŭ bol khai cèng tus bal mơ bơta kơlôi sơnơng iơh.

Esai 1:11

Yàng Jehôwa đơs: “Ñchi kwơ Añ in rbô rhiang phan ơn duh khoai bol mê dê taih? Añ neh dil bơh ală phan ơn chu pơrguc belàt dam dê, mơ dơngi ală phan poan jơng lơmă; Añ ò niam nùs di mhàm kơnrồ dam, belàt kòn mơ be dam.

Jeremi 14:10

Yàng Jehôwa đơs bơh làng bol do be do: “Ngan bol khai kòñ gơboh lòt gơlềng gơlàng, Bol khai ò kơryan jơng he, Gen tàng Yàng Jehôwa ò bài dòp bol khai. Tŭ do Kơnràñ kah wơl bơta tìs glài bol khai dê Mơ lơh glài tơmàl tồi glài bol khai dê.”

Jeremi 6:20

Behơ̆, ñchi kwơ cèng kơlhô tus bơh Seba Añ in, Chi ƀô lơngồt tus bơh lơgar ngài? Phan ơn chu bol mê dê ò geh dòp, Phan ơn pơdơng bol mê ò niam nùs Añ.”

Ejekiel 29:16

Ejiptơ rơp ò tai gam la tòm ryas bơta gơn kơnòm làng bol Israel in, mơya la dô bơta tơngkah wơl bơh tồi glài bol khai dê, tòm tŭ bol khai wèt wơl hơ Ejiptơ nàng geh dong kòl. Gen bol khai rơp git Añ la Jehôwa Yàng Tom Trồ.’”

Sră Ôse 11:5

Ngan! Bol khai rơp rê wơl hơ lơgar Ejiptơ, mơ cau Asiri rơp lơh gơs bơtau bol khai dê, tài bơh bol khai neh sang lòi ò bài rê wơl hơ Añ.

Sră Ôse 12:11

Añ neh đơs mơ ală cau gơnoar hwơr, ai bol khai in oă bơta gơtơnggŏ, mơ kơnòm cau gơnoar hwơr Añ rơp cèng tus bơta tơnroh.

Sră Ôse 4:9

Mơ gơ rơp gơlik gơs, làng bol be lơi gen cau gơnoar ơn phan duh khoai kung behơ̆ sơl. Añ rơp lơh glài bol khai bơh ală gùng dà bol khai dê, mơ tơm wơl bol khai in jat be ală broă bol khai neh lơh.

Sră Ôse 5:6

Bol khai cèng bal ală mpồl belàt mơ ală mpồl kơnrồ bol khai dê nàng jòi jat Yàng Jehôwa; mơya bol khai rơp ò bàn Kơnràñ; Kơnràñ neh lik bơh di bol khai.

Sră Ôse 6:6

Bơh Añ kòñ bơta kòñ gơboh kơ̆ dơn, ò kòñ phan ơn pơdơng, mơ bơta đal git Yàng Tom Trồ la niam rlau mơ phan ơn chu pơrguc.

Sră Ôse 7:11

Epraim gơlik be dô nơm sềm ntòp, bơrngơl, mơ siơ̆u dơngoh jak; bol khai hòi Ejiptơ dong kòl, bol khai lòt tus hơ Asiri.

Sră Ôse 7:16

Bol khai wèt hơ ală bơta ò gơs kwơ; bol khai kung be dô nơm àtak ò gam niam. Ală cau kwang at bồ bol khai dê rơp gơpừ bơh đào, tài bơh ală jơnau gơjrañ mañ bơh lơmpiat bol khai dê. Bol khai gơlik gơs bơta dơñŏ tơnhial tòm ù tiah Ejiptơ.

Sră Ôse 7:2

Mơya bol khai ò git sền sơwì lah Añ kah jơh ală broă lơh iơh bơsak bol khai dê. Broă lơh bol khai dê gơrwàng bol khai; bol gơ ơm sùm di đap Añ.

Sră Ôse 9:6

Bulah dilah bol khai dô klàs bơh bơta tơnroh, Ejiptơ rơp pơjum tơrgòm bol khai, Memphis rơp tơp ƀồc bol khai. Rlau lò rơp tòmpìt ai ală phan màng mơ priă bol khai dê, mơ tòm lò rơp hòn tòm sàl bol khai dê.

Sră Ôse 9:7

Ală ngai lơh glài neh tus rau! Ală ngai sal tê neh tus rau! Israel ñìm nggà. Cau gơnoar hwơr gơlik bơrngơl gơla, cau gơs hwềng Yàng gơlik sơnrang sơnrồng, tài bơh tồi glài bol mê dê la kơnjơ̆ ngan, mơ bơta sòdră bol mê dê la dờng.

Sră Ôse 9:9

Bol khai gơkram jrô tòm bơta tìs nrah bol khai dê be tòm ală ngai Gibea dê. Yàng Tom Trồ rơp kah wơl bơta iơh bơsak bol khai dê, mơ rơp lơh glài tài bơh tồi glài bol khai dê.

Amôs 3:2

“Añ mìng git bol mê lơm bơh di jơh ală hìu nhă hơđang plai ù; behơ̆ tàng Añ rơp lơh glài bol mê bơh jơh ală bơta tồi glài bol mê dê.”

Amôs 5:22

Bulah bol mê cèng Añ in ală phan ơn chu pơrguc mơ ală phan ơn mơ kòi mbo, Añ rơp ò dòp ală phan ơn hơ̆. Bulah bol mê cèng ală phan ơn bơta ring lơngai mơ dơngi phan poan jơng bol mê dê, Añ ò wèt mat di bol gơ ò.

Amôs 8:7

Yàng Jehôwa srat să bơh bơta pơnhừ să Jakôp dê lah: “Ngan Añ rơp ò tŭ lơi hŭi dô êt lơi ală bơta bol khai neh lơh.

Luka 12:2

Ò gơs bơta lơi pồn ndơp mơ ò gơ pò tơlik, ò gơs bơta lơi ndơp ndơr mơ ò rgơi git.

I Kôrintô 11:20

Behơ̆ tòm tŭ oh mi pơjum bal, ò di la sa kah Yàng tai,

I Kôrintô 11:29

Bơh cau lơi ò git kơlôi cah is bơh să Kơnràñ mơ sa piang lă mơ hùc mơngàn hơ̆, hơ̆ la sa mơ hùc bơta cahrña să tòm khai in.

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

Yal Wơl 28:68

Yàng Jehôwa rơp lòi bol mê hào ơhò mơ rê wơl hơ Ejiptơ tòm dô nơm gùng lòt mơ Kơnràñ đơs lah bol mê rơp ò tŭ lơi lòt tai. Tềng hơ̆ bol mê rơp tac să tòm bol mê dê ală cau sò tơm bol mê in nàng lơh gơs ală cau dĭ klau mơ dĭ ùr, mơya ò gơs cau lơi rơp blơi bol mê.

Yal Tơlik 16:19

Ƀòn dờng tơrlah gơlik gơs pe pơnah, mơ ală ƀòn ală làng bol dê tơrlah tơrling jơh, mơ Yàng Tom Trồ kah wơl Babilôn dờng gen ai gơ in ñô mơngàn bơta gơjrañ dờng gơhào khuh ngan Kơnràñ dê.

I Samuel 15:22

Mơya Samuel đơs lah: “Yàng Jehôwa niam nùs di ală phan ơn chu pơrguc mơ ală phan ơn duh khoai kung be niam nùs di bơta lơh jat jơnau đơs Yàng Jehôwa dê sơl ơ? Bơta dòn bơr la niam rlau mơ phan ơn duh khoai, mơ bơta iat jơnau la niam rlau mơ dơngi ală belàt dam.