Sră Ôse 7:8 - Sră Goh 2018

⁸ Epraim tòmpơrlŭ bal mơ ală làng bol; Epraim be ƀañ buh mơ òhềt pơrlac.

Sră Ôse 7:8 ပူးပေါင်းရင်းမြစ်များ

I Ală Bơtau 18:21

Gen Eli tus rềp làng bol mơ đơs lah: “Bol mê lòt bàr đah jơl tus di tŭ lơi taih? Dilah Yàng Jehôwa la Yàng Tom Trồ, gen jat tĕ Kơnràñ; dilah Baal gen jat tĕ gơ.” Mơya làng bol ò ho dô jơnau lơi.

Ejra 9:1

Tơnơ̆ mơ tŭ ală broă hơ̆ neh sir rau, ală cau kwang at bồ lòt tus hơ añ mơ đơs lah: “Làng bol Israel, ală cau gơnoar ơn phan duh khoai, mơ ală cau Lebi, ò cah is să bol khai bơh di ală làng bol ơm tòm lơgar bal mơ bơta ngkòr ngkàc làng bol hơ̆ dê, bơh di làng bol Kanaan, làng bol Hetit, làng bol Pheres, làng bol Jebusit, làng bol Ammôn, làng bol Môap, làng bol Ejiptơ mơ làng bol Amôr.

Ejra 9:12

Gen tàng, bañ ai ală kòn ùr bol mê dê bau mơ ală kòn klau bol khai dê, hala bañ ai ală kòn klau bol mê dê bau mơ ală kòn ùr bol khai dê. Bañ tŭ lơi jòi jat bơta ring lơngai mơ bơta pas sơm bol khai dê, tồ oh mi in geh pràn kơldang mơ geh sa ală phan niam ù tiah dê, mơ lòi gơ wơl ală kòn sau bol mê in lơh gơs phan jơtài gam sùm sùm.’

Đơs Crih 106:35

Mơya bol khai ơm bơcă bal mơ ală làng bol, Mơ bơtê lơh jat be làng bol hơ̆ lơh.

Sră Ôse 5:13

Tòm tŭ Epraim neh gŏ bơta kòp jê khai dê, mơ Juda neh gŏ tềl sồt, gen Epraim lòt tus hơ cau Asiri, mơ sồr lòt tus hơ bơtau dờng. Mơya khai ò rgơi sơm bơta kòp jê bol mê hala sơmbòi ală tềl sồt bol mê dê.

Sră Ôse 5:7

Bol khai ò dòn song mơ Yàng Jehôwa, bol khai deh ală kòn ò di pal. Tŭ do, ngai Dùl lik rơp sa loan bol khai bal mơ ală ƀlàng sre bol khai dê.

Sră Ôse 7:9

Ală làng bol lơgar bơdìh neh sa loan bơta pràn khai dê, mơya khai ò git bơta hơ̆. Sŏ khai rơp sơntòm kò, mơ khai ò git.

Sră Ôse 9:3

Bol khai rơp ò gam ơm wơl tòm lơgar Yàng Jehôwa dê; mơ Epraim rơp rê wơl hơ Ejiptơ, mơ tòm Asiri bol khai rơp sa phan sa ƀơ̆ ƀơl.

Sôphôni 1:5

Mơ ală cau kun bồ hơđang rkàng hìu mơ duh khoai ală mpồl ling hơđang trồ, ală cau kun bồ ai sơnđan Yàng Jehôwa mơ srat să mơ kung ai sơnđan Milkom mơ srat să;

Malaci 2:11

Juda neh ò dòn song. Dô bơta ngkòr ngkàc neh gơs tòm Israel mơ tòm Jerusalem. Bơh Juda neh lơh ƀơ̆ ƀơl tiah sàng goh Yàng Jehôwa dê, bơta lơi khai kòñ gơboh, mơ tòmbau mơ kòn ùr dô nă yàng lơgar bơdìh.

Mathiơ 6:24

“Ò gơs cau lơi rgơi duh broă bàr nă cau tòm, bơh rơp gơjrañ kơuềng di cau do mơ kòñ gơboh di cau ne, hala sền dờng màng di cau do mơ sền òsơp di cau ne. Ală bol mê ò rgơi duh broă Yàng Tom Trồ ndang mơ duh broă jền priă ndang.