Sră Ôse 7:4 - Sră Goh 2018

⁴ Jơh tơl nă bol khai la cau rềs àr bơrnàn, bol khai kung be dô nơm bơnhă ồs duh hơng, cau buh ƀañ ò càng tơrjik rơnga ồs, bơh di tŭ bơcă kơmbuh jơl tus di tŭ kơmbuh gơprồ.

Sră Ôse 7:4 ပူးပေါင်းရင်းမြစ်များ

Jeremi 23:10

Tòm lơgar bềng lìu ală cau rềs àr bơrnàn; Tài bơh bơta srat sơntơm gen ù tiah gơlik moat jrùng; Ală ƀlàng ñhơt tòm ƀlàng ngềt ngơt ro rañ. Cau gơnoar hwơr lòt jat gùng iơh, ngui gơnoar bol khai tòm bơta ò song ring;

Jeremi 9:1

Ôih! Kơp kòñ bồ añ la dô nơm croh dà, Mat añ la dô nơm tồ dà cat dà mat! Nàng añ in ñìm sùm mang mơ ngai Bơh làng bol añ jê gơkòl tơnchơt.

Jeremi 9:2

Ôih! Kơp kòñ añ gơs dô nơm hìu ơpah bic ing tòm ƀlàng bràs! Nàng añ sang lòi làng bol añ Mơ lòt ngài bơh bol khai; Bơh tơl nă bol khai la ală cau rềs àr, Dô mpồl ală cau blac pơrlồm.

Sră Ôse 4:10

Bol khai rơp sa mơya ò hòm, bol khai lơh dri tơlàr mơya ò tơnggơs bơtơl, tài bơh bol khai neh sang lòi Yàng Jehôwa, ting jat ală yàng ndai.

Sră Ôse 4:12

Bol khai hòi lùp mơ dô gơl chi, gen geh ho wơl bơh dô nơm gai gơ dê. Nùs nhơm rềs àr lam bol khai lòt tìs nrah, mơ bol khai ò dòn song mơ Yàng Tom Trồ bol khai dê.

Sră Ôse 4:2

Tềng hơ̆ mìng gơs bơta srat rma, bơta blac pơrlồm, bơta tơnchơt cau, bơta ntung kơñau, mơ bơta rềs àr bơrnàn; bol khai sang lòi jơh ală bơta boh lam, kư̆ lơh gơhòr mhàm sùm ò dơh.

I Kôrintô 5:6

Bơta jòng să oh mi dê ò niam dô êt lơi. Oh mi ò git lah dô êt kañ lơh gơprồ jơh dô kơnac kơmbuh ò ơ?

Jakơ 4:4

Ơ ală cau ò dòn song ne! Oh mi ò git lah lơh bơyô mơ dunnia hơ̆ la tòmdră mơ Yàng Tom Trồ ò ơ? Gen tàng cau lơi kòñ lơh bơyô mơ dunnia gen cau hơ̆ gơlik gơs cau sò tơm mơ Yàng Tom Trồ.