Sră Ôse 7:2 - Sră Goh 2018

² Mơya bol khai ò git sền sơwì lah Añ kah jơh ală broă lơh iơh bơsak bol khai dê. Broă lơh bol khai dê gơrwàng bol khai; bol gơ ơm sùm di đap Añ.

Sră Ôse 7:2 ပူးပေါင်းရင်းမြစ်များ

Sră Jop 34:21

Bơh mat Kơnràñ sền sơwì ală gùng dà kòn mơnus dê, mơ Kơnràñ sền gŏ kòp cơnđòa bol khai dê.

Đơs Crih 10:11

Khai kơlôi lah: “Yàng Tom Trồ neh hŭi rau, Kơnràñ neh pơndơp mat, rơp ò gơs tŭ lơi sền gŏ.”

Đơs Crih 25:7

Dan bañ kah ală tồi glài añ tìs tòm tŭ kơnòm să, hala ală bơta tìs añ jê: Ơ Yàng Jehôwa, dan kah añ jat be bơta kòñ gơboh kơ̆ dơn mơ nùs niam Kơnràñ dê.

Đơs Crih 50:22

Behơ̆, ơ ală cau hŭi Yàng Tom Trồ, kơlôi kah tĕ bơta do, rngòt Añ crè mê rpot rpet, mơ ò gơs cau lơi dong tă mòn.

Đơs Crih 9:16

Yàng Jehôwa neh yal tơlik să tòm Kơnràñ mơ lơh bơta cahrña; Cau iơh bơsak gơkòl kơt tòm broă tê he lơh. (Higaion. Selah)

Đơs Crih 90:8

Yàng neh ơn ală bơta tồi glài iơh bơsak bol hi dê di đap Kơnràñ, Ală tồi glài ndơp ndơr bol hi dê di đap mat Kơnràñ.

Esai 1:3

Kơnrồ git cau tòm gơ dê, alàng git bòng ñhơt cau tòm gơ dê, mơya Israel gen ò git, làng bol Añ jê ò git wă.”

Esai 26:16

Ơ Yàng Jehôwa, tòm bơta bòl glar, bol khai jòi Kơnràñ. Bol khai tuh tơlik dô bơta hòi dan, tòm tŭ Kơnràñ lơh glài tơmàl bol khai.

Esai 44:19

Ò gơs cau lơi ơm wơl mơ kơlôi sơnơng, ò gơs cau lơi gơs bơta git jak hala git wă nàng đơs lah: “Añ neh ai nggùl lòng hơ̆ mơ sing ồs; añ kung neh buh piang lă hơđang ồs rnga gơ dê; neh buh poac mơ neh sa rau; pơnah gam wơl, añ ngui nàng lơh gơs dô nơm phan cù kìr sơl ơ? Añ rơp kun bồ di đap dô gơl chi sơl ơ?

Esai 5:12

Tòm tŭ yò sa dờng, bol khai gơs ală kơñi pĕ, kơñi rơs, sơnggơr dềt, kơwào, mơ tơrnòm; mơya bol khai ò ơn nùs bơh ală broă Yàng Jehôwa dê, ò sền gŏ ală broă tê Kơnràñ lơh.

Jeremi 14:10

Yàng Jehôwa đơs bơh làng bol do be do: “Ngan bol khai kòñ gơboh lòt gơlềng gơlàng, Bol khai ò kơryan jơng he, Gen tàng Yàng Jehôwa ò bài dòp bol khai. Tŭ do Kơnràñ kah wơl bơta tìs glài bol khai dê Mơ lơh glài tơmàl tồi glài bol khai dê.”

Jeremi 16:17

Bơh mat Añ sền sơwì kòp gùng dà bol khai dê, ală broă hơ̆ ò geh pồn bơh di mat Añ, tồi glài bol khai ò geh pồn ndơp bơh mat Añ.

Jeremi 17:1

Tồi glài Juda dê neh geh cih mơ gai cih lòs, Mơ mơng lŭ kră kơldang; Geh pac hơđang mpàn nùs bol khai, mơ hơđang ngke ală cơnòng duh khoai bol khai dê.

Jeremi 2:19

Bơta iơh bơsak mê dê rơp lơh glài mê, Bơta pơrlơ̆ dră mê dê rơp lah pơrhơng mê, sền mơ git tĕ lah hơ̆ la bơta iơh mơ hòi bơtang ngan bơh bol mê neh sang lòi Jehôwa Yàng Tom Trồ mê dê, tòm mê ò gơs nùs duh rngòt di Añ.” Yàng la Yàng Jehôwa Gơnap Gơnoar đơs behơ̆.

Jeremi 32:19

Ală tơnggume broă Kơnràñ dê la dờng, ală broă lơh Kơnràñ dê la gơs gơnoar pràn. Gar mat Kơnràñ dê pò sền jơh ală gùng dà kòn mơnus dê, nàng tơm wơl kòp nă cau in jat gùng dà khai dê, mơ jat cồng nha broă lơh khai dê.

Jeremi 4:18

“Hơ̆ la ală gùng dà mơ broă lơh mê dê Neh cèng bơta do hơđang bol mê. Hơ̆ la pơnah mê dê, sràt bơtang ngan, gơ neh tus hơ kòp nơm nùs bol mê dê.”

Jeremi 44:21

“Bol mê bal mơ ồng pàng, ală cau bơtau, ală kwang at bồ bol mê, mơ làng bol tòm lơgar neh chu kơlhô tòm ală ƀòn Juda mơ tòm ală gùng ƀòn dờng Jerusalem, Yàng Jehôwa ngan ò cih kah tòm dơngoh Kơnràñ ò ơ?

Ejekiel 21:29

Bulah gơs ală bơta gơtơnggŏ ma blac bơh broă bol mê, mơ bơta sền dà đơs blac bơh bol mê, gơ rơp ơn di ngko ală cau iơh bơsak rơp kong sreh chơt, ngai bol khai neh tus, tŭ tơngai lơh glài neh di rau.

Sră Ôse 12:2

Epraim ê càl, ngai mho ting jat càl đah mattơngai lik, mơ bơtơl oă bơta đơs blac mơ bơta iơh bơsak. Khai bơt bơtào bơta ho bal mơ Asiri, mơ pơyoa mơñà tus hơ Ejiptơ.

Sră Ôse 4:9

Mơ gơ rơp gơlik gơs, làng bol be lơi gen cau gơnoar ơn phan duh khoai kung behơ̆ sơl. Añ rơp lơh glài bol khai bơh ală gùng dà bol khai dê, mơ tơm wơl bol khai in jat be ală broă bol khai neh lơh.

Sră Ôse 6:2

Tơnơ̆ mơ bàr ngai, Kơnràñ rơp lơh bol he in kis wơl, tòm ngai pe Kơnràñ rơp tơngguh bol he, tồ bol he in kis di đap Kơnràñ.

Sră Ôse 8:13

Bulah bol khai ơn phan duh khoai niam Añ in, bulah bol khai sa poac, Yàng Jehôwa kung ò dòp bol khai. Tŭ do Kơnràñ kah wơl bơta tồi glài bol khai dê, mơ lơh glài bơh tồi glài bol khai dê, bol khai rơp rê wơl hơ Ejiptơ.

Sră Ôse 9:15

Jơh ală bơta iơh bơsak bol khai dê sơntòm tòm Gilgal; tềng hơ̆ Añ tus nàng gơjrañ di bol khai. Tài bơh ală broă iơh bơsak bol khai neh lơh, Añ rơp ting bơtrơh bol khai lik bơh hìu Añ. Añ rơp ò kòñ gơboh dê bol khai tai; Jơh ală cau kwang at bồ bol khai dê la cau tòmdră.

Sră Ôse 9:9

Bol khai gơkram jrô tòm bơta tìs nrah bol khai dê be tòm ală ngai Gibea dê. Yàng Tom Trồ rơp kah wơl bơta iơh bơsak bol khai dê, mơ rơp lơh glài tài bơh tồi glài bol khai dê.

Amôs 8:7

Yàng Jehôwa srat să bơh bơta pơnhừ să Jakôp dê lah: “Ngan Añ rơp ò tŭ lơi hŭi dô êt lơi ală bơta bol khai neh lơh.

Jôna 1:2

“Lòt tĕ mo tus hơ ƀòn dờng Ninibe mơ bơto tòmdră mơ gơ, bơh bơta iơh bơsak gơ dê neh guh tus di đap Añ.”

Khà Làng Bol 32:23

Mơya dilah bol mê ò lơh jat behơ̆ gen bol mê tìs glài mơ Yàng Jehôwa; mơ bol mê git nền ngan lah tồi glài bol mê rơp gơtuh wơl hơđang bồ bol mê dê.

Luka 12:2

Ò gơs bơta lơi pồn ndơp mơ ò gơ pò tơlik, ò gơs bơta lơi ndơp ndơr mơ ò rgơi git.

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

Yal Wơl 32:29

Dilah bol khai la jak chài gen bol khai pal git wă bơta do; bol khai pal git loh làng bơh bơta lồi dut bol khai dê la mbe lơi!

Hebrơ 4:13

Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.