Sră Ôse 7:16 - Sră Goh 2018

¹⁶ Bol khai wèt hơ ală bơta ò gơs kwơ; bol khai kung be dô nơm àtak ò gam niam. Ală cau kwang at bồ bol khai dê rơp gơpừ bơh đào, tài bơh ală jơnau gơjrañ mañ bơh lơmpiat bol khai dê. Bol khai gơlik gơs bơta dơñŏ tơnhial tòm ù tiah Ejiptơ.

Sră Ôse 7:16 ပူးပေါင်းရင်းမြစ်များ

Đơs Crih 12:3

Dan Yàng Jehôwa tơnroh jơh ală sơndồi rơmhòc, Mơ lơmpiat jak đơs pơnhừ să.

Đơs Crih 12:4

Hơ̆ la cau đơs lah: “Kơnòm di lơmpiat bol he geh pha rlau, Sơndồi bol he gơrê mơ bol he; ñcau la cau tòm bol he dê taih?”

Đơs Crih 12:5

Yàng Jehôwa đơs lah: “Tŭ do Añ rơp guh, Tài bơh cau rƀah gơkòl rồn bơklơn, mơ cau siơ̆u siar pơt wòl; Añ rơp ơn khai tòm tiah ring lơngai, la tiah khai kơp kòñ.”

Đơs Crih 17:10

Bol khai sềt nùs bol khai dê nàng nđàc sơngit; Bơr bol khai đơs dô bă pơnhừ să.

Đơs Crih 52:2

Lơmpiat mê ò gơkrơi be pềs koah sồt ngan, Ơ mê la cau lơh bơta blac pơrlồm.

Đơs Crih 57:4

Añ bic digùl ală klìu triă, Hơ̆ la phan sa loan poac kòn mơnus; Bol gơ gơs sề be ală tà mơ ală kam, Mơ lơmpiat bol gơ be đào sồt.

Đơs Crih 73:9

Bol khai đơs tòmdră mơ trồ, Mơ jơnau bol khai đơs pơnro làm ù.

Đơs Crih 78:37

Nùs bol khai ò kơ̆ nền gơwèt mơ Kơnràñ; Bol khai kung ò dòn song tòm bơta ho bal Kơnràñ dê.

Đơs Crih 78:57

Mơya bol khai tòmgơl nùs mơ pơrlơ̆ dră kung be ală ồng pàng bol khai dê; Bol khai lơh pơrlồm kung be dô nơm àtak ò song.

Esai 3:8

Bơh Jerusalem gen gơtup pừ, Juda gen gơtơrlơm; tài bơh ală jơnau đơs mơ broă lơh bol khai dê tòmdră mơ Yàng Jehôwa, bol khai sền òsơp di bơta gơs mat gơklŏ Yàng Tom Trồ dê.

Jeremi 18:18

Gen bol khai đơs lah: “Tus tĕ, bol he bơtào tĕ kai nàng tòmdră mơ Jeremi; bơh cau gơnoar ơn phan duh khoai ò siơ̆u bơta boh lam, cau jak chài ò siơ̆u bơta cri bơyai, cau gơnoar hwơr ò siơ̆u jơnau đơs hwơr. Bol he tus tĕ, ai jơnau đơs bol he tòmdră mơ khai, bañ ơn tồr iat jơnau khai dô êt lơi.”

Jeremi 3:10

Bulah behơ̆, oh ùr lac lèo khai dê la Juda, kung ò rê wơl mơ Añ dô bă jơh nùs, mìng lơh ma blac lơm,” Yàng Jehôwa đơs behơ̆.

Jeremi 42:18

Ngan behơ̆, Yàng Jehôwa Gơnap Gơnoar, Yàng Tom Trồ Israel dê, đơs be do: ‘Kung be bơta gơjrañ mơ bơta gơjrañ dờng Añ jê neh dùh hơđang làng bol Jerusalem mbe lơi, gen tŭ bol mê mut tòm Ejiptơ, bơta gơjrañ Añ kung rơp tuh tơlik bol mê in kàr hơ̆; tềng hơ̆ bol mê rơp lơh kai cau in srat sơntơm, cù kìr, srat rma, mơ sền òsơp; mơ bol mê kung rơp ò gŏ tiah do tai.’

Ejekiel 23:32

Jehôwa Yàng Tom Trồ đơs be do: ‘Ai rơp hùc mơngàn bi ùr ai dê, la mơngàn dờng mơ jrô; gơ rơp cèng tus bơta sền òsơp mơ bơta dơñŏ tơnhial, ơn oă ngan tòm gơ.

Ejekiel 36:20

Mơya tòm tŭ bol khai neh tus hơ ală làng bol, bol khai neh lơh cau in sền òsơp di sơnđan sàng goh Añ jê, bơh bơta hơ̆ cau neh đơs bơh bol khai lah: ‘Do la làng bol Yàng Jehôwa dê bulah behơ̆ bol khai pal lik lòt bơh di lơgar Kơnràñ dê!’

Daniel 7:25

Cau bơtau hơ̆ rơp đơs ală jơnau tòmdră mơ Bơtau Hơđang Rlau Jơh, rồn bơklơn ală cau sàng goh Kơnràñ dê, mơ lơh nền tòmgơl sră kòp tơngai mơ bơta boh lam; ală cau sàng goh rơp kòl phi tòm tê khai tòm dô tơngai, ală tơngai mơ nggùl tơngai.

Sră Ôse 11:5

Ngan! Bol khai rơp rê wơl hơ lơgar Ejiptơ, mơ cau Asiri rơp lơh gơs bơtau bol khai dê, tài bơh bol khai neh sang lòi ò bài rê wơl hơ Añ.

Sră Ôse 11:7

Làng bol Añ jê neh kun pơrlac ngài bơh Añ. Bulah bol khai hòi tus hơ Bơtau Hơđang Rlau Jơh; Mơya Kơnràñ kung ò yò bol khai guh.

Sră Ôse 6:4

Yàng Jehôwa đơs: Ñchi Añ kòñ lơh mơ mê, ơ Epraim? Ñchi Añ kòñ lơh mê in, ơ Juda? Bơta kòñ gơboh bol mê dê Añ in la kung be dà tŭ àng drim, tòm toh kung be dà mơryuh roh thit tòm tŭ rìng àng.

Sră Ôse 7:13

Bòl glar bol khai in, tài bơh bol khai neh lòt tìs nrah ngài bơh Añ. Bơta gơprah gơpring dùh hơđang bol khai, tài bơh bol khai neh tòmdră mơ Añ. Añ kòñ dong tơwài bol khai, mơya bol khai đơs ală jơnau blac chừt tòmdră mơ Añ.

Sră Ôse 9:3

Bol khai rơp ò gam ơm wơl tòm lơgar Yàng Jehôwa dê; mơ Epraim rơp rê wơl hơ Ejiptơ, mơ tòm Asiri bol khai rơp sa phan sa ƀơ̆ ƀơl.

Sră Ôse 9:4

Bol khai rơp ò ơn phan duh khoai mơ tơrnòm ño Yàng Jehôwa in, ală phan ơn pơdơng bol khai dê rơp ò niam nùs Kơnràñ; ală phan ơn duh khoai hơ̆ rơp be la phan sa ală cau ñìm ƀồc; Jơh ală cau lơi sa gơ rơp gơlik ƀơ̆ ƀơl, piang lă bol khai dê rơp la phan sa lòi cau jơgloh bol khai in, gơ ò geh cèng tus hơ hìu Yàng Jehôwa dê.

Sră Ôse 9:6

Bulah dilah bol khai dô klàs bơh bơta tơnroh, Ejiptơ rơp pơjum tơrgòm bol khai, Memphis rơp tơp ƀồc bol khai. Rlau lò rơp tòmpìt ai ală phan màng mơ priă bol khai dê, mơ tòm lò rơp hòn tòm sàl bol khai dê.

Malaci 3:13

Yàng Jehôwa đơs lah: “Bol mê neh đơs ală bơta ò niam tòmdră mơ Añ. Mơya bol mê lùp lah: ‘Ñchi bơta bol hi neh đơs tòmdră mơ Kơnràñ taih?’

Malaci 3:14

Bol mê neh đơs lah: ‘Duh broă Yàng Tom Trồ la ò kwơ. Ñchi bol he neh dòp geh tòm tŭ prap gàr ală bơta Kơnràñ sồr mơ cơnđòa lòt tòm bơta jê sồt moat jrùng di đap Yàng Jehôwa Gơnap Gơnoar Dờng Làm Jơh taih?

Mathiơ 12:36

Añ đơs mơ bol mê, tòm ngai cahrña, cau rơp yal wơl kòp jơnau ò kwơ mơ bol khai neh đơs.

Luka 8:13

Ală gar rung di lŭ la ală cau kơno jơnau Yàng, gen hòn chò dòp mo; mơya bol khai ò gơs ryas, mìng dòn ing lơm, dơ̆ gơtìp bơta gơlòng bòl glar ơniai gen gơtơnruc mo.

Jakơ 3:5

Kung behơ̆ sơl, lơmpiat la dô pơnah dềt tòm să jan, mơya gơ jòng să bơh ală broă dờng. Dô êt ồs rgơi sa jơh dô nơm brê dờng ơnàng ò git nđò.

II Pier 2:8

(bơh cau song ring do kis digùl bol khai kòp ngai hwềng soàn song ring khai dê jê sồt moat jrùng bơh ală broă tìs khat gơboh bol khai dê).

Yal Tơlik 13:5

Neh ai phan poan jơng in dô nơm bơr đơs ală jơnau pơnhừ să mơ tràl sơrbil di Yàng Tom Trồ, mơ gơ kung geh ai gơnoar at bồ tòm poan jơt bàr kơnhai.