Sră Ôse 7:13 - Sră Goh 2018

¹³ Bòl glar bol khai in, tài bơh bol khai neh lòt tìs nrah ngài bơh Añ. Bơta gơprah gơpring dùh hơđang bol khai, tài bơh bol khai neh tòmdră mơ Añ. Añ kòñ dong tơwài bol khai, mơya bol khai đơs ală jơnau blac chừt tòmdră mơ Añ.

Sră Ôse 7:13 ပူးပေါင်းရင်းမြစ်များ

Nehemi 1:10

Bol khai la cau duh broă Kơnràñ dê mơ làng bol Kơnràñ dê; Kơnràñ neh dong tơwài bơh gơnap gơnoar dờng Kơnràñ dê mơ bơh tê pràn kơldang Kơnràñ dê.

Sră Jop 22:17

Bol khai đơs mơ Yàng Tom Trồ lah: ‘Dan lòi bol hi ơm is; Ñchi bơta Bơtau Gơnap Gơnoar Làm Jơh rgơi lơh di bol hi taih?’

Đơs Crih 106:10

Behơ̆ Kơnràñ dong klàs bol khai bơh di tê cau sòdră, Dong tă bol khai bơh di gơnoar cau sò tơm dê.

Esai 30:1

Yàng Jehôwa đơs: “Ơ ală kòn sau jak tòmdră, bơtào rơndap tơnggume broă ò jat nùs Añ; lơh gơs dô bă bal tòmdră mơ nùs kòñ Añ jê, bơtơl tồi glài hơđang tồi glài;

Esai 30:2

Bol khai mù hơ Ejiptơ mơ ò lùp Añ, jòi tiah kìng crŭ tòm bơta sền gàr Pharaôn dê, mơ jòi tiah pồn să tòm mƀur Ejiptơ dê.

Esai 31:1

Bòl glar ală cau in mù hơ Ejiptơ nàng dan dong kòl, kơnòm di ală ơseh, kơnòm di oă ngan rơndeh lòs tòmlơh mơ kơnòm di bơta pràn kơldang oă ngan ală cau ling hào ơseh dê, mơya ò sền tơnggòr di Bơtau Sàng Goh Israel dê, hala jòi lùp Yàng Jehôwa.

Esai 41:14

Ơ tu rhài Jakôp dê, bañ rngòt! Ơ kih rhài Israel dê! Añ rơp dong kòl mê, Yàng Jehôwa behơ̆ đơs! Bơtau Dong Tơwài mê, la Bơtau Sàng Goh Israel dê đơs behơ̆.

Esai 43:1

Mơya tŭ do, Yàng Jehôwa đơs be do: ơ Jakôp! Yàng Jehôwa la Bơtau neh crơng gơs mê! Ơ Israel, Bơtau neh mòn gơs mê, đơs be do: “Bañ rngòt, bơh Añ neh tơwài mê; Añ neh ai sơnđan mê mơ hòi mê; mê gơrê bal mơ Añ.

Esai 59:13

Bol hi neh tòmdră mơ pơndang sang Yàng Jehôwa, pơrlac ngài bơh di Yàng Tom Trồ bol hi dê, bol hi chồl bơta rồn bơklơn mơ tòmdră, bol hi đơs ală jơnau blac mơ bol hi neh đung tòm nùs.

Esai 63:8

Bơh Kơnràñ neh đơs lah: “Ngan, bol khai la làng bol Añ jê, la ală kòn sau ò lơh bơta ma blac mơ Añ;” mơ Kơnràñ neh gơlik gơs Bơtau Dong Klàs bol khai dê.

Jeremi 14:10

Yàng Jehôwa đơs bơh làng bol do be do: “Ngan bol khai kòñ gơboh lòt gơlềng gơlàng, Bol khai ò kơryan jơng he, Gen tàng Yàng Jehôwa ò bài dòp bol khai. Tŭ do Kơnràñ kah wơl bơta tìs glài bol khai dê Mơ lơh glài tơmàl tồi glài bol khai dê.”

Jeremi 42:20

Tài bơh oh mi neh lơh bơta tìs sơbơng rơng ngan. Bơh oh mi neh sồr añ tus mơ Jehôwa Yàng Tom Trồ oh mi dê, mơ đơs lah: ‘Dan tài bơh bol hi hòi dan ala mơ Jehôwa Yàng Tom Trồ bol hi dê, mơ yal bol hi in git kòp bơta mơ Jehôwa Yàng Tom Trồ bol hi đơs; gen bol hi rơp lơh jat.’

Jeremi 51:9

‘Bol he jơh nùs sơmbòi Babilôn in, Mơya gơ ò geh bòi. Sang lòi tĕ gơ, Kòp nă rê wơl tĕ hơ lơgar tòm he dê; Bơh bơta cahrña gơguh tus hơđang trồ Gơguh tus hơ ală tap trồ.’

Jeremi 7:15

Mơ Añ kung sang tơlik bol mê bơh di đap mat Añ, kung be Añ neh sang tơlik jơh oh mi bol mê dê, hơ̆ la jơh ală jơi bơtiàn Epraim dê.’

Ñìm Rac 5:16

Sơgơn bơtau dùh bơh bồ bol hi, Bòl glar bol hi in, bơh bol hi neh tìs glài!

Ejekiel 16:23

Jehôwa Yàng Tom Trồ đơs lah: ‘Bòl glar, bòl glar ai in! Gơbơtơl tai hơđang jơh ală bơta iơh bơsak ndai ai dê,

Ejekiel 18:2

“Ñchi bol mê kơlôi tòm tŭ bol mê đơs wơl jơnau pơnđik do bơh lơgar Israel: ‘Mè bèp sa plai ño sràt, mơ kòn sau kìr sề taih’?

Ejekiel 18:25

Bulah behơ̆ bol mê gam đơs lah: ‘Gùng dà Yàng Jehôwa dê ò song ring!’ Ơ hìu Israel, iat tĕ: Gùng dà Añ jê ngan la ò song ring sơl ơ? Ò di la ală gùng dà bol mê dê la ò song ring ơ?

Ejekiel 34:6

Belàt Añ jê lòt nrah nring, bol gơ lòt lềng làng hơđang jơh ală mơnơm mơ tòm kòp nơm dòr jơnhoa, belàt Añ jê gơprah gơpring hơđang làm jơh plai ù, ò gơs dô nă cau lơi jòi, ò gơs cau jat bol gơ.’

Sră Ôse 11:2

Añ sơlo hòi bol khai, gen sơlo bol khai lòt ngài bơh Añ. Bol khai neh ơn phan duh khoai ală Baal in, mơ chu kơlhô ală rùp ràk in.

Sră Ôse 5:7

Bol khai ò dòn song mơ Yàng Jehôwa, bol khai deh ală kòn ò di pal. Tŭ do, ngai Dùl lik rơp sa loan bol khai bal mơ ală ƀlàng sre bol khai dê.

Sră Ôse 7:1

Tŭ lơi Añ kòñ sơmbòi Israel, gen ală bơta tồi glài Epraim dê mơ ală broă lơh iơh bơsak Samari dê gơkòl ràng tơlik. Bơh bol khai lơh bơta ma blac, ală cau ntung kơñau mut tòm dơlam, ală cau phà kơñau tòmpìt đah bơdìh.

Sră Ôse 7:3

Bol khai lơh cau bơtau in chò hòp bơh ală bơta iơh bơsak bol khai dê, lơh niam nùs ală kwang dờng bơh bơta pơrlơ̆ dră bol khai dê.

Sră Ôse 9:12

Bulah bol khai ròng siam kòn sau, Añ rơp tơnroh bol khai, jơl tus ò gam gơs dô nă lơi. Bòl glar ngan bol khai in tòm tŭ Añ lik bơh bol khai!

Sră Ôse 9:17

Tài bơh bol khai ò iat jơnau Kơnràñ, Yàng Tom Trồ añ jê rơp sang lòi bol khai; bol khai rơp gơlik gơs ală cau nrah nring tòm ală lơgar.

Jôna 1:10

Gen ală cau hơ̆ rngòt rngơt ngan, mơ bol khai lùp lah: “Ñchi mê neh lơh taih?” Bol khai neh git lah khai neh dô pleh bơh di Yàng Jehôwa; tài bơh khai neh yal bol khai in git behơ̆.

Jôna 1:3

Mơya Jôna dô hơ Tarsi nàng pleh bơh di Yàng Jehôwa. Khai mù tus hơ Jôppa, tềng hơ̆ khai tìp dô nơm ơhò lòt hơ rnơs hơ̆. Tơnơ̆ mơ tŭ neh tơm jền hào ơpah, khai hào ơhò lòt tus hơ Tarsi nàng dô pleh bơh di Yàng Jehôwa.

Mice 6:12

Ală cau pas gơs bol mê dê bềng bơta jàñ bơsak; làng bol bol mê dê la ală cau đơs blac, lơmpiat blac pơrlồm tòm ală bơr bol khai dê.

Mice 6:4

Añ neh cèng bol mê lik bơh lơgar Ejiptơ, mơ neh tơwài bol mê bơh di hìu ơm lơh dĭ; mơ Añ neh sồr Môise, Arôn mơ Miriam lòt di đap bol mê.

Mathiơ 23:37

“Ơ Jerusalem, Jerusalem, mê tơnchơt ală cau gơnoar hwơr mơ cơm lŭ di ală cau kong sồr lòt tus hơ mê! Oă dơ̆ Añ kòñ pơjum tơrgòm ală kòn sau mê, be iar me ngkrok ală kòn gơ, tus ơm hơđơm đar gơ dê, mơya bol mê ò bài!

Yal Wơl 15:15

Kah tĕ lah bol mê la cau ơm dĭ tòm Ejiptơ mơ Jehôwa Yàng Tom Trồ bol mê dê neh dong tơwài bol mê. Tài bơh hơ̆ tàng añ ai bol mê in jơnau gơnoar sồr do tòm ngai do.

I Jang 1:10

Dilah bol he đơs lah he ò tìs glài, hơ̆ la bol he sền Kơnràñ be cau đơs blac, mơ jơnau Kơnràñ dê ò ơm tòm bol he.

Yal Tơlik 8:13

Añ sền gŏ mơ kơno dô nơm klàng bung par digùl trồ, hòi driau dờng lah: “Bòl glar ngan! Bòl glar ngan! Ală cau in ơm hơđang plai ù, bơh jơnau kơlwòk mơ pe nă cau gơnrơh ndai rơp uh tai.”