Sră Ôse 7:12 - Sră Goh 2018

¹² Tòm tŭ bol khai lòt, Añ rơp sơrbì bơtơng Añ jê hơđang bol khai; Añ rơp tơmù bol khai kung be ală sềm bơh hơđang pah gòi; Añ rơp lơh glài tơmàl bol khai jat be bơta yal tơnggit bơh mpồl jơnum bol khai dê.

Sră Ôse 7:12 ပူးပေါင်းရင်းမြစ်များ

Sră Jop 19:6

Gen git tĕ lah hơ̆ la Yàng Tom Trồ neh lơh añ in bòl glar jê sồt, Mơ dang bơtơng Kơnràñ dê gùt dar añ.

Cau Bơto 9:12

Mơ tai, ò gơs dô nă cau lơi rgơi git lài tŭ tơngai bơta rung rài dê; be ka yar tòm bơtơng iơh, sềm yar dă, gen jơi kòn mơnus kung gơkòl yar tòm tŭ tơngai bòl glar nisơna tus hơđang bol khai behơ̆ sơl.

Jeremi 16:16

Yàng Jehôwa đơs lah: “Tŭ do Añ rơp sồr oă cau dang bơtơng ka, ală cau hơ̆ rơp kup bol khai; tơnơ̆ hơ̆, Añ rơp sồr oă cau lòt mòc, ală cau hơ̆ rơp kup bol khai bơh ală mơnơm, ală dòr, mơ ală tiah gồp lŭ.

Jeremi 44:4

Ngan, Añ neh ơt ơl sồr ală dĭ gơna Añ la ală cau gơnoar hwơr, lòt tus mơ bol mê mơ đơs lah: ‘Bañ lơh bơta cù kìr mơ Añ gơjrañ hơ̆.’

Ejekiel 12:13

Añ rơp dang bơtơng Añ jê nàng kup khai, mơ khai rơp yar dă Añ jê. Añ rơp cèng khai tus hơ Babilôn, la lơgar cau Kalde, mơya khai rơp ò gŏ lơgar hơ̆, mơ khai rơp chơt tềng hơ̆.

Ejekiel 17:20

Añ rơp dang bơtơng Añ jê nàng kup khai mơ khai rơp yar tòm dă Añ jê. Añ rơp cèng khai tus hơ Babilôn mơ tềng hơ̆ Añ rơp cahrña khai tài bơh khai ò dòn song mơ Añ.

Ejekiel 32:3

Jehôwa Yàng Tom Trồ đơs be do: ‘Bal mơ mpồl làng bol oă Añ rơp tras bơtơng añ jê hơđang mê, mơ bol khai rơp hwài mê guh tòm yŭ Añ jê.

Sră Ôse 5:9

Epraim rơp gơlik gơs tiah ngềt ngơt tòm ngai bơta lơh glài. Digùl ală jơi bơtiàn Israel dê, Añ yal tơnggit ală bơta rơp gơlik gơs nền cê ngan.

Yal Tơlik 3:19

Ală cau lơi Añ kòñ gơboh, gen Añ lah pơrhơng mơ lơh glài tơmàl sơl; behơ̆ gơs tĕ nùs ngac ngar mơ gơjrañ sang glài tĕ.