Sră Ôse 7:1 - Sră Goh 2018

¹ Tŭ lơi Añ kòñ sơmbòi Israel, gen ală bơta tồi glài Epraim dê mơ ală broă lơh iơh bơsak Samari dê gơkòl ràng tơlik. Bơh bol khai lơh bơta ma blac, ală cau ntung kơñau mut tòm dơlam, ală cau phà kơñau tòmpìt đah bơdìh.

Sră Ôse 7:1 ပူးပေါင်းရင်းမြစ်များ

Esai 28:1

Bòl glar dơwàng bơkào jòng să ală cau bơñul ñô Epraim dê, bòl glar bơkào mhar ro jrùh la bơta hàng mơnĕ gơklŏ gơ dê, ơm hơđang bồ ală cau lơmă bơh phan sa bơkah, ală cau neh gơpừ tài bơh tơrnòm ño!

Esai 59:12

Bơh ală bơta tìs glài bol hi dê la oă ngan di đap mat Kơnràñ, mơ ală tồi glài bol hi dê lơh cơng tòmdră mơ bol hi. Ală bơta tìs glài bol hi dê gơ ơm sùm sùm mơ bol hi, mơ bol hi git ală bơta tồi glài iơh bơsak bol hi dê:

Esai 59:13

Bol hi neh tòmdră mơ pơndang sang Yàng Jehôwa, pơrlac ngài bơh di Yàng Tom Trồ bol hi dê, bol hi chồl bơta rồn bơklơn mơ tòmdră, bol hi đơs ală jơnau blac mơ bol hi neh đung tòm nùs.

Esai 59:14

Behơ̆ bơta cahrña song neh ruc wơl, mơ bơta song ring ơm ntào ngài; jơnau song neh gơtup pừ tòm ală hìu dờng mpồl jơnum dê, bơta song ngan ò rgơi mut.

Jeremi 51:9

‘Bol he jơh nùs sơmbòi Babilôn in, Mơya gơ ò geh bòi. Sang lòi tĕ gơ, Kòp nă rê wơl tĕ hơ lơgar tòm he dê; Bơh bơta cahrña gơguh tus hơđang trồ Gơguh tus hơ ală tap trồ.’

Ejekiel 16:46

Bi ùr ai dê la Samari la cau ơm tòm lơgar đah đang ai dê bal mơ ală kòn ùr khai dê, mơ oh ùr ai dê la Sôdôm bal mơ ală kòn ùr khai dê ơm tòm lơgar đah đơm ai dê.

Ejekiel 23:4

Cau bi sơnđan la Ôhôlah, ai cau oh sơnđan la Ôhôlibah. Bol khai neh gơrê bal mơ Añ, mơ deh kòn klau kòn ùr. Ôhôlah la Samari, ai Ôhôlibah la Jerusalem.

Ejekiel 24:13

Tòm tŭ Añ neh kòñ rào ai bơh bơta tồi glài rềs àr dri tơlàr ai dê, mơya ai ò gơs goh bơh di ală bơta ƀơ̆ ƀơl ai dê, ai rơp ò tai geh lơh goh jơl tus di tŭ lơi Añ neh rài bơta gơjrañ dờng Añ jê gơwèt mơ ai.

Sră Ôse 10:5

Làng bol ơm tòm Samari rngòt rơm să bơh rùp kơnrồ kòn tòm Bet Aben. Làng bol gơ dê rơp ñìm rac bơh gơ, mơ ală cau gơnoar ơn phan duh khoai rùp ràk rơp ñìm rac bơh gơ, bơta gơklŏ gơ dê neh sang lòi gơ.

Sră Ôse 11:8

Ơ Epraim, mbe Añ rgơi sang lòi mê taih? Ơ Israel, mbe Añ rgơi jào mê tòm tê cau sò tơm taih? Mbe Añ rgơi gơwèt mơ mê kung be Atma, hala lơh mê in kung be Jebôim taih? Nùs Añ wañ lơnggơh! Nùs nđàc sơngit Añ jê kung be chu be pơrguc.

Sră Ôse 12:1

Epraim ai bơta đơs blac, hìu Israel ai bơta blac pơrlồm mơ gơrwàng Añ; mơya Juda gam lòt bal mơ Yàng Tom Trồ, mơ prap gàr bơta dòn song mơ Bơtau Sàng Goh.

Sră Ôse 12:2

Epraim ê càl, ngai mho ting jat càl đah mattơngai lik, mơ bơtơl oă bơta đơs blac mơ bơta iơh bơsak. Khai bơt bơtào bơta ho bal mơ Asiri, mơ pơyoa mơñà tus hơ Ejiptơ.

Sră Ôse 4:17

Epraim tòmklac mơ rùp ràk, lòi tĕ dò khai!

Sră Ôse 4:2

Tềng hơ̆ mìng gơs bơta srat rma, bơta blac pơrlồm, bơta tơnchơt cau, bơta ntung kơñau, mơ bơta rềs àr bơrnàn; bol khai sang lòi jơh ală bơta boh lam, kư̆ lơh gơhòr mhàm sùm ò dơh.

Sră Ôse 5:1

Ơ ală cau gơnoar ơn phan duh khoai, iat tĕ! Ơ hìu Israel, ai tĕ tồr iat! Ơ hìu nhă cau bơtau dê, ơm iat tĕ! Do la bơta cahrña gơrê mơ bol mê. Bol mê la dă pơt tòm Mispa, mơ la bơtơng dang hơđang Thabôr;

Sră Ôse 6:4

Yàng Jehôwa đơs: Ñchi Añ kòñ lơh mơ mê, ơ Epraim? Ñchi Añ kòñ lơh mê in, ơ Juda? Bơta kòñ gơboh bol mê dê Añ in la kung be dà tŭ àng drim, tòm toh kung be dà mơryuh roh thit tòm tŭ rìng àng.

Sră Ôse 7:13

Bòl glar bol khai in, tài bơh bol khai neh lòt tìs nrah ngài bơh Añ. Bơta gơprah gơpring dùh hơđang bol khai, tài bơh bol khai neh tòmdră mơ Añ. Añ kòñ dong tơwài bol khai, mơya bol khai đơs ală jơnau blac chừt tòmdră mơ Añ.

Sră Ôse 8:5

Ơ Samari, rùp ràk kơnrồ kòn bol mê dê neh kòl sang lòi rau! Bơta gơjrañ dờng Añ jê neh chu pơrguc tòmdră mơ bol khai. Jơl tus tŭ lơi sồng bol khai ò rgơi tìs glài taih?

Sră Ôse 8:9

Bơh bol khai neh lòt tus hơ Asiri, kung be dô nơm alàng brê lòt is gơlềng gơlàng. Epraim neh tòmpơyòm mơ ală cau khai kòñ gơboh.

Amôs 3:10

Yàng Jehôwa đơs lah: “Bol khai ò git mbe lơh bơta song ring, bol khai pơjum tơrgòm ală bơta jàñ bơsak mơ phan ntung kơñau tòm ală theng kơ̆ cê bol khai dê.”

Amôs 3:9

Yal tơnggit tĕ tòm ală theng kơ̆ cê Asdot dê, mơ tòm ală theng kơ̆ cê Ejiptơ dê, mơ đơs lah: “Bol mê pơjum bal tĕ hơđang mơnơm Samari; mơ sền tĕ bơta sơlồng sơlàng dờng tềng hơ̆, mơ bơta rồn bơklơn digùl làng bol khai dê.”

Amôs 8:14

Bol khai la ală cau srat să bơh Asima cau Samari dê, mơ đơs lah: ‘Ơ Dan, di ngan be yàng bol mê dê kis,’ mơ: ‘Di ngan kung be gùng dà Beerseba dê kis’ jơh ală bol khai rơp gơpừ, ò gơs tŭ lơi guh tai.”

Mice 6:16

Mê neh prap gàr ală bơta sồr lam Ômri dê, mơ jơh ală broă lơh hìu Ahap dê, mê neh lòt jat ală bơta bơyai bol khai dê. Gen tàng Añ rơp lơh mê in kòl sang srau gòi, làng bol mê tòm bơta bơtat bơtròh; Behơ̆ mê rơp kong àñ bơta sền òsơp làng bol Añ jê.

Mathiơ 23:37

“Ơ Jerusalem, Jerusalem, mê tơnchơt ală cau gơnoar hwơr mơ cơm lŭ di ală cau kong sồr lòt tus hơ mê! Oă dơ̆ Añ kòñ pơjum tơrgòm ală kòn sau mê, be iar me ngkrok ală kòn gơ, tus ơm hơđơm đar gơ dê, mơya bol mê ò bài!

Luka 13:34

Ơ Jerusalem, Jerusalem, mê tơnchơt ală cau gơnoar hwơr, cơm lŭ di ală cau kong sồr lòt tus hơ mê! Oă dơ̆ Añ kòñ pơjum tơrgòm ală kòn sau mê be iar me ngkrok ală kòn gơ tus hơđơm đar gơ dê, mơya bol mê ò bài!

Luka 19:42

mơ đơs lah: “Kơp kòñ tòm ngai do mê rgơi git ală bơta lơh mê in ring lơngai. Mơya tŭ do mê ò rgơi sền gŏ gơ.