Sră Ôse 6:7 - Sră Goh 2018

⁷ Mơya be Adam, bol khai tìs glài ò lơh jat bơta ho bal; bol khai ò dòn song mơ Añ.

Sră Ôse 6:7 ပူးပေါင်းရင်းမြစ်များ

Sơnròp Gơlik Gơs 3:11

Yàng Tom Trồ lùp lah: “Ñcau neh yal mê in git mê ơm kuh lòi rồ taih? Mê neh sa plai chi mơ Añ neh nting ò di sa hơ̆ sơl?”

Sơnròp Gơlik Gơs 3:6

Cau ùr rmê plai chi hơ̆ dê sa bơkah, mơ tai niam mat mơ màng nàng lơh khai in gơs jak chài, gen khai pic sa mơ tong bau klau khai in ơm rềp mơ khai; bau klau kung sa sơl.

II Ală Bơtau 17:15

Bol khai sền òsơp ală bơta boh lam mơ bơta ho bal Kơnràñ neh bơtào mơ ồng pàng bol khai dê, mơ ală jơnau yal tơnggit mơ Kơnràñ neh ai bol khai in. Bol khai lòt jat ală rùp ràk ma blac, mơ bol khai gơlik gơs ma blac, bol khai đòm krơh ală làng bol ơm gùt dar, bơh ală làng bol hơ̆ mơ Yàng Jehôwa neh ai gơnoar sồr bol khai lah bañ đòm jat krơh bol khai dê.

Sră Jop 31:33

Dilah añ neh cang kìng tồi glài añ jê kung be cau ndai neh lơh, bơh pồn bơta tồi glài añ jê tòm nùs añ,

Esai 24:16

Bơh ală tiah lồi plai ù dê, bol he kơno ală bơta đơs chò bơta jòng ro lah: “Bơta gơklŏ gơrê mơ Bơtau Song Ring.” Mơya añ neh đơs lah: “Nùs añ siar roh, añ siar roh! Bòl glar añ in! Ală cau pơrlơ̆ dră! Cau pơrlơ̆ dră kư̆ pơrlơ̆ dră sùm!”

Esai 24:5

Plai ù kòl lơh ƀơ̆ ƀơl, bơh di ală làng bol ơm tòm gơ; bơh bol khai tìs glài mơ bơta boh lam, tìs glài mơ bơta sồr lam, gơltac sang bơta ho bal gam sùm sùm.

Esai 48:8

Bol mê òhềt kơno, kung òhềt git wă; bơh yau òr tồr bol mê òhềt gơ pò. Bơh Añ neh git loh ngan bol mê la ma blac; bol mê geh sơnđan la cau jak tòmdră bơh di tŭ pa deh.

Jeremi 3:7

Mơ Añ neh kơlôi lah: ‘Tơnơ̆ mơ tŭ khai neh lơh jơh ală bơta hơ̆, gen khai rơp rê wơl mơ Añ.’ Mơya khai ò rê wơl. Oh ùr lac lèo khai dê la Juda neh gŏ bơta hơ̆.

Jeremi 31:32

Bơta ho bal do rơp ò jat bơta ho bal mơ Añ neh ho mơ ồng pàng bol khai dê tòm ngai Añ at tê tề lam bol khai lik bơh lơgar Ejiptơ, hơ̆ la bơta ho bal mơ bol khai neh sang lòi, bulah Añ la bau klau bol khai dê,” Yàng Jehôwa đơs behơ̆.

Jeremi 34:18

Añ rơp phi ală cau neh tìs bơta ho bal Añ, ò lơh jat ală jơnau ho bal neh bơtào di đap Añ, tòm tŭ bol khai reh kơnrồ kòn gơlik gơs bàr pơnah, mơ lòt gan digùl bàr pơnah gơ dê;

Jeremi 5:11

Bơh hìu Israel mơ hìu Juda jơh ală neh ò dòn song mơ Añ.” Yàng Jehôwa đơs behơ̆.

Jeremi 9:6

Yàng Jehôwa đơs: “Bơta rồn bơklơn bơtơl bơta rồn bơklơn; Blac pơrlồm bơtơl blac pơrlồm! Behơ̆ tàng bol khai ò bài đal git Añ.”

Sră Ôse 5:7

Bol khai ò dòn song mơ Yàng Jehôwa, bol khai deh ală kòn ò di pal. Tŭ do, ngai Dùl lik rơp sa loan bol khai bal mơ ală ƀlàng sre bol khai dê.

Sră Ôse 8:1

Ơn tĕ kơlwòk di sơndồi mê! Cau sò tơm gơlơh be klàng bung neh tus hơđang hìu Yàng Jehôwa dê, tài bơh bol khai neh sang lòi bơta ho bal Añ jê, mơ neh lòt rlau ir mơ bơta boh lam Añ jê.

Rôma 5:14

Bulah behơ̆, bơh Adam jơl tus di Môise, bơta chơt neh at bồ hơđang ală cau ò tìs glài tòm toh be glài Adam dê, tòm tŭ khai ò lơh jat bơta boh lam Yàng Tom Trồ dê, Adam la rùp sơnio bơh Bơtau rơp tus.

Yal Wơl 31:20

Tòm tŭ Añ neh cèng bol khai mut tòm lơgar bềng lìu dà toh mơ dà lơwe, la lơgar Añ neh ho mơ srat să mơ ală ồng pàng bol khai dê, mơ tòm tŭ bol khai neh sa hòm mơ lơmă rau, gen bol khai wèt mat hơ ală yàng ndai mơ duh khoai bol gơ, sền òsơp dê Añ mơ sang lòi bơta ho bal Añ jê.

Hebrơ 8:9

ò di be bơta ho bal Añ neh bơtào bal mơ ồng pàng bol khai, Tòm ngai Añ neh at tê tề lam bol khai lik bơh lơgar Ejiptơ; Bơh bol khai ò dòn song lơh jat bơta ho bal Añ jê, Gen tàng Añ sang lòi bol khai,” hơ̆ la jơnau Yàng đơs.