Sră Ôse 5:6 - Sră Goh 2018

⁶ Bol khai cèng bal ală mpồl belàt mơ ală mpồl kơnrồ bol khai dê nàng jòi jat Yàng Jehôwa; mơya bol khai rơp ò bàn Kơnràñ; Kơnràñ neh lik bơh di bol khai.

Sră Ôse 5:6 ပူးပေါင်းရင်းမြစ်များ

Lik Ejiptơ 10:9

Môise ho lah: “Jơh tơl nă bol hi cau kra mơ cau pơnu rơp lòt bal, lam ală kòn klau mơ kòn ùr bol hi dê, mơ cèng ală kơnrồ mơ belàt sơl, tài bơh bol he rơp lơh dô bơta pơjum sa hòn chò di đap Yàng Jehôwa.”

Jơnau Pơnđik 1:28

Gen bol khai rơp hòi rac mơ añ, mơya añ rơp ò ho wơl; Bol khai rơp jơh nùs jòi jat añ mơya ò bàn.

Jơnau Pơnđik 15:8

Phan ơn duh khoai cau iơh bơsak ai lơh cù kìr Yàng Jehôwa in; Mơya jơnau hòi dan cau song ring dê geh niam nùs Kơnràñ.

Jơnau Pơnđik 21:27

Phan ơn duh khoai cau iơh dê la dô nơm phan cù kìr; tơ ài lah tŭ bol khai cèng tus bal mơ bơta kơlôi sơnơng iơh.

Đơs Chò 5:6

Añ guh nàng pò mpồng cau kòñ gơboh añ in, mơya cau kòñ gơboh añ jê neh wơlke lòt rau. Tòm tŭ khai đơs nùs añ gơplơ̆. Añ jòi khai, mơya ò bàn; añ hòi khai mơya khai ò ho wơl.

Esai 66:3

Mơya cau lơi hàl dô nơm kơnrồ dam gen kung be cau tơnchơt dô nă cau, mơ cau lơi ơn pơdơng dô nơm belàt kòn, gen kung be cau dơrpă ngko dô nơm so; cau lơi ai kòi mbo lơh gơs phan ơn, gen kung be cau ơn mhàm sur, mơ cau lơi chu kơlhô nàng kah kirsơnre, gen kung be cau duh khoai rùp ràk. Bol khai neh sac rwah gùng is bol khai dê, mơ hwềng soàn bol khai dê chò hòp tòm ală bơta tồi glài iơh bơsak bol khai dê.

Jeremi 11:11

Gen tàng, Yàng Jehôwa đơs be do: ‘Añ rơp cèng bơta rung rài dùh hơđang bol khai, mơ bol khai ò rgơi pleh klàs; bulah bol khai rơp hòi dan mơ Añ, Añ rơp ò iat bol khai.

Jeremi 11:14

Ai đah mơ mê, bañ hòi dan ala làng bol do in; bañ bơh bol khai ai jơnau rac dan hòi dan; bơh Añ rơp ò iat tòm tŭ bol khai hòi tus hơ Añ tòm bơta rung rài bol khai dê.

Jeremi 14:12

Bulah bol khai ơt sa, Añ rơp ò iat jơnau hòi dan bol khai dê; tŭ bol khai ơn phan ơn chu mơ phan ơn kòi mbo, Añ ò dòp bol khai sơl; mơya Añ rơp tơnroh bol khai mơ đào, jơgloh rung, mơ pluh plàng.”

Jeremi 7:4

Bañ dòn kơnòm di ală jơnau blac pơrlồm lah: “Do la hìu duh khoai Yàng Jehôwa dê, hìu duh khoai Yàng Jehôwa dê, hìu duh khoai Yàng Jehôwa dê.”

Ñìm Rac 3:44

Kơnràñ pùt să tòm mhwal, nàng ò gơs jơnau hòi dan lơi geh tus hơ Kơnràñ.

Ejekiel 8:18

Behơ̆ gen Añ rơp lơh di bol khai jat bơta gơhào gơjrañ; Añ rơp ò nđàc sơngit di bol khai hala pơlai bol khai. Bulah bol khai nggà driau dờng di tồr Añ, Añ kung rơp ò bài iat bol khai.”

Ejekiel 8:6

Mơ Kơnràñ đơs mơ añ lah: “Ơ kòn mơnus, mê gŏ sơl bơta bol khai lơh, hơ̆ la ală bơta cù kìr rlau jơh mơ hìu Israel ơm lơh tềng do, la ală bơta lơh Añ in ơm ngài mơ tiah sàng goh Añ jê? Mơya mê rơp gŏ ală bơta cù kìr rlau tai sơl.”

Sră Ôse 8:13

Bulah bol khai ơn phan duh khoai niam Añ in, bulah bol khai sa poac, Yàng Jehôwa kung ò dòp bol khai. Tŭ do Kơnràñ kah wơl bơta tồi glài bol khai dê, mơ lơh glài bơh tồi glài bol khai dê, bol khai rơp rê wơl hơ Ejiptơ.

Amôs 8:12

Bol khai rơp lòt bơh dàlềng do tus hơ dàlềng ne, mơ lòt bơh đah đang tus hơ đah mattơngai lik, bol khai ntoat mơ yơng jòi jat jơnau Yàng Jehôwa dê, mơya bol khai rơp ò bàn.

Mice 3:4

Gen bol khai rơp hòi mơ Yàng Jehôwa, mơya Kơnràñ rơp ò ho wơl bol khai in. Tŭ hơ̆ Kơnràñ rơp pồn mat Kơnràñ dê bơh bol khai, tài bơh bol khai neh lơh bơta iơh bơsak.

Malaci 1:10

“Ơ hơh, gơs cau lơi tòm bol mê pal til ală mpồng hìu duh khoai dê, tồ bol mê ò chu ồs di cơnòng duh khoai Añ jê tòm bơta ò kwơ.” Yàng Jehôwa Gơnap Gơnoar Dờng Làm Jơh đơs lah: “Añ ò niam nùs di bol mê, mơ Añ ò dòp phan ơn lơi bơh di tê bol mê.

Luka 5:16

Mơya Kơnràñ pleh is hơ tiah ngềt ngơt nàng hòi dan.

Jang 7:34

Bol mê rơp jòi Añ mơya ò bàn, tiah Añ ơm bol mê ò rgơi lòt tus.”