Sră Ôse 5:14 - Sră Goh 2018

¹⁴ Bơh Añ rơp kung be dô nơm klìu triă gơwèt hơ Epraim, dô nơm klìu triă brồ dam gơwèt hơ hìu Juda. Să tòm Añ rơp crè bol khai mơ lòt ngài; Añ rơp cèng pơrdô bol khai, mơ ò gơs dô nă cau lơi rơp dong tă.

Sră Ôse 5:14 ပူးပေါင်းရင်းမြစ်များ

Sră Jop 10:16

Yàng mòc añ be klìu triă khin cha, Mơ lơh tai ală broă crih crài Kơnràñ dê tòmdră mơ añ.

Sră Jop 10:7

Bulah Yàng git añ ò tìs glài, Mơ ò gơs cau lơi rgơi dong añ klàs bơh tê Yàng dê sơl?

Đơs Crih 50:22

Behơ̆, ơ ală cau hŭi Yàng Tom Trồ, kơlôi kah tĕ bơta do, rngòt Añ crè mê rpot rpet, mơ ò gơs cau lơi dong tă mòn.

Đơs Crih 7:2

Rngòt bol khai crè añ be klìu triă mòn, Crè gơs rpot rpet, ò gơs cau lơi dong tă añ.

Esai 5:29

Bol khai ơluh ơhùm be klìu triă, bol khai ơluh ơhùm kung be klìu triă brồ dam, bol khai ơluh ơhùm tòm tŭ kup geh phan mòc mơ cèng lòt, ò gơs dô nă cau lơi rgơi dong tă.

Jeremi 25:38

Kơnràñ kung be klìu triă neh lik bơh rgồng he dê. Lơgar bol khai neh gơlik gơs tiah lòi srau, tài bơh đào jàñ bơsak, mơ tài bơh bơta gơjrañ dờng Yàng dê.”

Ñìm Rac 3:10

Kơnràñ lơh be jơgơu ơm kơp mòc añ, kung be klìu triă tòm tiah pồn să;

Sră Ôse 13:6

Tòm tŭ Añ ròng siam bol khai, gen bol khai geh hừh nùs, bol khai geh hừh nùs, gen nùs bol khai gơlik pơnhừ să, gen tàng bol khai neh hŭi Añ.

Sră Ôse 2:12

Añ rơp tơnroh ală chi ño mơ chi ƀal khai dê, mơ khai đơs lah: ‘Ală chi do la jền tơngai mơ ală cau añ kòñ gơboh neh ai añ in.’ Añ rơp lơh ală chi hơ̆ gơlik be chi tòm dơr brê, mơ ală phan brê rơp sa loan gơ.

Sră Ôse 6:1

“Tus tĕ, bol he rê wơl hơ Yàng Jehôwa, bơh Kơnràñ neh crè bol he, mơ Kơnràñ rơp sơmbòi bol he; Kơnràñ neh lơh bol he, mơya Kơnràñ rơp pồt wơl bol he.

Amôs 2:14

Cau ntoat dô roh rui bơh bơta sơrbac sơrbang, cau pràn kơldang rơp ò prap bơta pràn he dê, mơ cau gơnoar pràn rơp ò dong klàs bơta kis bol khai dê.

Mice 5:8

Pơnah gam wơl Jakôp dê rơp ơm digùl oă lơgar, mơ ơm digùl oă làng bol kung be dô nơm klìu triă ơm digùl ală phan poan jơng tòm brê, mơ kung be dô nơm klìu triă brồ dam ơm digùl ală mpồl belàt, tòm tŭ gơ lòt gan gơ jă trơm mơ kap crè rpot rpet, ò gơs cau lơi rgơi dong klàs.

Yal Wơl 28:31

Kơnrồ dam bol mê dê rơp kong sreh lơh poac di đap mat bol mê, mơya bol mê ò geh sa dô êt poac lơi gơ dê. Ơseh alàng bol mê dê rơp kong cau ngui pràn tòmpìt ai gơ mơ rơp ò tơm wơl bol mê in. Belàt bol mê dê rơp kong tòmpà ai ală cau sò tơm di bol mê mơya ò gơs cau lơi dong tă gơ.

Yal Wơl 32:39

Sền tĕ tŭ do, Añ la Bơtau hơ̆! Ò gơs yàng lơi ndai rlau mơ Añ. Añ tơnchơt mơ lơh kis wơl, Añ lơh sồt jê mơ rơp sơmbòi wơl; ò gơs cau lơi rgơi dong tă bơh di tê Añ.